Hvað er hægt að gera við því?

Minningardagur Transfólks

2010-11-20T13:38:00.006Z

Í yfir 140 löndum er hinn 20. nóvember tileinkaður minningu þess fólks sem var drepið vegna and-transgender haturs eða fordóma. Á alþjóðlega vísu hefur þessi dagur fengið nafnið TDOR ( Transgender Day Of Rememberance ) . Atburðurinn er haldinn í nóvember til heiðurs Rita Hester, en morðið á henni sem framið var 28. Nóv 1998 varð upphafið að vefverkefninu "Remembering Our Dead" og í San Francisco var kertaljósvaka árið 1999. Eins og flest morðmál gegn transgender, hefur morðið á Ritu Hester ekki enn verið leyst.

Í umræðunni um kreppuna kom oft fram það sjónarmið, að talað skyldi gætilega um kreppuna, að aðgát skyldi höfð í nærveru sálar. Í umfjöllun fjölmiðla um morðið á Ritu var ekki höfð mikil aðgát í nærveru sálna. Mörgum vina hennar sárnaði það virðingarleysi sem lífi hennar var sýnt með því að gera að engu kynhlutverk hennar sem hún hafði lifað í, tíu ár á undan. Verkið sem morðinginn hóf, með því að eyða lífi hennar vegna þess að hún vildi lifa sem kona, ljúka fjölmiðlar með því að eyða minningu hennar sem konu.

Tilgangur Minningardags Transfólks, er að vekja athygli almennings á hatursglæpum gegn transfólki, nokkuð sem fjölmiðlar standa sig illa í. Ekki eru öll þau endilega transgender, sem minnst er á Minningardegi Transfólks, heldur voru þau fórnarlömb ofbeldis sem beint er gegn transfólki. Oftast gerir umfjöllun um þessa glæpi lítið úr fórnarlömbunum og hatrinu gegn þeim. Morðingjarnir fremja glæp sinn til að eyða fórnarlömbunum og til að auðmýkja minningu þeirra og eyða henni.

Sú réttláta reiði sem við finnum þegar við lesum um glæpina gegn transfólki þarf að umbreytast í fyrirgefningu glæpsins og blessun á minningu fórnarlambsins því þannig vinnur kærleikurinn á hatrinu.

Til að halda minningu fórnarlambanna á lofti og heiðra þau, er mikilvægt að Minningardagur Transfólks sé skýrt aðgreinur frá öðrum atburðum. Með því að koma saman, syrgjum við og heiðrum líf þessara látnu systra okkar og bræðra. Þetta gerum við ekki síst fyrir okkur sjálf, því við vitum aldrei hvaða manneskja verður næsta fórnarlamb hatursins.

“Á síðasta áratug, hafa látist meira en ein manneskja á mánuði vegna haturs eða fordóma gagnvart transfólki, án tillits til annarra þátta í lífi þeirra. Ekkert dregur úr þessari tilhneigingu.” [ Gwendolyn Ann Smith (2008) http://www.gender.org/remember/day/what.html ]

Samkvæmt Gwendolyn virðist morðtíðnin ekki vera minnkandi. Þar sem transfólk er aðeins um 10 til 30 af hverjum 100 þúsund íbúum er gagnslaust að bera morðtíðnina beinlínis saman við morðtíðni venjulegs almennings. Raunhæfara er að bera morðtíðnina við raunverulegan fjölda transfólks. Þá kemur í ljós að morðtíðnin er einhversstaðar á milli 26 og 90 fyrir hvert 100 þúsund transfólk á hverju ári (Anna Jonna Ármannsdóttir 2008) .

Til samanburðar má geta að hæsta morðtíðni í löndunum heims er milli 50 og 60 manns af hverjum 100 þúsund á ári samkvæmt Ráðuneyti Sameinuðu Þjóðanna gegn Eiturlyfjum og Glæpum (2010 a) eins og sést á meðfylgjandi mynd.

(UNODC, 2010 a, pp. 23).

Þannig má álykta að transfólk í Bandaríkjunum sé í álíka mikilli hættu og almenningur í þeim löndum sem hafa hæstu morðtíðni í heimi.

Tilsvarandi mynd morðtíðni á fjórum svæðum en Brasilía er tekin fyrir sérstaklega vegna þess að ein af hverjum 2000 transmanneskjum er drepin í því landi.
Myndir sýnir þróunina síðustu 2 árin og að morðtíðnin á transfólki í Evrópu og Bandaríkjunum, sé á svipuðum stað og morðtíðnin á venjulegum almenningi í hættulegustu löndum heims.

Mikilvægt er að hafa í huga að verið er að bera saman epli og appelsínur, því þarna er annarsvegar um að ræða minnihlutahóp sem sætir ofbeldi meirihlutans, og hinsvegar heilar þjóðir í þríhyrningnum í Mið Ameríku, þar sem skipulögð glæpastarfsemi og ólögleg viðskipti með aðallega heróín og kókaín veldur gríðarlegu mannfalli. (UNODC, 2010 a, pp 55).

Niðurstöður áðurnefnds Ráðuneytis SÞ er :

This paper has illustrated the ways that transnational organized crime is both a symptom and a cause of instability in a diverse range of regions around the world. Both organized crime and insurgency undermine the rule of law. (UNODC, United Nations Office on Drugs and Crime. 2010., pp 55).

To deal comprehensively with these intractable and interlinked issues, there can be no substitute for coordinated international action. (UNODC, United Nations Office on Drugs and Crime. 2010, pp 55)).

Niðurstöður SÞ er með öðrum orðum að skipulögð alþjóðleg glæpastarfsemi valdi óstöðugleika og grafi undan réttaröryggi. Til að takast á við þennan vanda, sé enginn annar kostur en alþjóðlega samhæfðar aðgerðir.

Í ljósi þess hve alvarlegum augum áðurnefnt Ráðuneyti S.Þ. lítur á afleiðingar alþjóðlegrar glæpastarfsemi, er hrópandi mótsögn það aðgerðaleysi sem viðgengst þegar um er að ræða morð á transfólki.

Svo virðist sem að glæpirnir haldi áfram svo lengi sem hatrið og fordómarnir gegn transfólki fá að þrífast. En það fá þeir eingöngu að gera svo lengi sem almenningur veit ekki af þeim og umfjöllun fjölmiðla auðmýkir minningu fórnarlambsins.

Höfundur: Anna Jonna Ármannsdóttir

Heimildir:

Ármannsdóttir, A. J. (2008, November 19). Tölfræði yfir morð á Transfólki. Hvað er hægt að gera við því? blog, . Sótt 20. nóv, 2010, from http://annajonna.blogspot.com/2008/11/tlfri-yfir-mor-transflki.html

UNODC, United Nations Office on Drugs and Crime. (2010 a). Crime and instability: case studies of transnational threats. UNODC, United Nations Office on Drugs and Crime. Sótt 20. nóv. 2010 af http://www.unodc.org/documents/data-and-analysis/Studies/Crime_and_instability_2010_final_26march.pdf

UNODC, United Nations Office on Drugs and Crime. (2010 b). Homicide Statistics, Criminal Justice Sources - Latest available year (2003-2008). United Nations Office on Drugs and Crime. Sótt 20. nóvember, 2010, from http://www.unodc.org/documents/data-and-analysis/Crime-statistics/Criminal_justice_latest_year_by_country.20100201.xls

Dan Frosch (2008), New York Times, “Death of a Transgender Woman Is Called a Hate Crime” . Sótt 25. nóv. 2008 af http://www.nytimes.com/2008/08/02/us/02murder.html?ref=us

Gwendolyn Ann Smith (2008), “9^th Annual Transgender Day Of Remembrance” . Sótt 25. nóv. 2008 af http://www.gender.org/remember/day/

James Alan Fox, Marianne W. Zawitz (2008), U.S Department Of Justice, Office Of Justice Programs, Bureau Of Justice Statistics, Sótt 25. nóv. 2008 af http://www.ojp.usdoj.gov/bjs/homicide/hmrt.htm

Hér er margt að ugga … öfug … ugga

2009-08-10T13:59:00.001Z

Sýning Listahópsins Maddýar, er sýning sem áhorfandur taka þátt í og ramba inn í hvern heiminn á fætur öðrum. Stundum er eins og áhorfandinn sé að upplifa minningar annars fólks. Aðferðirnar eru áhrifaríkar og gera áhorfendur að þáttakendum sem þurfa að setja sig í spor annars fólks.

Ég upplifði aftur og aftur að sem áhorfandi var ég ein á sviðinu og áhorfandi að eigin sviðssetningu. Viðbrögð annarra áhorfanda eru einnig minnisstæð. Í dimmum kyndiklefa með ýmsum ryðguðum vélum stendur við hlið mér áhugaljósmyndari og mundar myndavélina eins og hún sé að mynda villt dýr í frumskógi rygðaðra röra og vélahluta. “Það er nakinn maður þarna inni. Hann kemur bráðum fram.” Eitt augnablik efaðist ég um hvort hún væri áhorfandi eða leikandi í sýningunni.

Í litlu þvottaherbergi situr ungur maður og segir sögu úr æsku sinni. Þvottasnúrur fullar af myndum frá æsku þessa unga manns. Þegar sögunni lýkur kemur í ljós að konan sem stendur við hlið mér er mamma hans. Hann segir söguna af ótrúlegri sannfæringu. Það er eins og að hann hafi í raun upplifað það sem hann segir frá. Það eina sem fær mig til að efast um söguna, er að ég veit að hún er sviðssett.

Móðirin svarar unga manninum af sömu sannfæringu, þegar hann spyr hvað henni finnist. Veruleikinn er óþægilega fljótandi. Til að grípa í eitthvað fast horfi ég á myndirnar úr æsku unga mannsins. “Þetta er alveg ótrúlega líkt þér” segi ég. “Já, þetta er mynd af mér” segir hann. Ég brosi vandræðalega og það rennur upp fyrir mér að sannleikurinn er oft ótrúlegri en uppspuni. Þegar sannleikurinn er sviðssettur eins og um uppspuna sé að ræða, getur venjulegt fólk verið algerlega sannfærandi.

Listasýningin er frábærlega öðruvísi og ögrandi. Í minningunni er hún eins og draumur annars fólks sem mig dreymdi ekki.

Aðgangur er ókeypis og athugið að mögulegt er að koma og fara að vild.

Síðasta sýning í Austurbæjarbíói í dag klukkan 18:00 til 20:00

Orðræða um Transfólk

2009-04-16T13:18:00.003Z

Ræða flutt á fundi TÍ. 1. apríl 2009

Orðræða um Transfólk

Góðu gestir, áheyrendur, vinir, og vinkonur,

það er löngu tímabært að við förum að ræða hvernig við tölum og hugsum um okkur sjálf og hvernig aðrir gera það.

Við getum auðvitað stundað einhverskonar skotgrafahernað, þar sem við ráðumst strax á hvern þann sem talar á niðrandi hátt um transgender fólk. Vi gætum t.d. fordæmt hvernig litríka pressan fjallar um transfólk. Þar er orðræðan eins og orðræðan var um kynvillinga var fyrir fleiri áratugum síðan. Við gætum rætt þetta út frá þeirri staðreynd að ákveðnir fjölmiðlar nota vald orðræðunnar til að lítillækka okkur sem minnihlutahóp. Staðan er þá sú, að aðili með mikil völd beitir sér gegn minnihlutahópnum.

Orðræða okkar verður þá svar okkar gegn valdbeitingunni og sagan hefur kennt okkur að svar við valdbeitingu, er valdbeiting. Í besta falli verður það valdbeiting án ofbeldis eins og Ghandi kenndi heiminum.

Ég held að það sé miklu betra að horfast í augu og ræða um þetta á jafningjagrundvelli og byrja á okkur sjálfum.

Valdbeiting í Orðræðu (Discursive abuse of power)

Það er þekkt meðal minnihlutahópa að þeir nota innbyrðis þau orð sem þau vilja ekki að fólk noti utan þeirra hóps. Afrískir bandaríkjamenn kalla hvern annann NIGGARA á góðlátlegan hátt. Gyðingar segja öðrum gyðingum forherta júðabrandara. Það kemur einngi fyrir í gríni og í gamni að einhver hommin kallar einhverna annan hommann fyirr kynvilling. Í öllum þessum tilfellum er ekki um að ræða valdamikinn aðila sem beitir sér gegn minnihlutahópnum eða gegn einstaklingnum. Þarna er í raun verið að gera valdbeitinguna sýnilega, með því að nota orðið án valdbeitingar.

Sá eða sú sem hefði opinberlega kallað núverandi forseta Bandaríkjanna fyrir niggara eða núverandi forsætisráðherra Íslands fyrir kynvilling eða kallað forsætisráðherra Ísraels fyrir júða, hefði stimplað sig inn í söguna sem kreddumaður, sem fordómamaður, sem þröngsýnismaður og sem ofstækismaður.

Valdbeiting í orðræðu gegn þessum minnihlutum er einfaldlega fordæmd á flestum vestrænum menningarsvæðum. Valdbeiting í orðræðu er hinsvegar ekki fordæmd í sjálfu sér. Þegar um er að ræða minnihlutahópa sem af einhverjum sökum ekki eiga upp á opinbert pallborð, virðist vera viðeigandi að beita þá valdi í orðræðu. Sem dæmi má nefna minnihlutahópana auðmenn og útrásarvíkinga. Á vissum menningarsvæðum eru samkynhneigðir ekki taldir eiga upp á pallborðið og kemur það skýrast fram í valdbeitingu í orðræðu um samkynhneigða.

Falin Valdbeiting í Orðræðu

Á tímum þrælahalds í Bandaríkjunum og þeirrar valdbeitingar sem þrælahald er í raun, þótti sjálfsagt og eðlilegt að kalla fólk “niggara”. Þetta var einfaldlega það orð sem valdastéttin vildi nota um þessháttar fólk. Valdastéttin taldi þetta vera góða og gilda málnotkun. Valdbeitingin í orðræðu var falin með því að gera orðið að ómissandi hluta af tungumálinu. Einnig var valdbeiting svo miklu meiri á öðrum sviðum, t.d. félagslega og réttarlega að fólk varð blint fyrir valdbeitingu í orðræðu.

Svo virðist sem að vissum aðilum þyki sjálfsagt og eðlilegt að kalla fólk kynvillinga, kynskiptinga og klæðskiptinga með þeim rökum að slíkt sé góð og gild málnotkun.

Þannig er valdbeitingin falin bak við góðan ásetning. Röksemdin virðist vera sú, að góður ásetningur hljóti að réttlæta valdbeitinguna. Gallinn við þá röksemd er að góð og gild málnotkun er möguleg án valdbeitingar.

Sem dæmi um góða og gilda málnotkun án niðrandi orðalags, má nefna fyrirspurn háttvirts þingmanns Guðrúnar Ögmundsdóttur dagsett 18. janúar 2007 til háttvirts forsætisráðherra fyrrverandi, Geirs Haarde, ásamt svari hans.

Villingar og skiptingar nútímans

Þegar kemur að orðunum kynvillingur, kynskiptingur og klæðskiptingur, sést töluverður munur á notkun orðanna. Hið svokallaða fjórða ríkisvald er svotil alveg hætt að nota orðið kynvillingur enda þykir það ekki lengur góð latína. Hinsvegar virðist það hafa sérstakt dálæti á orðunum kynskiptingur og klæðskiptingur.

Á bloggi mínu skrifaði ég í janúar 2007 um Umskiptinga Íslenskrar Tungu.

Eftir umfjöllun um orðið hamskipti sem er gott og gilt íslenskt orð, skrifaði ég meðal annars eftirfarandi setningu:

Nafnorðið hamskipti (en: n: metamorphosis, v: metamorphose) er eitt af upprunalegum orðum íslenskrar tungu, en eins og ofannefndar heimildir sýna er orðið hamskiptingur ónauðsynlegt. Vert er að taka eftir að öll orð sem enda á -skiptingur lýsa eiginleikum sem liggja utan þess sem eðlilegt getur talist.

Við notum orðið trans og merkingarlega er það tilvísun enska orðið transgender. Merkingin er alþjóðleg, og orðið er upprunalega latína og merkir yfir eða þverun. Til eru yfir 20 íslensk fyrirtæki í fyrirtækjaskrá íslands sem bera þetta orð í nafni sínu. Einnig má nefna orðið transfitusýra og er þar komið íslenskt efnafræðilegtheiti á sérstakri fitusýru.

Í efnafræðinni eru notuð hugtökin cis og trans sem andstæður. Í alþjóðlegri orðræðu transfólks, er talað um císfólk en það er fólk sem ekki er transfólk. Það er alveg ljóst að orðið trans var hluti af íslenskri tungu áður en transgender fólk tók það til sín.

Íslensk orð um efnið

Hugtakið transgender spannar stóran hóp fólks sem hefur það eitt sameiginlegt að vera í óhefðbundinni stöðu með kyn sitt. Sum þeirra fá aðgerð til leiðréttingar á kyni.

Við Jóna Ingibjörg vorum að ræða á fésbókinni orðanotkun fyrir orðið gender og skyld orð. Ég skrifaði meðal annars eftirfarandi:

Sæl Jóna,
má ég sýna þér litla grein sem ég var að skrifa í gærkvöldi og í nótt, en þar eru notuð orð sem eru náskyld nýyrðinu þínu: kynverund. Ég nota tvö orð yfir gender allt efti því í hvaða merkingu það er. Oriðn eru kyngervi og kynvitund. Kynsemd sá ég hjá landlæknisembættinu.
Hvað finnst þér?

og hún svaraði og skrifaði þetta:

Kyngervi = gender (hvaða kyn við sýnum út á við)
Kynímynd=kynvitund=kynsemd = gender identity (hvaða kyn við samsömum okkur með huglægt/tilfinningalega)
Kynferði = physical gender

og er ég lýsti áhuga mínum á betra orði fyrir gender, skrifaði hún þetta:

Ég hef aldrei verið hrifin af orðinu kyngervi, hér áður var talað um félagsleg kynhlutverk, þ.e.a.s. þá hegðun og hlutverk sem er félagslega áskapað. Við höfum okkar kyn-ferði, sem er líffræðilega kynið. Svo höfum við hið félagslega kyn, það sem sést út á við. Það vantar eitthvað skemmtilegt og ögrandi heiti hér, er sammála því en á meðan er kyngervi einn möguleiki því kyngervi breytast stöðugt.

Kæru áheyrendur, það er alveg ljóst að íslensk tunga er í mikilli þróun á þessu sviði. Það skiptir öllu máli hvernig hvert okkar notar málið. Í þessu sambandi langar mig að minna á nýlega auglýsingu þar sem ung stúlka les ljóð Þórarins Eldjárns:

Á íslensku má alltaf finna svar
og orða stórt og smátt sem er og var,
og hún á orð sem geyma gleði´ og sorg,
um gamalt líf og nýtt í sveit og borg.
Á vörum okkar verður tungan þjál,
þar vex og grær og dafnar okkar mál.
Að gæta hennar gildir hér og nú,
það gerir enginn nema ég og þú.

Góðu vinir og vinkonur: það gera vonandi fleiri en bara ég og þú.

Fjölbreytni

2009-03-25T02:52:00.002Z

Fjölbreytni

Spurning:

Ef karlar eru frá Mars og konur eru frá Venus, hvaðan ert þú þá?

Svar:

Þú ert frá lifandi plánetunni Jörðinni, sem er á milli þessara tveggja

lífvana pláneta.

Þekkingu mankyns hefur fleygt mikið fram síðan jörðin var talin vera flöt. Í dag vitum við töluvert um kynjafræði sem við vissum ekki fyrir hálfri öld.

Við vitum að líkamlegt kyn er ekki bara einn þáttur heldur fleiri. Helstu þættir líkamlegs kyns eru kynfæri, hormónastarfsemi, kynlitningar og nýrri rannsóknir sýna mismun á vissum hluta heilans eftir kyni.

Við vitum að líkamlegt kyn einhvers segir ekki til um hvoru kyninu hann mun hneigjast að. Við vitum einnig að kynfæri og kynvitund fylgjast stundum ekki að. Einnig vitum við litningar og kyngervi (en: physical gender ) fylgist stundum ekki að. Einnig er þekkt að kynsemd (en: gender identity) getur verið gagnstæð mörgum líkamlegum þáttum og einnig kynvitund (en: gender) . Vísindamenn vinna að rannskóknum á hvernig kynvitund tengist líkamlegum þáttum í heilanum, en ennþá hafa ekki fengist einhlít svör.

Þarna eru nefndir 6 þættir sem í sameiningu ákvarða kyn fólks. Ekki allir eru svo heppnir að sérhver af þessum kynákvarðandi þáttum, bendi allir á sama kyn. Ef kynsemd (en: gender identity) og kynfæri benda ekki til sama kyns, er það í læknisfræði kallað Gender Identity Disorder sem sumir kalla kynsemdarröskun eða kynáttunarvanda.

Staðalímyndir karla og kvenna sem andstæður, eru óraunhæfar. Sem hugmyndir eru þær jafn líflausar og pláneturnar Venus og Mars. Flest mannleg samfélög eru skipulögð samkvæmt þeirri tvíhyggju sem grundvallartvískipting kynsins er. Flest samfélög hafa stífa lagalega skilgreining á kyni sem einu af tveimur óbreytilegum andstæðum. Þessi tvíhyggja svarar ekki til raunveruleika mannlífsins.

Athugun á hvaða hópi fólks sem er, sýnir að líkamsútlit er ekki bara mismunandi samsvörun við þessar staðalímyndir, heldur sýnir slík athugun fjöldann allann af líkamsútliti.
Á því grunvallarstigi sem talið er vera litningakyn fólks, hafa erfðavísarnir í einni af hverjum 500 manneskjum, aðra kjarngerð en xx eða xy.
Eitt af hverjum 200 börnum er tvírætt á augljósustu birtingu kyns þess, sem eru ytri kynfæri þess. Hjá einu af hverjum 1000 börnum er frávikið það mikið, að læknar grípa til aðgerða til að leiðrétta það.
Þau félagslegu og tilfinningalegu einkenni sem við tileinkum körlum og konum, eru ekki strangt aðskilin, heldur eru þau eins og litróf frá raunsæi til innsæis, frá innhverfu til úthverfu og frá æðruleysi til viðkvæmni.

Í besta falli má sýna fram á tölfræðilegt samhengi við gefna skilgreiningu kynsins. Samtímis hefur skilgreiningin margar undantekningar.

Skipun samfélaga

Fólk skipar sér í samfélög samkvæmt samningi þess samfélags. Slíkur samningur getur t.d. verið stjórnarskrá, félagslög eða einhverskonar samkomulag. Innifalið í slíkum samningi eru alltaf reglur um útilokun úr samfélaginu og um réttarfar samfélagsins. Samfélagið hefur þannig rétt til að taka réttlátar ákvarðanir varðandi fólk, en ákvarðanirnar eru takmarkaðar af samningnum við fólkið og einnig af samningum við önnur samfélög.

Stjórntæki samfélaga

Staðalímyndir karla og kvenna eru stjórntæki fábreytninnar til að stjórna fjölbreytninni.

Gagnvart þeim fjölbreytileika sem er til í raun, er stíf aðgreining kynjanna bæði grimm og ónáttúruleg. Stíf aðgreining var einnig fundin upp í Suður Afríku, til að skilja að kynþætti í samræmi við kynþátta-aðskilnaðarstefnu þáverandi stjórnvalda. Þannig hélst við kerfisbundin mismunun.

Það er mótsagnakennt, að meðan við fyrirlítum að aðskilnaðarstefnu sé beitt gegn kynþáttum, beitum við aðskilnaðarstefnu gegn kyninu, af mestu ánægju.

Tölfræði yfir morð á Transfólki

2008-11-19T23:08:00.000Z

Af hverjum 100 þúsund manns eru milli 3 og 10 transgender. Þetta merkir að af þeim 300 milljón manns í Bandaríkjunum, eru milli 9 og 30 þúsund transfólk í allt.

Af þessum eru um það bil 8 transkonur og transmenn myrt á hverju ári í Bandaríkjunum einvörðungu.

[ http://www.gender.org/remember/day/who.html ]

Þetta svarar til morðtíðnar sem er milli 26 og 90 fyrir hvert 100 þúsund transfólk. Áætlað meðaltal yrði 58 transfólk fyrir hvert 100 þúsund transfólk.

Til samanburðar, er árleg morðtíðni í Bandarísku samfélagi 5,5 menn af hverjum 100 þúsund manneskjum.

Svart fólk er 6 sinnum líklegri til að verða myrt borið saman við kákasískt fólk.

[ http://www.ojp.usdoj.gov/bjs/homicide/tables/totalstab.htm ]

Miðað við Bandarískan almenning er transfólk í Bandaríkjunum 10 sinnum líklegra til að verða myrt.

Little truth about a queen

2008-09-24T14:49:00.002Z

I have been wondering about a film about the
filipinese Raquela

Those that have some ideas about the film,
and which I definitely recommend are:

Sass Rogando

Her wrintings about the film

The IMDB database about the film.
http://www.imdb.com/

Marketet as a Cinderella story on M Comet and on Star Mo Meter

See trailer:
http://www.hollywood.com/trailer/The_Amazing_Truth_About_Queen_Raquela/5303945

Hopefully others will also have some opinions on this flilm.

Svolítill sannleikur um Drottningu

2008-09-19T12:30:00.003Z

Ég hef verið að velta fyrir mér kvikmynd um
hina filipeysku Raquelu.

Þau sem hafa gert sér hugmyndir um hana og
sem ég mæli eindregið með eru:

Sass Rogando

Skrif hennar um kvikmyndina

IMDB Gangagrunnurinn um kvikmyndina.
http://www.imdb.com/

Markaðssett sem Öskubuska á M Comet og á Star Mo Meter

Sjá trailer:
http://www.hollywood.com/trailer/The_Amazing_Truth_About_Queen_Raquela/5303945

Vonandi munu einnig aðrir gera sér hugmyndir um þessa
kvikmynd.

hver er kominn í undanúrslit?

2008-08-20T08:51:00.002Z

Þó ég óski Íslenska karlalandsliðinu í Handbolta til hamingju með að vera komið í undanúrslit, er ég pirruð vegna ummæla þularins í íslenska sjónvarpinu sem sagði orðrétt:

Við erum komnir í undanúrslit

og átti þannig við íslensku karlþjóðina.

Þannig útilokaði hann þann helming íslensku þjóðarinnar sem er kvenkyns. Það er einmitt svona hlutir sem gera að jafnrétti er ekki raunin í íslensku þjóðfélagi. Það sem verra er: Konur eru meðvirkar í þessu og finnst þetta alveg sjálfsagt. ÞAÐ FINNST MÉR EKKI!
Eftir 30 ára misheppnaða jafnréttisbaráttu, er kominn tími til að konur byrji að standa með sjálfum sér!

Fljúgandi Gítar

2008-03-24T15:20:00.005Z

Oft hefur gítar verið með í för minni milli Færeyja og Íslands. Aftur og aftur hefur maðurinn minn tekið gítarinn með sem handfarangur því annars má reikna með að hann eyðileggist á leiðinni, ef hann er í mjúkri tösku. Fyrir um ári síðan, keypti hann sér harða tösku undir gítarinn og síðan hefur hann verið tekinn sem venjulegur farangur með hinum töskunum.

Við mættum með farangurinn á Reykjavíkurflugvöll kl 12:50 en vélin átti að fara af stað um kl 13:30. Hann benti mér fljótlega á að fyrir framan okkur í röðinni voru Eivør og Jón Tyril með farangur og hljóðfæri. “Hún verður að fá að taka þetta sem handfarangur” sagði ég. Hann leit á mig og samsinnti. Við fylgdumst vel með þegar kom að því að afhenda farangurinn. Þau áttu í nokkrum samræðum við starfsfólkið, og loks afhenti hún gítarinn sinn, sem var í mjúkri tösku. Hann var settur á færibandið með stórum og þungum töskum.

Röðin kom að honum og brátt var búið að afhenda farangur og ganga frá farmiða. Þau stóðu stutt frá okkur, og ég stóðst ekki mátið, heldur gekk til þeirra og spurði Eivøru á færeysku hvort henni hefði verið neitað um að taka gítarinn sinn með sem handfarangur. "Já, ég mátti ekki taka hann með. Það eru komnar nýjar reglur.” Maðurinn minn spurði hana hvort þetta hafi verið dýr gítar, og hún kinkaði kolli. Við ræddum um meðferðina á farangrinum og hversu viðkvæm þessi hljóðfæri eru. Eivør var nokkuð viss um að ef gítarinn skemmdist, fengi hún það ekki bætt. Síðan skildu leiðir og hún kinkaði kolli í kveðjuskyni.

Maðurinn minn taldi að þetta væri allt öðruvísi en hjá Atlantic Airways, þrátt fyrir að ferðin væri á vegum þessa flugfélags. Mér fannst þetta ástand alveg ótækt og sagði við manninn minn að ég ætlaði að ræða aðeins við starfsfólkið sem stóð þarna við afgreiðsluborðið. Á meðan ég gekk þau tíu skref sem voru að afgreiðsluborðinu, ákvað ég að nefna fyrst gítar Eivørar, síðan gítar mansins míns og mjúku töskuna sem hann notaði einu sinni en er nú farinn að nota harða tösku. Hann tók gítarinn áður sem handfarangur en ekki nú. Síðan aftur í gítar Eivørar, og hversu dýrmætur hann er fyrir hana. Að sjálfsögðu nefndi ég ekki að hún hafði skilið hörðu töskuna eftir í Færeyjum.

Í ljós kom, að Atlantic Airways höfðu hert reglur um handfarangur fyrir um mánuði síðan og að starfsfólkið var bara að fylgja þeim reglum sem þeim voru settar. Starfsfólkið var sammála mér í því að hún hefði greinilega fengið að taka gítarinn með sem handfarangur frá Færeyjum, og því væri Atlantic Airways ekki að fylgja eigin reglum. En svona voru reglurnar og því ekkert að gera. Ég brosti í kveðjuskyni og kinkaði kolli til starfsfólksins. Síðan bar þar að öryggisvörð flugvallarins og við þekktumst frá fyrra starfi. Ég vinkaði henni, heilsaði og kvaddi allt í senn.

Það var erfitt að kveðja manninn minn og stutt í tárin. Honum er illa við að kyssast á opinberum stöðum og vildi helst kveðja mig stuttlega. Hann fékk ekki að ráða. Eftir að hafa kvaðst tvisvar kvöddumst við innilega í inngangi flugstöðvarinnar.

Ég var rétt búin að leggja bílnum við vinnuna mína hjá Háskólabíói, þegar maðurinn minn hringdi í mig. “Þau létu Eivøru fá gítarinn aftur!” Hrifningin í rödd hans var greinileg og ég hló af gleði. Hann var á leiðinni út í flugvélina og fannst að ég yrði að fá að vita þetta, þar sem ég ætti líklega einhvern þátt í þessu. Við kvöddumst aftur og ég hugsaði hlýlega til starfsfólksins á flugvellinum og til öryggisvarðarins sem líklega átti sinn þátt í þessu. Nú ætlaði ég að hlusta aftur á flövuna Mannabarn eftir Eivøru.

Transgender Cyborg

2007-08-13T01:05:00.000Z

Trans Ísland tekur vonandi þátt í Hinsegin Dögum árið 2008 sem sjálfstætt félag. Í rúmlega eitt og hálft ár hef ég gengið með hugmyndir um hvernig við getum fylgt stefnu Homma og Lesbía, síðustu áratugi í göngunni: Að staðfesta alla fordómana, sýna lífsgleði, frumkvæði og sköpun.

Þeir fordómar sem Transgender fólk mætir oft, er að við breytum líkömum okkar svo mikið að talað er um að við séum með gerfibrjóst, gerfikynfæri, gerfihár, gerfikinnbein, gerfinef, kyngerfi og svo framvegis. Einnig virðist fólk óttast að hægt sé að smitast og verða Transgender.

Þessa fordóma ættum við að staðfesta í næstu göngu, og gera það af sannfæringu og lífsgleði.

Þekkt er tengingin milli Transgender og Cyborg, en þau síðarnefndu koma fyrir í skáldsögum og kvikmyndum, allt frá Frankenstein eftir Mary Shelley, og fram í vísindaskáldsögur seinustu áratuga. Má þar helst nefna Star trek kvikmyndirnar, en í þeim höfðu Borgir ráðist á mannfólkið til að útrýma því. Borg þessi voru lifandi vélmenni sem ætluðu að ná heimsyfirráðum og breyta öllum í lifandi vélmenni. Mannfólkið fékk eftirfarandi orðsendingu: “We are Borg! Resistance is Futile. Prepare to be assimilated.” (is: Við erum Borgir! Andspyrna er gagnslaus. Búið ykkur undir aðlögun! )

Reglan er að Cyborgirnar eru ómenni sem bera ekki virðingu fyrir neinu. Oft eru þær skúrkar eða glæpamenn. Einnig eru til undirgefnar Cyborgir og er þeim þá treystandi fyrir einföldum störfum. Fjallað hefur verið um þetta m.a. á ráðstefnu nýverið í Bandaríkjunum um Félagslegar Rannsóknir. Þar voru meðal annarra nefnd tengslin milli kynþátta og Cyborg myndhverfingarinnar. Einnig voru nefndar hugmyndir um intersex og Cyborg líkamningu. Síðast en ekki síst var fjallað um skáldsögu Angelu Carter: Ástríða hinnar nýju Evu. Titillinn var “’I would rather be a cyborg than a goddess’: The Transgender Cyborg and Embodiment in Angela Carter’s 'The Passion of New Eve'”

Aðrar athuganir á skáldsögum þar sem Cyborg kemur við sögu, virðast sýna að Cyborg er í flestum tilfellum kvenkyns. Þessar athuganir virðast sýna Cyborgina sem póstmódernístíska myndhverfingu fyrir kvenlega undirgefni. Þannig er verið að letja gangrýna umræðu um kynþætti í alþjóðlegum kvikmyndum.

Birting okkar sem Transgender Cyborgir myndi staðfesta alla fordómana og að auki myndum við ýta verulega við umræðu um jafnréttismál kynjanna og kynþátta, ásamt því að ýta við umræðu um jafnrétti fatlaðra.

Mín hugmynd er því að Trans Ísland taki þátt í Gay Pride 2008 og verði Cyborgir. Töluverð vinna hefur þegar verið lögð í að finna hæfilegt grafískt útlit og tillögur að búningum og útliti.


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn verða póstmódernístísk myndhverfing fyrir kvenlega undirgefni.

Talar DV máli glæpamanna

2007-07-12T19:52:00.000Z

Í auglýsingum DV í sjónvarpi segir:

Við Tölum Þínu Máli!!!

Nú þegar einn af rannsóknarlögreglumönnunum segir að DV hafi eyðilagt rannsókn stærsta kókaín máls sem komið hefur upp hingaðtil, er ástæða til að spyrja:

Við hvern er DV eiginlega að tala?

Hverjum er DV að falbjóða málgagn sitt, og fyrir hvaða málstað?

Við upphaf blaðamennsku í Frakklandi, voru dagblöðin kölluð franska orðinu avis sem merkir afstaða eða skoðun. Þau höfðu skoðun á þjóðmálum og skrifin voru lituð af þessari afstöðu. Við sjáum þetta enn þann dag í dag í flestum dagblöðum með sjálfsvirðingu.

Afstöðuleysi DV ber í sér eiginleika sem oft verið kenndur við vændi: DV selur sig hagkvæmasta málstað.


      .-.       .-.
     /'v'\     /'v'\
    (/   \)   (/   \)
======="="=='=='="="===-----

Megi Ó-Frjálslyndi flokkurinn falast eftir hagkvæmari málstað.

Bannað að segja k(BEEP)ingur.

2007-06-21T00:09:00.000Z

Samkvæmt áreiðanlegum heimildum (auglýsingar Birtings á RUV og Stöð 2 ) hef ég - yfirvald Íslands á þessu sviði - lagt bann við notkun þessa orðs. ;)

Nú er unnið hörðum höndum að leggja bann við að skrifa þetta orð. Næsta skref er að sjálfsögðu ritskoðun og að endurrita Íslandssöguna þannig að komandi kynslóðir megi lesa ritaðar heimildir um þetta, án þess að brjóta

landslög. :->

Að sjálfsögðu verður þessu fylgt eftir með tilheyrandi refsilöggjöf. :D


      .-.       .-.
     /'v'\     /'v'\
    (/   \)   (/   \)
======="="=='=='="="===-----

Megi Ó-Frjálslyndi flokkurinn verða bannaður.

Afsökunarbeiðni til Örnu Schram formanns B.Í.

2007-05-01T15:29:00.000Z

Í nýlegri grein minni um meðferð kærumáls fyrir siðanefnd

B.Í., skrifaði ég að Arna Schram hefði verið að tala um áðurnefnt

kærumál þegar hún sagði eitthvað á þá leið að það ætti ekki

að drepa sendiboðann.

Ég vill biðjast afsökunar á þessari rangtúlkun, hún var ekki að

tala sérstaklega um þetta mál heldur almennt um blaðamennsku.

Mér var bent á þetta í gær, og þá áleit ég ekki að ég hefði rangtúlkað

en samt var ég ekki alveg ósammála ábendingunum.

Þegar ég hafði lesið greinina yfir og borið saman við ábendingarnar,

skipti ég um skoðun og var þá sammála Örnu um að hér væri um

rangtúlkun að ræða af minni hálfu.

Nú er alltaf ódýrt að að biðjast afsökunar, þegar maður

hefur náð sínu fram. Ég kýs þó frekar að breyta greininni, og

fjarlægja rangtúlkanirnar áður en hún verður gefin út, eða a.m.k.

birta þessa afsökunarbeiðni.

Embættismenn Fjórða Ríkisvaldsins og Sendiboðar Sannleikans.

2007-04-29T14:37:00.000Z

Siðanefnd Blaðamannafélag Íslands, tilkynnti fimmtudag 26. apríl s.l.,

að taka ekki til umfjöllunar, kæru á hendur Eiríki Jónssyni, vegna

umfjöllunar hans í tímaritinu Séð og Heyrt, um morðtilraun á

transgender manneskju.

Umfjölluninni var neitað á þeim forsendum að kærendur

Anna Jonna Ármannsdóttir þá í bráðabirgðastjórn

Trans-Íslands, Félags Transgender fólks á Íslandi

og Samtökin 78 sem nýlega hafa tekið transfólk undir sinn væng,

væru ekki málsaðilar og hefðu því ekki rétt til að kæra vegna þessa.

Á opnum fundi Samtakanna 78 laugardag 28. apríl, talaði Arna Schram,

formaður Blaðamannafélags Íslands, almennt um blaðamennsku og að

ekki ætti að drepa sendiboðann.

Þarna er tilvísun í Grískt leikrit eftir Sofokles skrifað u.þ.b. 400 árum fyrir

fæðingu krists, en í því er talað um að sendiboðinn ráði ekki hvaða skilaboð

hann fer með og hafi engin áhrif á þau. Hann er eingöngu sendiboði þess sannleika

sem honum hefur verið fenginn í hendur.

Sendiboðar Sannleikans

Ferill Eiríks Jónssonar sem sendiboði sannleikans hefur verið ansi litríkur.

Í þessu máli gerðist hann sendiboði þess sannleika sem kemur af vörum

ofbeldismanns þegar hann hélt því í raun fram að transkonan sem hann

reyndi að myrða, væri réttdræp. Mannorðsmorð á fórnarlambi árásarinnar,

og árás á transgender fólk sem minnihlutahóp, var einnig sá sannleikur

sem Eiríkur Jónsson gerðist sendiboði fyrir.

Stuttu eftir að greinin kom út í tímariti Séð og Heyrt, hótaði ofbeldismaðurinn

Eiríki Jónssyni lífláti vegna þess að í greininni hafði komið fram að

transkonan hefði verið kærasta ofbeldismannsins. Samkvæmt áreiðanlegum

heimildum innan útgáfufélagsins Birtings, fór Eiríkur Jónsson á

fund ofbeldismannsins en til öryggis tók hann nokkra sterka menn með sér.

Nú skal geta þess, að líflátshótanir varða við refsilög, en slíka smámuni þótti

Sendiboða Sannleikans ekki þess verða að almannahagsmunir þyrftu að

vita af þessu. Eiríkur Jónsson, sjálfútnefndur Sérlegur Sendiboði

Sannleikans ákvað að þegja um sannleikann.

Embættisglöp Fjórða Ríkisvaldsins

Boðskapur ofbeldismanns og mannorðsmorð í framhaldi af árásinni, komst

á síður tímaritsins án þess að embættismenn fjórða ríkisvaldsins aðhefðust

nokkuð. Þeir vöknuðu hinsvegar til dáða og til varnar sérlegs sendiboða

sannleikans, þegar undirrituð og Samtökin 78 kærðu þessa umfjöllun til

Siðanefndar Blaðamannafélags Íslands. Svar þeirra var á þá leið, að kærendur

eru ekki beinir málsaðilar. Afstaða Siðanefndar B.Í. er semsé, að eingöngu

sú manneskja sem varð fyrir árásinni geti kært umfjöllunina.

Óvinnandi Vegur.

Sjálft fórnarlamb árásarinnar, skilur ekki íslensku nægilega vel og

hefur ekki næga þekkingu til að geta kært árásina. Hún skilur heldur ekki

umfjöllunina eða hvaða afleiðingar hún hefur fyrir allann þann minnihlutahóp

sem transgender fólk er.

Kröfur Siðanefndar B.Í. eru þessar:

Fórnarlamb árásarinnar, verður sjálft að skrifa tímaritinu, í von um að tímaritið birti

leiðréttingu eða afsökunarbeiðni. Hér sjáum við verulegan mun á aðstöðu málsaðila.

Í þessu máli er sjálfur sendiboði sannleika ofbeldismannsins, sem að baki sér

hefur Mikael Torfason ritstjóra tímaritsins Séð og Heyrt, en það hefur að baki sér

milljónaútgáfufyrirtækið Birting, sem einnig gefur út mörg önnur

tímarit.

Hinsvegar er fórnarlamb árásarinnar, sem er andlega og líkamlega í sárum,

mállaus og með mjög takmarkaða möguleika á að leita sér aðstoðar.

Hún hefur engann möguleika á að meta hvort hún muni gefa ofbeldismanninum

enn og aftur færi á sér með því að skrifa tímaritinu, en hafa skal í huga að hann

hélt því fram í grein Eiríks, að ásetningur hans hefði verið að drepa transkonuna,

hann hefði ekki getað annað, og jafnframt að hann hefur hótað fólki á Séð og Heyrt

lífláti, eftir að greinin birtist.

Mesta óréttlætið

Siðanefnd Blaðamannafélags Íslands, leggur þennan gífurlega aðstöðumun að jöfnu en

hindrar jafnframt Samtökin 78 og Trans-Ísland í að kæra.

Hanne Reintoft félagsráðgjafi í Danmörku sagði einhverntíma í útvarpsviðtali:

“Mesta óréttlætið er kannski að legga það að jöfnu sem ekki er jafnt.”

Ég tel að meðal annars þetta mál, gefi tilefni til að skoða nánar vinnuaðferðir og siðfræði

Siðanefndar Blaðamannafélags Íslands.


     .-.       .-.
    /'v'\     /'v'\
   (/   \)   (/   \)
======="="=='=='="="===-----

Megi Ó-Frjálslyndi flokkurinn verða lagður að jöfnu við þjóðlega og sósíalístísiska flokka.

aftur og aftur

2007-04-29T00:09:00.000Z

Mon vi ka' plant et flag
For at rette den her sag
Mon I har tabt os bag
En vogn fra USA

Mon vi bør telepater
Hvem vil vi imponer
Mon I vil telefoner
Til nogen der vil massakrer

/..
Men når vi kommer igen (For)
Og gør det igen (Så)
Så vil I hør det igen (Og)
igen og igen (Og)
../

Mon vi skal sendes af sted
Mon vi skal bøjes af led
Mon I vil støt os ned
Med bly og blod og sved

Gætum við sett fána
Á þennan réttláta málstað
Hafið þið misst af okkur
Vegna bíls frá USA

Gætum við beitt hughrifum
Þau sem við viljum ná til
Gætum við hringt
Í einhvern sem vill gjöreyða

En þegar við komum aftur (Til)
Og gerum það aftur (Þá)
Munu þið heyra þetta aftur (Og)
aftur og aftur (Og)

Á að senda okkur af stað
Á að taka okkur úr lið
Á að kasta okkur niður
Með blýi blóði og svita.


    .-.       .-.
   /'v'\     /'v'\
  (/   \)   (/   \)
======="="=='=='="="===-----

Megi Ó-Frjálslyndi flokkurinn enda sem ónýt rispuð plata sem segir það sama, aftur og aftur ...

Bein markaðssetning HÍ

2007-03-28T21:41:00.000Z

Svo virðist, sem að það sé stefnan í íslensku þjóðfélagi, að gera þjóðfélagsþegnana að söluvöru. Hjá Hagstofunni þarf hver einstakur þjóðfélagsþegn að merkja sérstaklega við til að verða ekki ein af baununum í markaðssetningarsúpunni.

Háskóli Íslands, virðist hafa tekið þessa stefnu til sín og þarf hver einstakur nemandi HÍ að merkja sérstaklega við á innritunareyðublaði að hann eða hún vilji ekki láta nota sig sem skotmark aðila sem stunda beina markaðssetningu.

Neðst á innritunareyðublaði geta nemendur merkt sérstaklega við eftirfarandi:

Ég óska eftir því að nafn mitt komi EKKI fram á skrá sem afhenda má vegna markaðssetningar

Ég óska eftir því að nafn mitt komi EKKI fram á skrá sem afhenda má vegna skoðanakannanna og rannsóknarverkefna

Mín persónulega skoðun er sú, að bein markaðssetning eigi ekki að vera sjálfgefin fyrir nemendur HÍ. Textinn væri þá:

Ég óska eftir því að nafn mitt komi fram á skrá sem afhenda má vegna markaðssetningar

Ég óska eftir því að nafn mitt komi fram á skrá sem afhenda má vegna skoðanakannanna og rannsóknarverkefna

Tæknilega séð, er mjög auðvelt að breyta þessu, en það er í höndum nemendafélaga HÍ að taka ákvörðun um það.


      .-.       .-.
     /'v'\     /'v'\
    (/   \)   (/   \)
======="="=='=='="="===-----

Megi Ó-Frjálslyndi flokkurinn fá sífelldar upphringingar frá sölumönnum og kaupa sig fátækan af ónotæfu dóti.

Hvað er trans gender

2007-03-28T00:43:00.000Z

Erindi flutt þriðjudag 27. mars 2007 á aðalfundi Félag um Kynlíf og Barneignir á Litlu Brekku, Bankastræti 2 Reykjavík.

Kynning erindis:

Fyrirlesari er Anna Jonna Ármansdóttir og ræðir hún um málefni transgender fólks hér á landi. Í erindi sínu kynnir hún sögu trans hugtaksins frá lækninum og kynfræðingnum Magnus Hirschfeldt á þriðja áratug seinustu aldar, um leiðréttingar á kyni á hvítvoðungum án vitundar eða samþykkis foreldra, eins og þær voru gerðar um miðja seinustu öld og hinsvegar á fullorðnum með þeirra samþykki, og þá siðfræði sem var tengd þessu, og síðan nútímann þar sem það að vera trans er að verða kynpólítískt statement.

Fundarstjóri, Fundargestir, Hvað er trans gender?

Þetta orð er samansett úr latneska orðinu trans sem merkir yfir eða á milli eða breyting og hinsvegar enska orðinu gender sem merkir kynvitund eða kyngerfi.

Nútíma skilgreining á transgender, er að orðið nái yfir alla hópa sem á einn eða annan hátt eru í óhefðbundinni stöðu með kyn sitt. Á íslensku eigum við orð yfir fólk eins og mig sem hefur gengist undir skurðaðgerð til að fá annað líkamlegt kyn og það orð er náskylt skammaryrðinu kynvillingur. Síðan eru það mjög villandi orð eins og klæðskiptingur, við skiptum jú öll um föt, og gegnsæi íslenskrar tungu gerir þetta orð að athlægi. Orðið transgender nær yfir þessa hópa og yfirleitt alla þá hópa sem eru í óhefðbundinni stöðu með kyn sitt.

Hugtakið trans í kynferðislegu sambandi kom fyrst fram hjá þýska lækninum og kynfræðingnum Magnus Hirschfeldt á þriðja áratug seinustu aldar. Hann fann upp latneska orðið trans-vestus yfyr þann atburð þegar fólk klæðist fötum sem fá þau til að líta út sem hitt kynið. Hann var oft kallaður Einsteinn kynfræðinnar. Hann kom fram með hugmyndina um þriðja kynið, og í baráttu sinni fyrir réttindum samkynhneigðra, líkti hann samkynhneigð við fötlun því hann taldi að fólk myndi þó altént finna til með fötluðum.

Hann stofnaði meðal annars Vísinda og Mannúðarnefndina sem árin 1897 og 1898 safnaði fimm þúsund undirskriftum til stuðnings réttindum homma. Nokkrir þeirrra sem skrifuðu undir voru Albert Einstein, Hermann Hesse, Thomas Mann, Rainer Maria Rilke og Leo Tolstoy. Magnus Hirschfeld hafði mikil áhrif á flokkun á sviði kynhvata, því hann var virkur þegar flokkunarfræði kynjafræðinnar var í mótun.

Stofnun hans í Kynfræðum í Þýskalandi átti mikið bókasafn sem varð bókabrennum Nazista að bráð þegar þeir brutust til valda. Hann dó árið 1935.

Þegar vísindamenn höfðu sannað að fóstur verða til við sameiningu eggfrumu og sæðisfrumu, þótti kenning hans um þriðja kynið alveg afsönnuð. Eftir stóð hugtakið trans sem einhverskonar millibilsástand eða sameining kynjanna sem við segjum vera jöfn samtímis því að við segjum þau vera svo gerólík, að þau séu algerlega ósambærileg.

Orðið trans-sexualism var fundið upp af Harry Benjamin. Hann var einnig þjóðverji og þessir menn höfðu þekkst. Benjamin neyddist til að flytja til Bandaríkjanna í byrjun fyrstu heimsstyjaldar og bjó þar síðan. Árið 1948 bað samsstarfsmaður hans Alfred Kinsey hann um að líta á barn sem vildi verða stelpa þrátt fyrir að barnið væri drengur. Móðir þessa barns óskaði eftir aðstoð frekar en að barninu væri ógnað. Hann byrjaði meðferð með kvenhormónum og uppgötvaði að meðferðin hafði RÓANDI ÁHRIF.

Við vitum öll að kvenhormónar hafa ekki róandi áhrif, en í þessum tilfellum er um að ræða sálræn viðbrögð þegar raunverulega er verið að beina líkamanum í þá átt sem nauðsynlegt er fyrir sjúklinginn.

Benjamin og félagar greindu ekki á milli félagslegs kyns, og þeirra líffræðilegu þátta sem kalla má líffræðilegt kyn. Þeir flokkuðu fólk sem fengið hafði leiðréttingu á kyni sem upprunalega kynið sem var orðið gagnstætt kyn. Með þessari flóknu flokkun er fortíðin gerð að nútíð og nútíðin að framtíð og tímaskekkjan er orðin alger.

Á sjötta áratug síðustu aldar, (1950) þróaði teymi sérfræðinga við John Hopkins háskóla undir stjórn sálfræðingsins John Money kenninguna um uppeldi í kynhlutverki.

Kenningin gekk út á að ala börn upp í nýju kynhlutverki eins snemma og auðið er, helst fyrir 18 mánaða aldur, og gera skurðaðgerðir á ungbörnum og jafnvel hvítvoðungum og fá þannig góða stráka og stelpur sem engin efi væri um og væru gagnkynhneigð. Kenningin var að hægt væri að gera hvaða barn að raunverulegri stelpu eða raunverum strák ef líkamar þeirra litu rétt út, nógu snemma, og ef foreldrarnir trúa á aðgerðina til leiðréttingar á kyni.

Þó að þetta teymi hafi mælt með að segja sjúklingum sínum frá þeim aðgerðum sem framkvæmdar voru, varð reyndin sú þegar þessi aðferðafræði var tekin upp um allann heim, að heilbrigðisstofnanir leyndu sjúklinga upplýsingum um hvað hafði verið gert við þau sem hvítvoðunga og ungbörn. Vefsíða Intersex Society of North America, ISNA, er full af dæmum um þetta, en frægasta dæmið er saga Cheryl Chase sem er stofnandi ISNA. Henni hafði alltaf fundis hún vera öðruvísi en aðrar stelpur og fannst að snípur hennar og kynfæri væru allt öðruvísi en á öðrum stelpum. Á þrítugs aldri fékk hún aðgang að sjúkraskýrslum sínum og komst að því að gerðar höfðu verið á henni aðgerðir til leiðréttingar á kyni, og meðal annars var snípur hennar fjarlægður. Hún hafði fæðst með tvíræð kynfæri og þeim hafði verið breytt með aðgerð í þannig að þau litu út eins og venjuleg kvenkynfæri. Hún er lesbía.

Ýmsar sögur þessara sjúklinga, benda til að í mörgum tilfellum hafi aðgerðum verið haldið leyndum bæði fyrir foreldrum og börnum. Þetta er ekki bara siðferðilega rangt, heldur einnig skaðlegt, því fólk sem upplifir að verið er að ljúga að því, hættir að sækja læknismeðferð og fær því afkölkun löngu fyrir aldur fram og ýmis önnur skaðleg einkenni.

Þetta kerfi mismunaði fólki eftir kyni og gerir það enn í dag. Litið er á reðurstærð og virkni hjá drengjum en litið er framhjá kynfæranæmni stúlkna og mest litið til þess hvort þær geti eignast börn.

Strákum sem fæddust með “OF LÍTIÐ TYPPI” var breytt í stelpur jafnvel þó að sýnt væri að þá mætti ala upp sem stráka, án aðgerðar til leiðréttingar á kyni og án hormónameðferðar. Stelpur sem fæddust með of stóran sníp lentu á skurðarborðinu, þar sem heilbrigður vefur var fjarlægður.

Það sem við erum að sjá í dag, er að aðgerðir til leiðréttingar á kyni á fullorðnum einstaklingum, sem óska eftir slíku, og sýna á ótvíræðan hátta að þau þjáist vegna þess kyns sem þau hafa, eru oft ekki veittar. Siðfræðin í þessu er að fólk eigi ekki að ráða kyni sínu sjálft, slíkt gæti verið þjóðfélaginu skaðlegt og jafnvel þeim líka.

Fólk sem lifir í nýju kynhlutverki, eins og til dæmis nokkrar vinkonur mínar sem fæddust drengir, en óska þess af öllu hjarta að verða stelpur og konur, er neytt til að bera karlmannsnafn í allt að áratug, þó þær lifi annars að öllu leyti sem stelpur og konur.

Ég er þeirrar skoðunar að við þurfum að aflétta leynd og skömm af þessum málaflokki, við þurfum að hætta að gera aðaðgerðir sem einstaklingurinn hefur ekki sjálfur óskað eftir, en gefa fólki tækifæri og möguleika til að taka ákvörðun um kyn sitt, þegar það er tilbúið til þess.

Sem foreldri barns sem á einhvern hátt hefur óhefðbundið kyn er erfitt að vita hvað er rétt að gera.

Það er alltof auðvelt að grípa til skurðaðgerðar á barni sem er á milli kynja til að lækna óhamingju foreldranna.

Þau vandamál sem slíkir einstaklingar supplifa, eru fyrst og fremst skömm og áfall, ekki kynáttunarvandi.

Hinsvegar eru þau sem þjást eða hafa þjáðst af kynáttunarvanda, en þau upplifa einnig svipaða skömm og áfall.

Við þurfum að vinna að því að minnka þessa skömm og þessi áföll. Við þurfum að opna umræðuna um þessi mál, taka þau úr felum og vera sýnileg, fyrst og fremst sem manneskjur.

Kæru fundargestir, það er ekkert auðvelt að vera foreldri barns sem er milli kynja, en hjartað segir okkur allt semið þurfum að vita: Við þurfum að elska börnin okkar eins og þau eru, skilyrðislaust.

Þó að ég sé kona nú, var ég aldrei stelpa. Ég er fædd karlkyns og án nokkurra líkamlegra merkja um að ég hafi verið nokkuð annað en venjulegur drengur. Einhverjir lifa í tímaskekkju og lýsa mér sem karlmanni sem er orðin kona, en hið sanna er að ég er kona sem fæddist drengur.

Ég hef einnig orðið þeirrar gæfu aðnjótandi að eignast barn, og hún er tvímælalaust það besta sem lífið hefur gefið mér. Nú er kominn áratugur síðan ég fór í aðgerð til leiðréttingar á kyni og samt finnst mér ég alls ekki nógu kvenleg.

Ég hef tekið orðið TRANS til mín. Vel vitandi, að erlendis er það notað sem viðvörun til fólks í kring um mig, það mun einnig verða hér. Umhverfis mig er fólk sem styður transgender fólk gegn skömminni, gegn áföllunum. Úti í þjóðfélaginu er fólk sem styður transgender fólk. Við finnum stuðning á ólíklegustu stöðum. Jafnvel Biskupsstofa virtist taka vel á móti erindi nokkurra nema frá háskólanum á Bifröst um þetta málefni. Ég tel að sú athygli sem það vekur að vera stolt TRANSKONA, muni hjálpa transgender fólki til að nota þetta orð sem kynpólítíska stefnuyfirlýsingu, geng skömminni og gegn áfallinu.


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn verða fyrir áfalli og skömm í komandi kosningum.

Allt að gerast núna

2007-03-21T02:54:00.000Z

Allt að gerast núna

Svo virðist sem að ég sé að brenna sólarhringinn í báðum endum og nota hann sem kyndil í miðjunni. Nú er enginn tími til að blogga eins og svo oft áður.


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn einungis hafa 12 tíma í sólarhringnum.

Ísland opinberlega LGBT

2007-03-18T00:08:00.000Z

Stærstu samtök samkynhneigðra, Samtökin 78, höfðu aðalfund sinn í dag. Þar var ákveðið að breyta lögunum þannig að samtökin eru einnig fyrir Transgender fólk. Þessi fundur var stórskemmtilegur og þegar ég kom út, leið mér eins og ég gæti gengið á vatni. Brosið varð krónískt og ég var í sjöunda himni.

Þetta var samþykkt einróma. :)

Félagslega erum við því komin fram úr Danmörku.

Þorvaldur, einn af fyrrverandi formönnum samtakanna, sagði að í raun væri transgender ekki nýtt fyrir samtökin , það væri um áratugur síðan það bar á góma. Það er hinsvegar ekki fyrr en nú að transgender grasrótin er orðin nógu öflug til að geta barist fyrir réttindum sínum. Samtökin telja að nú geti þau treyst á transgender fólk til að berjast fyrir réttindum sínum, en áður virðist sem samtökin hafi óttast að standa ein í réttindabaráttu fyrir Transgender fólk, án þess að við lyftum hendi sjálf.

Þetta skal skoðast í ljósi þess að verið er að stofna félag Transgender fólks á Íslandi, félag sem hefur á stefnuskrá sinni, að bæta réttindi Transgender fólks, eða transfólks eins og við köllum okkur í daglegu tali, og Susan Stryker nefndi einnig í fyrirlestri sínum í fyrirlestri sínum við Háskóla Íslands.

Til hamingju Ísland við erum nú opinberlega LGBT. :)


      .-.       .-.
     /'v'\     /'v'\
    (/   \)   (/   \)
======="="=='=='="="===-----

Hrafnhildur Gunnarsdóttir formaður S 78, Hrafnkell framkvæmdastjóri S 78 og stjórn S 78, ásamt aðalfundi og hafa með mikilli elju og ákvörðun sinni í dag, tekið á lyftistöng dagsins.

Af mannætum nútímans

2007-03-16T12:32:00.000Z

Sjaldan hef ég fundið fyrir svo djúpum hryllingi og þegar ég heyrði

frásögn Mariselu í sjónvarpsfréttunum um 400 kvennamorð í Mexíkó.

Hún útskýrði að líklegast væru þetta vígslumorð inn í Mafíuna,

þar sem morðinginn sýnir hversu hrottalegur hann

getur verið gagnvart fórnarlambi sínu. Um fjögur þúsund kvenna er saknað.

Sú sorg sem ég fann fyrir vegna þessa gerði mig mállausa og reiðin

sem sauð í mér sagði mér að best væri að segja sem minnst.

Þeir sem misþyrma og drepa fólk í atvinnuskyni eru einfaldlega mannætur.

Ég er af þeirri sannfæringu að sérhver dauðadómur sé óréttmætur því

ekkert réttlæti sé í að taka líf þegar annað líf hefur verið tekið.

Ég er einnig af þeirri sannfæringu, að manneskja sem veit að morð verði framið

sé skyldug til að hindra það jafnvel þó að það þýði að drepa þann sem ætlar að

drepa.

Það sem ég á við, er að þegar ekki verður komist hjá morði, er ekkert val

siðfræðilega rétt samkvæmt Immanúel Kant (eða seinni tíma siðfræði),

heldur verður að taka þann kostinn

sem er illskástur og það er einfaldlega að drepa þann sem ætlar að drepa.

Mér dettur í hug orð Gandálfs :

“Do not be tempted to deal in death and judgement!

Some of those that lived, deserved to die, and some of those that have died,

deserved to live. Can you give it back to them Frodo? “

Það er allt of auðvelt í huganum að grípa langdrægan riffil og byrja að uppræta

þessar mannætur, en það er bara að leggjast of lágt.


     .-.       .-.
    /'v'\     /'v'\
   (/   \)   (/   \)
======="="=='=='="="===-----

Megi Ó-Frjálslyndi flokkurinn veita 400 flóttakonum frá Darfur héraði í Súdan, lífslangt landvistarleyfi á Íslandi.

Af auðkennislyklum og öðrum gengisfellingum sjálfsins

2007-03-12T10:15:00.000Z

Á morgun þriðjudag verður haldinn fyrirlestur um efni sem ég hef beðið lengi eftir.

Rúnar Guðmundsson MA-nemi í heimspeki við University of Montana kynnir
rannsóknir sínar á stöðu og möguleika sjálfsins í nútímasamfélagi.

Þriðjudaginn 13. mars nk. kl. 20:00 í Norræna húsinu.

Það er bara að mæta. :)


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn verða auðkenndur sem Ó-Frjálslyndur.

Um Mannsal og Þrældóm

2007-03-12T01:06:00.000Z

Kvikmyndin Menneskehandelens ofre var á dagskrá á DR1 aðfararnótt 12. mars kli 00:20 að dönskum tíma.

Kvikmyndin fjallar um 11 ungar konur frá Eistlandi sem voru fluttar til Þrándheims í Noregi í vændi.

Þessar konur höfðu hugrekki til að vitna gegn þeim sem höfðu selt þær í vændisþrælkun, þrátt fyrir hótanir.

Niðurstaðan varð fyrsti dómur fyrir mannsal á Norðurlöndum. Hvað gerðist síðan fyrir konurnar þegar þær komu aftur til Eistlands?

Þessi mynd hefur verið sýnd á flestum norðurlöndum þegar árið 2005.

Evrópuráðið tók málið fyrir í október 2006. Hvað gerum við á Íslandi? Ekki neitt!


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn gefa fórnarlömbum mannsals eða vændisþrælkunar ótakmarkað landvistarleyfi á Íslandi.

Baráttudagur Kvenna 8. mars. 30. ára jafnréttisbarátta.

2007-03-11T22:14:00.000Z

Ræða samin 6. mars, 2007 og flutt 7.mars á ræðunámskeiði á vegum Samtakana 78.

30. ára jafnréttisbarátta.

Hvað er að?

Svona spurði Edda björgvinsdóttir leikkona á baráttufundi 2005 þegar liðin voru 30 ár frá baráttufundinum 1975.

Hvað getur valdið því að 30 ára jafnréttisbarátta meirihluta landsmanna hefur litlu áorkað?

Hvað er að?

Er eitthvað athugavert við að við segjum kynin vera jöfn samtímis því að við segjum þau vera svo gerólík, að þau séu algerlega ósambærileg?

Er það sanngjarnt að karlmaður sen vill fá vilja sínum framgengt, sé sagður vera ákveðinn, en að kona í sömu stöðu, sé sögð vera frek?

Hvernig stendur á að kvenréttindahreyfingin beitir sömu hugmyndafræði til að ná fram réttindum kvenna, og notaðar voru, til að halda konum niðri?

Hvernig getur það verið að við erum svo kynblind, að við sjáum ekki að kynið er miklu flóknara fyrirbæri en karl eða kona.

Af hverju látum við það viðgangast, að tengslamyndun og valdaklíkur hinna fáu, halda flestum frá völdum og áhrifum?

Jafnréttisbaráttan hefur alltof mikið og alltof oft verið byggð á hugmyndafræði sem aldrei gat komið á jafnrétti. Þessi hugmyndafræði er afstæðishyggja. Samkvæmt afstæðishyggjunni hefur samfélagið engan innri strúktúr og manneskjan ekkert innra eðli. Afstæðishyggjan er því grundvöllur hugmynda um að stjórna og viðhalda strúktur samfélagsins. Hið innra eðli mannsinsins er ekki til samkvæmt afstæðishyggjunni og því þarf sífellt að viðhalda móral og gildum mannsins.

Við þurfum að taka upp aðrar aðferðir.

Þær aðferðir sem notaðar hafa verið hingaðtil hafa byggst á afstæðishyggju, að allt er sérstætt og ósambærilegt við allt annað. Samkvæmt þessu eru mannréttindi í einni menningu alls ekki sambærileg við mannréttindi í annarri menningu. Ef maður fer að skoða afstæðishyggjuna niður í kjölinn, sést að jafnvel náttúrulögmálin eru ósambærileg í mismunandi samfélögum.

Við þurfum að taka upp þá aðferð, að bera allt saman! Við þurfum að bera saman einstaklinga, og hvaða möguleika þeir hafa í samfélaginu.

Við þurfum að taka upp þá stefnu að allir eigi að hafa jafnan aðgang að þeim gæðum sem nútíma þjóðfélag býður upp á. Ekki bara vegna þess að það er réttlætismál, heldur einnig vegna þess að það er hagkvæmast. Við sjáum aftur og aftur að þau þjóðfélög þar ójafnrétti ríkir, eru ekki jafn samkeppnishæf og önnur þjóðfélög.

Við eigum að vera duglegri við að láta alla vita hvar tækifærin eru, þannig að valdaklíkurnar fái þá samkeppni sem þær eiga skilið. Við eigum að auka samkeppnina um bestu sætin, feitustu bitana, bestu tengslin. Það er fyrsta skrefið tið að taka völdin af valdaklíkunum. Þannig getum við bætt þann ójöfnuð sem nú ríkir í þjóðfélögum okkar.

Konur eiga að hætta að vera þægar og sætar. Konur eiga að hugsa fyrst og fremst um eigin hagsmuni en ekki víkja til hliðar til að hleypa öðrum fram fyrir sig.

Þannig getum við lagfært eitthvað af því sem er að!


      .-.       .-.
     /'v'\     /'v'\
    (/   \)   (/   \)
======="="=='=='="="===-----

Hjúkrunarheimilið Skógarbær hélt alþjóðlegan dag fyrir starfsfólk sitt sem er um 150 talsins, þar af um þriðjungur af erlendum uppruna. Hátíðin er haldin til að fólk geti kynnt sína menningu og sérstaklega matargerð. Hrefna Sigurðardóttir framkvæmdastjóri hjúkrunarheimilisins hefur með þessu framtaki tekið á lyftistöng dagsins.

Sjaldan er ein báran stök

2007-03-11T00:08:00.000Z

Ef ég gæti með vissu spáð um framtíðina væri ég ríkari en ég er í dag. Skjálftinn í fjármálaheiminum sem fór af stað þann 26. febrúar, virðist í fljótu bragði hafa komið upp úr þurru, en þegar nánar er athugað, kemur í ljós, að hann átti sér langann aðdraganda.

Svo virðist sem ástæða skjálftans séu ummæli Alan Greenspan, um minnkandi þenslu í efnahagskerfi Bandaríkjanna. Ummælin voru rædd í greinum á Morgunblaðinu og Vísi/Fréttablaðinu þann 26. febrúar 2007. Hlutabréf lækkuðu um allann heim, og hagnaður minn vegna fjárfestinga í hlutabréfum, hvarf eins og dögg fyrir sólu. Við athuganir á greinarskrifum á netinu, kemur í ljós, að 2. febrúar 2007 hafði birst grein um álit Greenspan á efnahagsástandinu, þar sem hann lýsir áhyggjum sínum af efnahagsþróun í Bandaríkjunum. Skjálftinn átti sér langan aðdraganda og líklega hafa margar fréttir birst um álit Greenspans. Það vekur athygli mína að greinar áðurnefndra fjölmiðla, eru alveg ósammála fjárlagahalla Bandaríkjanna sem er þó rót vandans. Blaðamenn þessara fjölmiðla virðast ekki skilja það sem þeir fjalla um.

Í óþægilega skýru ljósi þeirrar visku sem maður öðlast eftir á, er alveg ljóst að ég átti að selja hlutabréf mín í Tandberg á um genginu 121 NOK setja peninga í peningamarkaðssjóð í og kaupa síðan aftur í Tandberg á genginu 106 NOK um viku seinna.

Ástæðan fyrir að ég gerði þetta ekki, er einfaldlega sú að ég fylgdist ekki með fjármálaheiminum. Ef ég hefði framkvæmt áðurnefnd viðskipti, hefði ég þurft að takast á við þau vandamál sem fylgja því að versla með erlend hlutabréf, eins og tap vegna skipta úr einum gjaldmiðli yfir í annann. Ég hef mjög lengi verið fylgjandi því að taka upp Evrópska mynt en nú tel ég það vera nauðsynlegt fyrir mig persónulega. Ég þarf að kíkja á stofnun gjaldeyrisreiknings í Netbankanum. Það er með öðrum orðum, ekkert einfalt mál að selja Norsk hlutabréf breyta í íslenskar krónur, setja í peningamarkaðssjóð, taka út aftur stuttu seinna, og kaupa aftur Norsk hlutabréf, vel að merkja í norskum krónum, ekki evrum.

Ég er hinsvegar algjör nýgræðingur á þessu sviði, og líklegt er að mér eigi eftir að svelgjast á skattaskýrslunni, og hvernig allt þetta er fært inn í hana. Því ætla ég að láta það gott heita að læra á verðbréfaviðskipti og tilheyrandi skattaskýrslugerð í ár.

Ég er þrátt fyrir allt að gera margt skemmtilegra og mikilværara en að græða peninga.


      .-.       .-.
     /'v'\     /'v'\
    (/   \)   (/   \)
======="="=='=='="="===-----

Megi Ó-Frjálslyndi flokkurinn verða fyrir gengishruni og fylgistapi.

Lög og Regla

2007-03-03T17:55:00.000Z

Í byrjun febrúar var gerð tilraun til að kyrkja unga þeldökka transpersónu. Ofbeldismaðurinn var hvítur íslendingur og framdi mannorðsmorð á fórnarlambi sínu í nú þekktu blaðaviðtali. Hann taldi að Lögreglan stæði með sér sem ofbeldismanni gegn þeldökkri transpersónu:

"Lögreglan var mjög skilningsrík og mér fannst eins og hún stæði með mér þegar sannleikurinn lá ljós fyrir, "

Ekkert hefur spurst til þessarar ungu transpersónu og ég hef ekki hugmynd um hver þetta er. Síðustu daga hef ég hringt um allt land til að leita að henni en allsstaðar kem ég að luktum dyrum. Það er alveg ljóst að þetta mál þarf að kæra og það strax, annars föllum við á tíma. Ég er tilbúin til að styðja það bæði persónulega og fjárhagslega. Einnig hef ég ástæðu til að ætla að Samtökin 78 og Mannréttindastofa Íslands muni aðstoða við að kæra þetta.

Nú seinustu dagana hafa komið upp 2 mál um meint lögregluofbeldi. Í fyrra tilfellinu er um að ræða unga þeldökka konu, sem ásakar Lögregluna um mjög alvarlegt ofbeldi, ólöglega meðferð, og mannréttindabrot.

Seinna tilfellið er ungur spánskur ríkisborgari, sem einnig ásakar Lögregluna um mjög alvarlegt ofbeldi, ólöglega meðferð, og mannréttindabrot. Þessi ungi maður er einnig þeldökkur.

Í öllum tilvikum er um að ræða ungt þeldökkt fólk sem hefur kvartað undan þessari meðferð. Vonandi sjáum við þessi mál fyrir dómstólum.


  .-.       .-.
 /'v'\     /'v'\
(/   \)   (/   \)
======="="=='=='="="===-----

Megi Ó-Frjálslyndi flokkurinn flýja land.

Morðtilraun og mannorðsmorð.

2007-03-01T02:24:00.000Z

Af tilefni tilraunar Guðmundar Steins Magnússonar til að kyrkja unga transgender manneskju, skrifaði Eiríkur Jónsson grein í Séð og Heyrt nr.7 2007, 15. - 21. febrúar undir forsíðuyfirskriftinni “KÆRASTAN MEÐ TYPPI”. Innihald greinarinnar er mannorðsmorð á fórnarlambi árásarinnar.

Grein Eiríks dregur taum árásarmannsins við að sannfæra lesandann um að morðtilraunin hafi verið eðlileg viðbrögð manns, í hans aðstæðum, við transgender einstaklingi. Í greininni er lýst aðdraganda þess að Guðmundur reyndi að kyrkja fórnarlambið. Greinin endar á orðum sem túlka má sem hvatningu til ofbeldis gegn transgender einstaklingum, þar sem Eiríkur skrifar og vitnar í ofbeldismanninn “Hvað hefðuð þið gert í mínum sporum? Svona sviksemi kemur öllum úr jafnvægi.” Afstaða árásamannsins og kringumstæður tilræðisins, sýnir að um var að ræða tilraun til ærumorðs, og að þetta átti ekkert skylt við ástríðuglæp.

Undirtónn greinarinnar er léttur og gert er góðlátlegt grín að þeirri stöðu sem kom upp. Sérhver heiðvirður blaðamaður ætti að vita, að það kann ekki góðri lukku að stýra að draga fórnarlömb kynferðisofbeldis inn í grín. Alveg sama hvernig það er matreitt.

Í greininni er talað um “kvennafar sem snérist upp í andhverfu sína”, “þetta var karlmaður”, “að konan væri karlmaður”, “gervibrjóstin blekktu mig og rassinn á honum var mjög kvenlegur” sem sýnir þá staðreynd að manneskjan sem þarna er lýst sé að flestu leyti eins og kona en því er samtímis neitað og gert að mótsögn og blekkingu. Staðhæfingar greinarhöfundar og árásarmannsins um að fórnarlambið sé að þykjast vera einhver önnur manneskja en hún er í raun, eru í raun mannorðsmorð. Staðhæfingarnar eru einnig alhæfingar um transgender sem minnihlutahóp, og því árás á minnihlutahópinn sem slíkan.

Greinin fjallaði einhliða um ofbeldismanninn, og þar er honum hampað sem hörkutóli sem “geti verið grjótharður þegar því er að skipta”. sem var “svikið” og “prettað” “leiddur í gildru”, “ósáttur við blekkingar eins og þegar maður þykist vera kona”. Allar þessar tilvitnanir eru úr áðurnefndri grein Eiríks, og halla þær mjög á fórnarlamb morðtilraunarinnar. Í þessari grein er staða fórnarlambsins gerð ótrúverðug og reynt er að láta líta svo út að fórnarlamb árásarinnar geti sjálfu sér um kennt hvernig fór. Greinin er sameiginleg vanvirðing Eiríks Jónssonar og árásarmannsins við fórnarlambið.

Fórnarlömb ofbeldis, vita hversu alvarlegar afleiðingar ofbeldið hefur fyrir þau, bæði líkamlega og andlega. Þau hafa um sárt að binda í langan tíma á eftir. Þegar ofbeldismaðurinn og Eiríkur Jónsson ráðast í sameiningu á fórnarlambið í fjölmiðlum, veldur það fórnarlambinu óþarfa sársauka.

Greinin er einnig tilraun til að hafa áhrif á almenningsálitið í von um að árásamaðurinn fái mildan dóm. Einnig er verið að neyta aflsmunar því fórnarlambið er útlendingur og þekkir ekki réttarstöðu sína, þekkir engann sem hjálpar í þessari stöðu, og getur á engan hátt varið sig sjálft.


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn hætta að þykjast vera frjálslyndur.

Á verðbréfamarkaði.

2007-02-28T00:31:00.000Z

Þessi fátæklega þýðing á texta 10CC On Wall Street nær alls ekki þeim hughrifum og áhrifum sem þetta lag hefur haft á mig. Trommutakturinn dynur og píanóleikurinn stekkur á tónana í minningunni. Og hvað er ég svo að gera á verðbréfamarkaði? Selja mömmu mína og kaupa aðra eins og í textanum?

Þegar ég hafði selt hluti mína í Bakkavör á sínum tíma, var ég viss um að gengi íslensku krónunar færi bráðlega niðut út öllu valdi. Það stóðst ekki. Ég keypti hlutabréf í norskum krónum í norska fyrirtækinu Tandberg. og stuttu seinna leit út fyrir að norska krónan væri að falla.

Það sem ég gerði var skipulagt fyrir löngu og vel undirbúið og rannsakað. Ég taldi mig geta séð inn í framtíðina á eins skýran máta og það er hægt. Þetta hefur nú sýnt sig að vera rétt. Hlutirnir í Bakkavör eru komnir niður í 63 IKR, á meðan hlutirnir í Tandberg hafa hækkað úr 112,50 NKR frá því að ég keypti í um 120 NKR á stuttum tíma. Samtímis hafa gengi norsku og íslensku krónunnar fylgst að.

Nú er hinsvegar gengið á Bakkavör langt undir raunvirði. Ef ég ætti lausafé, myndi ég leggja það allt í Bakkavör á þessu verði.


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn kaupa fylgi sitt dýrt og selja það ódýrt.

Morðtilraun og karaktermorð.

2007-02-27T03:26:00.000Z

Morðtilraun og karaktermorð.

Eiríkur Jónsson skrifaði í Séð og Heyrt nr.7 2007, 15. - 21. febrúar um Morðtilraun gegn ungri transgender manneskju, undir forsíðuyfirskriftinni “KÆRASTAN MEÐ TYPPI”.

Tilefni greinarinnar er morðtilraunin en umfjöllunarefnið er ófræging árásarmannsins á fórnarlambi sínu. Grein Eiríks dregur síðan taum árásarmannsins við að sannfæra lesandann um að morðtilraunin hafi verið eðlileg viðbrögð manns, í hans aðstæðum, við transgender einstaklingi. Greinin endar á orðum sem túlka má sem hvatningu til ofbeldis gegn transgender einstaklingum, þar sem Eiríkur skrifar og vitnar í ofbeldismanninn “Hvað hefðuð þið gert í mínum sporum? Svona sviksemi kemur öllum úr jafnvægi.”

Undirtónn greinarinnar er léttur og gert er góðlátlegt grín að þeirri stöðu sem kom upp. Sérhver meðlimur Blaðamannafélags Íslands ætti að vita, að það kann ekki góðri lukku að stýra að draga fórnarlömb kynferðisofbeldis inn í grín. Alveg sama hvernig það er matreitt.

Greinin fjallaði einhliða um ofbeldismanninn, og þar er honum hampað sem hörkutóli sem “geti verið grjótharður þegar því er að skipta”. sem var “svikið” og “prettað” “leiddur í gildru”, “ósáttur við blekkingar eins og þegar maður þykist vera kona”. Allar þessar tilvitnanir eru úr áðurnefndri grein Eiríks, og halla þær mjög á fórnarlamb morðtilraunarinnar. Í þessari grein er staða fórnarlambsins gerð ótrúverðug. Greinin er sameiginleg vanvirðing Eiríks Jónssonar og árásarmannsins við fórnarlambið.

Fórnarlömb ofbeldis, vita hversu alvarlegar afleiðingar ofbeldið hefur fyrir þau, bæði líkamlega og andlega. Þau haf um sárt að binda í langan tíma á eftir. Þegar ofbeldismaðurinn og Eiríkur Jónsson ráðast aftur á fórnarlambið í fjölmiðlum, veldur það fórnarlambinu óþarfa sársauka.

Á góðri dönsku er þessi aðför þeirra að fórnarlambinu kölluð karaktermord.


      .-.       .-.
     /'v'\     /'v'\
    (/   \)   (/   \)
======="="=='=='="="===-----

Megi Ó-Frjálslyndi flokkurinn verða næsta fórnarlamb Eiríks Jónssonar.

Kynið er samsett.

2007-02-27T03:24:00.000Z

Þekkingu mankyns hefur fleygt mikið fram síðan jörðin var talin vera flöt. Í dag vitum við töluvert um kynjafræði sem við vissum ekki fyrir hálfri öld.

Við vitum einnig að líkamlegt kyn er ekki bara einn þáttur heldur fleiri. Helstu þættir líkamlegs kyns eru kynfæri, hormónastarfsemi, kynlitningar og nýjari rannskóknir sýna mismun á vissum hluta heilans eftir kyni.

Við vitum að líkamlegt kyn einhvers segir ekki til um hvoru kyninu hann mun hneigjast að. Við vitum einnig að kynfæri og kyngerfi (en: gender) fylgist stundum ekki að. Einnig vitum við litningar og kyngerfi fylgist stundum ekki að. Einnig er þekkt að kynvitund (mín þýðing á gender identity) getur verið gagnstæð mörgum líkamlegum þáttum. Vísindamenn vinna að rannskóknum á hvernig kynvitund tengist líkamlegum þáttum í heilanum, en ennþá hafa ekki fengist einhlít svör.

Þarna eru nefndir 6 þættir sem í sameiningu ákvarða kyn fólks. Ekki allir eru svo heppnir að sérhver af þessum kynákvarðandi þáttum, bendi allir á sama kyn. Ef kynvitund og kynfæri benda ekki til sama kyns, er það í læknisfræði kallað Gender Identity Disorder sem sumir kalla kynáttunarvanda, en ég myndi heldur kalla kynvitundarvanda.

Leiðrétting á kyni.

Fyrir þá einstaklinga sem óska, er geysilega erfitt og dýrt að fá læknisfræðilega aðstoð til að fá leiðréttingu á kyni. Oft er þetta ferli sem læknar vilja ekki koma að fyrr en eftir 25 ára aldur og tekur þá hálfa og heila áratugi að ljúka því. Talið er að transgender einstaklingar séu um 3 til 10 af hverjum 100 þúsund einstaklingum. Kynskiptingin er nokkurnvegin jöfn milli kynja.


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn eiga jafn erfiða bernsku og unglingsár eins og fólk með kynáttunarvanda.

Hvað hefðir þú gert?

2007-02-26T04:09:00.000Z

Hvað hefðir þú gert ef þú værir transgender?

Þú veist með hvorri hendinni þú átt að skrifa, en hvernig veist þú það?

Þú veist hvers kyns þú ert, en hvernig veistu það? Bannað að líta niður þegar þessari spurningu er svarað.

Hvað hefðir þú gert, ef þú veist að þú ert kona, en líkami þinn og umhverfi segir þér að þú ert karlkyns?

Þú hefur þann valkost að hafna þér sem manneskju og hætta að lifa. Einnig hefur þú þann valkost að halda í lífið sama hvað gengur á, og þá verður þú að velja hvort þú telur þetta vera vandamál, eða hvort þú sættir þig við þig eins og þú ert og lifir eins og þér var áskapað, með kynvitund konu og kynfæri karls.

Hefðir þú getað gert eitthvað?

Bernska og unglingsár eru mun erfiðari fyrir fólk með kynáttunarvanda, en fyrir flest annað fólk. Ef þú værir í þeirri aðstöðu að vera með kynáttunarvanda, hefðir þú gert allt sem þú getur til að finna bara eitthvað hálmstrá að halda þér í.


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn sæta atlögu meirihlutans gegn minnihlutanum.

Stigagangurinn

2007-02-24T19:54:00.000Z

Eftir reynslu næturinnar og föstudagskvöldsins ákvað ég að grípa til ráðstafana sem duga til að tryggja nætursvefninn. Ég tek það fram að þetta er alls ekki í fyrsta skipti sem ég þarf að grípa til sérstakra ráðstafana til að tryggja næturfrið. Ég hef skrifað eftirfarandi orðsendingu og afhent öllum hlutaðeigandi aðilum.

Lokun vinstri gangs á fimmtu hæð.

Kæru íbóðareigendur/húseigendur,

í þessum stigagangi hafa sumir eigendur lagt í töluverðan kostnað við að bæta aðstöðu á salerni á fimmtu hæð til vinstri og voru það eigendur þeirra herbergja sem eru á ganginum vinstrameginn. Á hægri ganginum er ekkert gert fyrir það klósett sem þar er, og hefur það staðið ónothæft í a.m.k. þrjá mánuði. Ég undirrituð kenndi í brjósti um það fólk sem bjó á hægri ganginum því salernisaðstæður þeirra væru ekki fólki bjóðandi. Til stóð að lagfæra þessar salernisaðstæður en ekkert hefur gerst í því máli.

Nú gerist það stundum að á hægri ganginum eru haldin partí og þá langt fram yfir miðnætti þrátt fyrir að lög um fjölbýlishús segi að friður skuli vera að minnsta kosti frá miðnætti og til 07:00. Þetta veldur miklu ónæði þar sem veggir eru þunnir, en verstur er þó umgangur, hurðarskellir og ráp um vinstri ganginn.

Það er að mestu leyti ég undirrituð sem held gangi og salerni hreinu og geri það ókeypis. Umgangur og notkun á þessari aðstöðu er verulegur frá hægri ganginum vegna þess gestagangs sem er þar. Einnig vill ég nefna að ég leigi herbergið með aðgang að þessari salernisaðstöðu, og því hef ég kröfu á að fá þann aðgang sem ég borga fyrir.

Við sem búum á ganginum vinstra megin, munum bráðlega búa svo um, að eingöngu við komumst þangað inn. Það verður gert án frekari viðvörunar. Virðingarfyllst: Anna Jonna Ármannsdóttir.


      .-.       .-.
     /'v'\     /'v'\
    (/   \)   (/   \)
======="="=='=='="="===-----

Megi Ó-Frjálslyndi flokkurinn koma þurfandi að luktum dyrum.

Pirringur.

2007-02-24T04:01:00.000Z

Í dag föstudag, lagðist ég í þann aumingjaskap að tilkynna mig veika í vinnunni. En auðvitað dauðsá ég eftir því. Mér hundleiðist heima hjá mér því ég get ekki bakað eða eldað eða skrifað á tölvu. Ofan á það bættist að eini vaskurinn sem ég hef aðgang að á sameiginlega baðinu var stíflaður. Það gengur ekki að vera veik heima og geta ekki þvegið sér eða þvegið upp matarílát sín.

Fram með vítissóda og hellti í niðurfallið, sannfærð um að þetta rándýra eitur myndi losa mig við stífluna rétt eins og það gengur að fjarlægja bletti í sjónvarpsauglýsingum. Síðan í rúmið að tilbiðja veikindin.

Þegar ég var orðin hressari og hafði lokið við að borða morgunmat, ýtti mín ýtti pirringnum til hliðar og ákvað að illu væri best aflokið og ákvað að ráðast á vaskinn af mikilli ákveðni, Þvílíkt ógeð!! Hreinsaði öll rörin í nýja fína vaskafatinu mínu, raða öllu saman aftur og prófa. Stíflan gaf sig ekki því hún var inni í veggnum, og nú langaði mig mikið frekar að fara að vinna heldur en að eiga svona veikindafrí.

Hringdi í húseigandann og hún lofaði að senda pípara. Ég heyrði hinsvegar ekki eitt einasta píp.

Eftir að hafa lesið blöð dagsins í dag og í gær tvisvar og hringt í vini og vinkonur fannst mér að ég hlyti að geta gert eina tilraun í viðbót við stífluna. Um meters langur stálþráður virtist hentugur til að renna inn í rörið og reyna að fjarlægja stífluna. Út kom sandur og allskonar viðbjóður beint ofan í fína vaskafatið mitt. Setja saman aftur og prófa, í þetta skipti láku rörin en stíflan var þéttingsföst. Þetta var um kvöldmatarleytið.

Ein vinkona mín kíkti við hjá mér og við ræddum hennar málefni. Síðan skutumst við út í búð þar sem ég keypti svokallaðan drullusokk. Þegar ég kom heim aftur, bólaði ekkert á pípara. Í mínum höndum réðist drullusokkurinn með offorsi á blásaklausann vaskinn. Gekk svolítið illa í fyrstu því þetta er smávaskur og því sullaðist nokkuð út á gólf. Svo að troða tusku í yfirfallsgatið. Fimm mínútum seinna hafði stíflan gefið sig.

Þá þurfti bara að þrífa.

Ég var rétt að ljúka við að þrífa þegar pólverjinn sem býr í herberginu skáhallt á móti mér, birtist með bakpoka. Hann benti á bakpokann sinn og sagði “work” á ensku. Síðan fór hann og kíkti á vaskinn, skrúfaði frá, og leit á nýja drullusokkinn minn, lyfti brúnum og sagði eitthvað á pólsku og kannski einhver ensk orð inni á milli. Ég skal taka það fram að þessi maður er ákaflega geðþekkur og vingjarnlegur og það er erfitt að vera með fýlusvip þegar hann er nálægt. Hann opnaði bakpokann og tók upp úr honum forláta drullusokk kyrfilega merktum eiganda sínum. Þó að ég skilji ekki orð í pósku þá skildi ég orðin “boss” og “work” og “one day”. Yfirmaður hans virðist náðarsamlegast hafa ákveðið að lána honum þettta hátækniviðundur í einungis einn dag, en merkt drullusokkinn kyrfilega svo hann rataði nú aftur til eiganda síns.

Seinna um kvöldið heyrðust háværar raddir ungs fólks sem var að skemmta sér hinum megin við þunnann vegginn. Reynsla mín af slíkum skemmtunum hafði kennt mér að það verður stöðug umferð af fólki frá hinum ganginum yfir á okkar gang til að nota salernið okkar megin. Okkar salerni er í lagi og ég sé um að halda því hreinu og í lagi, og sem þökk fyrir það þarf að halda mér vakandi og pirraðri helst alla nóttina.

Ég sá fram á erfiða og svefnlausa nótt, þar sem ég hefði engan frið í mínu eigin rúmi. Þá gafst ég upp og mætti í vinnuna um miðnætti. Það er þó allavega friður þar.

Ég er búin að upphugsa aðferð til að halda dyrunum að okkar gangi læstum jafnvel fyrir þeim sem hafa lykil. Þá er spurning hvort ég vilji taka áhættuna á að læsa mig úti. :)


      .-.       .-.
     /'v'\     /'v'\
    (/   \)   (/   \)
======="="=='=='="="===-----

Megi Ó-Frjálslyndi flokkurinn eignast fleiri drullusokka og læsa sig úti af alþingi.

Vanhugsuð árás er sama og að tapa.

2007-02-23T01:46:00.001Z

Vanhugsuð árás er sama og að tapa.

Á Barnalandi gekk fyrir sig umræða um það sem ég sagði í síðdegisútvarpi rásar 2 á RÚV um leiðréttingu á kyni. Einhver sem nefndi sig yucca hóf umræðu um þetta málefni og af öllum stöðum þurfti hún að velja Barnaland, rétt eins og þetta málefni ætti heima þar. Ég vill taka það fram að ég tel alls ekki að þessi málefni eigi neitt erindi á Barnaland.is og vill hérmeð mótmæla þessari staðsetningu.

Annars virðist þessi þáttur hafi komið við einhvern viðkvæman blett á sumum áheyrendum, því fullyrðingarnar sem settar voru fram um hvað ég sagði voru vægast sagt lygilegar, rangar, og sumar beinlínis upplognar. Með því að kalla mig fyrirbæri er ég gerð að einhverju sem er ekki mannlegt.

Gjörið svo vel að hlusta á þáttinn og lesa það sem datt út úr fólki á eftir. Hafið einnig í huga að hér er í flestum tilvikum um að ræða velgefið fólk sem hefur heila til að hugsa sig um. Hér á eftir fer nokkuð af þvi sem fólk lét hafa skriflega eftir sér: Sjá hér:

Yucca:

Að lifa sem hitt kynið - minnihlutaöfgar

Heyrði viðtal við karl eða konu á rás tvö í ríkisútvarpinu á dögunum.

Þá fannst mér kröfur minnihlutahópa ná nýjum og óþekktum hæðum.

Fyrirbærið var að missa sig yfir því að hún/hann mætti ekki skipta um nafn og koma fram sem hitt kynið í þjóðskrá, nafnaskiptum og öllu saman.

Og taka það fram ég er ekki að tala um einstaklinga eins og Önnu vélstjóra, sem skipti um kyn - gekk alla leið með það.

Nei, ég heiti Sigríður, en ég vil endilega ganga í karlmannsfötum, þá krefst ég þess að heita Jón, fá breytt nafni í þjóðskrá og alles?

Útskýrið það nú fyrir litlu börnunum - mamma mín heitir jón, nei hún er ekki með typpi eða neitt svoleiðis - hún vill bara heita jón !

Ég spyr bara: Hvort okkar er hitt kynið? ;)

SV: Að lifa sem hitt kynið - minnihlutaöfgar

Ég heyrði þetta í útvarpinu - gat ekki kannað málið þess vegna.

En fyrirbærið ætlaði að hala þing - þeirra sem voru sama sinnis -

já - þetta með persónuskílríki - nú eða búningsklefana í sundi - já, ég heiti jón, ég á að fara í karlaklefann - nú brjóstin og þetta dót þarna niðri - nei alveg sama ég á rétt á því að lifa sem karlmaður !!!

Manneskja sem er fúlskeggjuð, í peysu og gallabuksum með karlmannsrödd, má semsagt ekki lifa sem karlmaður vegna þess að einhverjir búnignsklefar úti í bæ eru fyrir karla eða konur. Come on!! Hvað nú ef það vantar hendur eða fætur á fólk ... Hættum að hugsa í stereótýpum!!

Ert:

Sko ef fólk þarf persónuskilríki með því nafni sem það notar og jafnvel með mynd eins og það lítur út þá ætlar það í klefa í sundi gagnstætt útliti kynfæra sinna. Augljóst mál, ekki satt Anteros? Ef fiskur þá geimfar.

Góð ábending um rökleysu. :) Má ég leyfa mér að bæta um betur: Ef fiskur þá geimferð. :)

BikBok

Æji, kommon. Ætlaði viðkomandi ekki í aðgerð, bara vera klæðskiptingur?

Allir sem skipta um föt eru klæðskiptingar samkævmt gegnsæi þess orðs. Virðum íslenska tungu og hendum þessu leiðindaorði.

Yucca:

Það er nefnilega málið sem ég furða mig á - mér er hjartanlega sama um hverjir kjósa að vera kæðskiptingar og hverjir ekki - en að heimta útgefin skilríki fyrir alter ego klæðskiptinginn - þá finnst mér flest vera orðið réttindamál

Gott þú nefndir það. Það er nú komið á listann ... :D

Ert:

Ég veit hver hefur barist hérlendis fyrir þessu máli og sá aðili hefur gengist undir kynskiptiaðgerð (TG-manneskja) þannig að ég leyfi mér að efast um orð þín um að þarna sé um klæðskipting að ræða þar til þú sannar að klæðskiptingur hafi komið í fjölmiðla að ræða þessi mál. Ég veit ekki til þess nokkur annar en viðkomandi hafi fjallað opinberlega um persónuskilríkja málið.

Þetta mikla hrós minnir mig á það þegar Sirrý og Co í þættinum Ísland Í Bítið, veittu mér hrós vikunnar vegna baráttu minnar í Danmörku fyrir sama málstað þar. Það tók okkur 10 ár að vinna en við unnum á endanu og lagabreytingin tók formlega gildi 1. apríl 2006. Ég heyrði því fleygt að um 60 þúsund manns hefðu notað tækifærið og breytt um nafn. ;) Þori samt ekki alveg að fara með það sem staðreynd. ;)

Síðan er vitnað í dæmi um útfyllingu á umsókn um nafnabreytingu sem ég skrifaði rúmu hálfu ári fyrr.

Sikana:

Já, þetta hlýtur að vera meira en óhagræði. Þegar fólk er búið að taka ákvörðun og er sátt við hana en bíður bara eftir heimild til að fara í aðgerð hlýtur að vera óþægilegt og særandi að þurfa daglega að útskýra nafn og mynd á persónuskilríki.

Ég hafði bara ekki hugmynd um þetta. Takk fyrir upplýsingarnar, þarf að kíkja á þetta blogg.

YESSSS !!! Enn ein manneskja sem fræðist á þessu þrönga sviði kynjafræðinnar. Þetta er ástæðan fyrir að ég held áfram að blogga. Persevernace – þrautsegja – úthald gerir kraftaverk. :)

Sikana:

Já, eins og konurnar sem ég minnist á hér fyrir neðan. Þær vildu ekki fara í aðgerð en ég held reyndar að það hafi verið vegna þess að þeim fannst aðgerðin ekki orðin nógu "þróuð" og áhættan of mikil, en ekki vegna þess að þær hefðu ekki hugsað sér að gera það einhvern tímann.

Hvað með að pressa fólk til að fara í aðgerð og láta það síðan sjá eftir því. Að fá einn dropa á ennið á sama stað er þægilegt en að fá miljón er bókstafleg pynding. Ef þú ert að standa þig að lifa í nýju kynhlutverki, og þarft samt að sannfæra fólk um að þú eigir greiðslukortið sem þú gengur með, ökuskírteinið, húsnæðið sem þú býrð í, börnin sem þú átt, skólann þeirra, maka þinn, að kennikortið þitt í vinnunni sé þitt og það truflar viðskiptavini þína og eða skjólstæðinga og þetta gerist oft á dag, í heilan áratug ....

Þegar hér er komið sögu er þetta ekki lengur smápirringur heldur mannréttindabrot þess ríkis sem neyðir þig til að bera áfram þau skilríki sem valda vandræðum fyrir þig oft á dag.

Þannig er hægt að pressa fólk í aðgerð sem það er þó ekki tilbúið í, og sem heilbrigðiskerfið er ekki tilbúið til að gera. Við þurfum að stoppa þessa pressu.

En spjallþráðurinn varð upplýstur og fólk vissi um hvað það var að tala. Frábært!!! Æðislegt!!! Upplýsingin virkar!!!

Að síðustu vill ég lýsa því yfir að hann Ert og hún Sikana hafi tekið á lyftistöng dagsins með upplýstri umræðu.

Orðið TRANS.

2007-02-22T21:48:00.000Z

Rós sem bæri annað nafn skrifaði Shakespeare þegar hann lét persónu sína velta fyrir sér yndislegum ilmi rósar og hvort ilmurinn væri jafn góður ef rósin héti eitthvað annað.

Hugtakið transgender spannar stóran hóp fólks sem hefur það eitt sameiginlegt að vera í óhefðbundinni stöðu með kyn sitt. Oft og iðulega berjast þessir hópar innbyrðis, hver og einn þeirra telur sig skyldugan til að uppfylla hluta af þeim staðalkröfum sem þjóðfélagið setur þegnum sínum. Aðrir þjóðfélagshópar gera samfélaginu kröfur um að breyta staðalímynd sinni. Ég tel að transgender fólk eigi einnig að setja samfélaginu kröfur um þær staðalímyndir sem mótar þegna þjóðfélagsins. Farvegur þeirrar breytingar er sá neikvæði áhugi á transgender fólki sem virðist gegnsýra þjóðfélagið. Tuttugu ár með Spaugstofunni þar sem allir leikarar eru karlmenn og um 40% af hlutverkum Spaugstofunnar eru kvenhlutverk. Því er orðið ómögulegt að gera grín að Transgender fólki með því einu að karlmaður leiki kvenhlutverk eða öfugt.

Þau sem hafa fengið leiðréttingu á kyni, eru kölluð skammaryrðinu kynvillingur eða skammaryrði sem er náskylt því. Því kom mér verulega á óvart þegar ég hafði verið í viðtali við fréttakonu RÚV sem gekk mjög vel og þar sem allt hafði verið útskýrt, að RÚV setur þetta skammaryrði sem fyrirsögn á viðtalið við mig.

Við vorum bara tvær í þessu viðtali, og ef ég á ekki að taka þessu persónulega, hvað segir það þá um fréttakonuna? Hennar vegna held ég að ég verði að taka þetta skammaryrði persónulega.

Daginn eftir viðtalið, miðvikudag 21. febrúar (í gær) 2007 birtist skopmynd í Blaðinu á síðu 12 sem mér fannst mjög fyndin og einnig gagnleg. Myndin tók fyrir notkun orðsisn trans í þekktustu myndum þess: transsexúal og transfitusýrur. Snúið var út úr orðunum og búin til ný orð og samhengi og teiknaðar fígúrur sem teiknaranum fannst passa við þetta. Ég tel að þessi mynd sé vatn á okkar myllu, sem viljum að orðið transgender verði notað sem víðast í íslensku. Við eigum að geta hlegið að okkur sjálfum og mér finnst að þessi skvísa sem teiknuð er á myndinni sé svo langtum flottari en ég verð nokkurntíma.

Teiknari Blaðsins hefur með umfjöllun sinni um orðið trans, tekið á lyftistöng dagsins.

Frelsi fyrir suma, helsi fyrir restina.

2007-02-18T16:20:00.000Z

Meint kynfrelsi kvenna á Íslandi virðist vera í hættu samkvæmt grein á vefsíðu Ungliðafélags Vinstri Grænna, vegna væntanlegrar innrásar klámiðnaðarins í Reykjavík og nágrenni. Nefnd grein tengir klámiðnaðinn við mannsal og þrælkun í vændishúsum vesturlanda. Sjónarhóll greinarinnar er kynferðisleg stéttarskipan, sem í mínum huga, er ekkert annað en kynkommúnismi. Í þessari hugmyndafræði er litið á karlastéttina sem burgeisana og arðræningja kvenstéttarinnar. Sumir tengja þessa stéttahugmynd við ídeólógíska hugmyndafræðilega kyngreinda stétt. Er þetta nokkuð annað en siðfræðileg afstæðishyggja, sem í raun er undir niðri er sammála andstæðingum sínum um að siðfræði sé afstæð, rétt eins og klámiðnaðurinn heldur fram.

Einn af fremri heimspekingum dana, Mads Storgaard Jensen lýsti, í gagnrýni sinni á siðfræðilega afstæðishyggju, afstöðu útilitarismanum, sem er náskyldur afstæðishyggjunni. Í gagnrýni sinni á útilitarismann (Dómadagsveislan 1995) setti hann sig í spor útilitaristans og spurði nokkurnveginn á þessa leið:

Væri það ekki frábært ef við værum öll, ljóshærðir, bláeygðir, gagnkynhneigðir, rétthentir, hægrisinnaðir,þjóðernissinnaðir,arískir, karlmenn?

Ég spyr: Værum við þá öll jöfn? Mitt svar er nei.!!

Strategían ætti að vera að henda afstæðishyggjunni á haugana, halda fast í absolutismann og hamra á grundvallaratriðum eins og mannréttindum og hvernig klámiðnaðurinn vinnur gegn þeim. Í staðinn fyrir að mótmæla þessari ráðstefnu, ættu þessir flokkar að nota hana til að vekja athygli á að hann þrífst að mestu leyti á skerðingu kynfrelsis.


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn verða einvalalið ljóshærðra, bláeygðra, gagnkynhneigðra, rétthentra, hægrisinnaðra,þjóðernissinnaðra,arískra, karlmanna.

Transgender Hópur á Íslandi.

2007-02-17T03:08:00.000Z

Einu sinni fyrir langa löngu í Danmörku voru samtök er nefndust Fi Pi Epsilon. Þessir þrír bókstafir gríska stafrófsins minna á einhverja bandaríska menntaskólaklíku eða háskólaklíku. En bókstafirnir voru einnig skammstöfun fyrir Freedom of Personal Expression í merkingunni Frelsi til Persónutjáningar eða Persónutjáningarfrelsi. Þetta voru samtök fyrir aðallega karlmenn sem klæddust kvenfötum. Nýir meðlimir voru einungis teknir inn í samtökin eftir viðtöl við vissa háttsetta meðlimi. Sérstaklega tók ég eftir einum meðlimi en hún hafði verið glæsilegur karlmaður í Danska Flughernum en ákvað að gerast heimavinnandi húsfaðir þarsem eiginkona hans hafði háar tekjur. Á fimmta og sjötta áratug síðustu aldar gekk Michel í kvenfötum þegar það varðaði við lög. Michel og fleiri höfðu verið handteknir fyrir þá sök eina að líta út eins og konur. Það stigma sem skapaðist með lögreglulögum síðustu aldar er enn við lýði í dag. Tilvera okkar og fræðsla um þessi málefni, hefur mikil áhrif í rétta átt.

Þetta stigma er þess valdandi að fólk á erfitt með að taka á flóknum kyngerfum á eðlilegan hátt. Einmitt fólk sem er undir hælnum á þessu stigma (stigmatized) getur átt enn erfiðara með að bregðast við kyngerfum annarra og sérstaklega ef þau eru stigmatized. Þessi félagslegi þáttur er þess valdandi í dag og var þess valdandi að meðlimir í FPE vildu alls ekki fá samkynhneigða inn í sín samtök og þau sem ætluðu í raun fá leiðréttingu á kyni sínu, máttu alls ekki gefa neitt slíkt í skyn, því annars yrði þeim sparkað úr FPE.

Önnur samtök höfðu svipaða stefnu. Samtökin Tiresias sem voru samtök fólks sem vildi leiðréttingu á kyni sínu, vildu hvorki sjá homma. lesbíur, transgender, eða aðra stigmamerkta minnihlutahópa.

Það var um 1993 eða 1994 að ég ásamt fleirum kom að samtökunum Tiresias í dauðateygjunum. Við byrjuðum á að athuga hvort hægt væri að lífga samtökin við. Við komumst fljótt að því að galli væri á lögum félagsins, þannig að þó að stjórn félagsins hefði sett sig sjálfa frá völdum með því að boða ekki til aðalfundar sem henni þó var skylt skv. félagslögum, var ekki hægt að boða til fundar og skipa nýja stjórn.

Það var farið að athuga með að stofna nýtt félag og nafn á það. Nokkrar tilraunir voru gerðar en þær runnu út í sandinn árin 1994 og 1995. Á þessum tíma kynntist ég fólki sem hafði nokkur kynni af hvernig danska kerfið virkaði gagnvart fólki sem þarf leiðréttingu á kyni.

Gitte Poulsen var ein af þessu fólki. Hún hafði ranghugmyndir um lífið og tilveruna var og töluvert sérstök. Samt sem áður hafði henni tekist að fá leiðréttingu á nafni sínu á mörgum stöðum í kerfinu. Hún vildi óð og uppvæg sýna mér allt sem hún hafði gert á þessu sviði og þau bréf sem hún skrifaði til yfirvalda. Dugnaður hennar og áræði fékk mig til að hugsa um hvað aðrir væru að gera. Fólk sem þekkti hana lítið sem ekki neitt, hæddist að henni og gerði lítið úr henni. Þetta sama fólk hafði ekki hugmynd um að henni hafði tekist að gera hluti sem þeim hafði ekki einusinni dottið í hug. Það var hún sem sýndi mér hvað er hægt að gera ef viljinn er fyrir hendi, jafnvel þau sem ganga ekki heil til skógar.

Hún sýndi mér bréf sín til yfirvalda og ég byrjaði að bera þau saman við lög og reglugerðir landsins. Þarna byrjaði ég að lesa lögfræði. Ári seinna þótti mér nokkuð ljóst að brotið væri gróflega á stjórnsýslululögum og mannréttindum þessara hópa hvað varðar aðgengi að réttarkerfinu.

Innan þessara hópa var hræðsla og andstaða jafnvel meðal menntafólks, gegn beinskeyttri og lagalegri réttindabaráttu. Afstaðan var sú að við ættum að vera þæg annars yrði okkur refsað með því að skerða enn frekar þau fáu réttindi sem við höfðum. Ég átti erfitt með að leyna fyrirlitningu minni á þeim heigulshætti sem þessi hugsun lýsti og fyrir það eignaðist ég óvini sem ég hefði heldur viljað starfa með.

Árið 1997 stofnuðum við samtök í Kaupmannahöfn, sem dóu stuttu seinna.

Samtímis þessu hafði ég verið ansi ötul við að kvarta til Umboðsmanns danska Þingsins, bæði á eigin vegum og einnig á annarra vegum. Fram til þessa höfðu verið háværar raddir sem sögðu að vandamál okkar væru engin, þau byrjuðu að skoða málið og mörg þeirra snérust og skiptu um skoðun á því. Ekki ein einasta af kvörtunum okkar bar árangur, en þær voru allar semdar til umfjöllunar hjá danska Dómsmálaráðuneytinu. Þegar þeir höfðu haft fjölmörg mál til umfjöllunar, hættu þeir að segja að vandamálið væri ekki til. Þá kom nýtt hljóð í strokkinn. Nú var vandamálið til en það var ekki Dómsmálaráðuneytisins að leysa það, heldur vísuðu þeir til réttarlæknaráðsins (sem í raun er er yfir dönskum dómstólum en hefur þó ekki ábyrgð á dómum)

og einnig til danska Þingsins.

Þann 9. ágúst 2002 tókst okkur að stofna félagið trans-danmark.dk eftir mikla undirbúningsvinnu mánuðina á undan. Jafnvel innan þessa félags, skorti skilning á málefnum okkar. Ég fór í áróðursherferð innan félagsins þar sem ég sagði meðal annars frá því hvernig slæm réttarstaða mín kemur ekki bara niður á okkur heldur á börnunum okkar.

Sagan var að dóttir mín hafði sparað vasapeningana sína saman svo hún gæti keypt sér farsíma. Mikil var tilhlökkunin þegar við gengum inn í verslun Orange í Álaborg. Við keyptum borguðum og skrifuðum undir. Allt í einu kom það í ljós að þar sem hún var ekki fjárráða varð ég að skrifa undir samninginn. Það var allt í lagi, ég setti nafnið mitt og danska kennitölu og þeir sögðu að það tæki eingöngu einn daga að tengja símann.

Síðan liðu einhverjir dagar og Orange segir að síminn verði tengdur bráðlega. Eftir um 10 daga hafði ég misst þolinmæðina, og byrjaði að grafast fyrir um hversvegna síminn væri enn ótengdur og hvenær þeir ætluðu að klára það. Í ljós kom að þrátt fyrir að dönsk lög bönnuðu símafélögum að skrá áskrifendur með kennitölu, höfðu þeir notað kennitöluna til að slá upp í þjóðskránni sem sýndi skírnarnafnið mitt. Ég hafði hinsvegar skrifað nýja nafnið mitt. Þeir neituðu að tengja síma dóttur minnar sem hún hafði borgað meg eigin fé, vegna þess að nafni mínu hafði ekki verið breytt í þjóðskrá. Þetta þótti mér algerlega fáránlegt og þegar fólk heyrði þessa sögu, rann upp fyrir þeim að nafnið okkar er ekki bara eitthvað sem skráð er í rykugar gagnahirslur.

Maðurinn minn hafði oftar en einu sinni og oftar en tvisvar beðið mig um að giftast sér og langaði að hafa það á sama degi og foreldrar hans giftu sig en það var 02.02.1952. Hann langaði að giftast 02.02.2002 en við höfðum sett upp hringa klukkan 00:00 á gamlárskvðld/nýjársnótt áramótin 199/2000. Þar sem ég hafði ekki fengið leiðréttingu á kyni og nafni í þjóðskrá, hefði aftur komið upp sú staða að ekki væri hægt að fylla út pappíra með mínu nafni réttu. Ef prestur og yfirvöld hefðu samþykkt að nota núverandi nafn mitt, hefði orðið af brúðkaupinu, en okkur hefið verið gert að skilja samkvæmt danskri lagahefð þegar formleg leiðrétting á mínu kyni og nafni næði fram að ganga. Á þennann hátt var okkur í raun meinað að giftast.

Á meðan ég stóð í þessari baráttu, var margt fólk sem bara lúffaði og lét mótmælalaust fara svona með sig. Þetta fólk byrjaði að hugsa sig um. Þau hættu að láta valta yfir sig, mótmælalaust.

Um það leyti sem félagið trans-danmark.dk var að undirbúa tillögu að breytingu á lögum um mannanöfn, fékk ég tilboð um vinnu í Færeyjum þar sem maðurinn minn er færeyingur. Ég fór og yfirgaf alla þessa baráttu til að gera við tölvur í meðal annars færeyskum fiskiskipum. Þar á eftir fengum við okkur aligæsir og andarunga og þetta var stórkostlegur tími með mikilli náttúru, fátækt, fuglum, bakstur, sláturgerð, heyskap, sauðfé, og áhyggjur.

Nú er ég aftur á mölina í mestri nánd og firrð. Aftur er fólk sem gjarnan vill styðja okkur, en við fræðum þau ekki nóg um hver staða okkar er. Enn einu sinni lúffum við í staðinn fyrir að rétta úr bakinu og standa með okkur sjálfum. Þetta er alls ekki auðvelt, en við erum ekki ein. Við erum aldrei ein.

Fundur um stofnun félags transgender fólks.

2007-02-14T01:57:00.000Z

Í morgunblaðinu 13. febrúar 2007 var grein um mig og um fyrirstandandi stofnun félags transgender fólk. Fundurinn verður haldinn í húsnæði Samtakanna 78 þann 15. febrúar kl 20:00 .


      .-.       .-.
     /'v'\     /'v'\
    (/   \)   (/   \)
======="="=='=='="="===-----

Megi Ó-Frjálslyndi flokkurinn halda tilgangslausa fundi.

Enn eitt vændishús rænt á Vesterbro í Kaupmannahöfn.

2007-02-13T01:57:00.000Z

Í gær greindi fréttastofa Ritzau frá að karlmanni hefði verið hópnauðgað, en kom síðan með þá útskýringu að í raun væri ekki um karlmann að ræða heldur kvenmann sem hefði kannski einhverntímann verið karlmaður. Með fleiri útskýringum um að hún var frá thailandi og vann í vændishúsi því sem nauðgununín átti sér stað í, útskýringum sem hefðu getað verið í besta Monty Python stíl, ef ekki hefði verið fyrir þá staðreynd að hún varð fyrir hópnauðgun 4 karlmanna vopnuðum hnífum og hafnarboltakylfum. Árásin átti sér stað á Oehlenschlægergade á Vesterbro.

Í dag greinir Ritzau frá að í gær hafi verið ráðist á vændiskonu og henni hópnauðgað. Nú þegar Ritzau fengið vilja sínum framgengt að selja fréttina, er allt í lagi að segja fréttina án þess að gera grín að fórnarlambi kynferðisofbeldis.

Snemma mánudagsmorgunn var enn ein árásin á vændishús á Vesterbro í þetta skipti í Dannebrogsgade. Þar greinir Ritzau frá að aftur havi verið um 4 menn að ræða með hnífa og hafnarboltakylfur og lýsingin passar nokkurnvegin við þá fyrri. Rænt var peningum, farsímum, tölvu og stafrænni myndavél.

Í báðum ránunum hurfu mennirnir en í seinna skiptið virðast þeir hafa ekið brott á bíl.

Mér þykir nokkuð ljóst hvað er að gerast þarna. Rokkarahópar eins og Hells Angels, Bandidos, og aðrir taka svokallað verndarfé af þessum stöðum og einnig taka þeir um hálfa milljón í húsaleigu á mánuði. Þegar Vændishús telja sig ekki þurfa að borga verndarfé eða vilja ekki leigja hjá þeim, fá þeir einhverja misyndismenn til að fremja árásir eins og þessar.

Það sést best á hvernig þetta er skipulagt og hversu lítið þeir bera úr býtum. Sunnudagsmorguninn höfðu þeir um 4000 DKK upp úr krafsinu. Mánudag eitthvað minna og svo dót sem hægt er að selja. Þetta eru smápeningar, miðað við það að þeir eru fjórir og að þeir eru að taka áhættu. Ef þetta væru smákrimmar eða dópistar sem eru orðnir aðfram komnir eftir næsta fixi, þá myndu þeir ekki ganga svo skipulega til verks og síðan hverfa af vettvangi. Líklega eru einhverjir af þessum stóru hópum á bak við þetta og sem skipulegga þetta og stjórna misyndismönnunum.


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn láta sig hverfa.

Hot Dam The Woman Is A Man

2007-02-12T01:23:00.000Z

Samkvæmt Fréttablaðinu varð transkona fyrir árás, síðustu helgi. það mun hafa verið 4. febrúar 2007. Ég skrifa ði grein um það og nokkrar aðrar sem tengjast kynferðisofbeldi. Einhverjum fannst þetta fyndið , en þó ekki sjálft ofbeldið.

Ég velti fyrir mér hvort karlmaður í þeirri aðstöðu sem getið var um í fréttinni geti ómögulega stoppað, lyft brúnum, sagt “Nei takk en sama og þegið” og síðan labbað út. Hvort eitthvað eðlilegt sé við það að reyna að drepa konu bara vegna þess að hún sé transkona?

Dúettinn Hot Dam sem kom fram í þætti Jóns Ólafssonar og flutti lag um ofbeldismanninn. Þeir eru tveir af meðlimum Brain Police. Hér er textinn eins og hann hljómaði beint úr imbakassanum:

Hot Dam The Woman Is A Man

This is a story

about a man I know

once he'd found his lust for women

knoweth you where he'd wanna go

But there are rules to follow

few you just can't break

once that got round

he made a big mistake.

Hot Dam The Woman Is A Man

He called up a house of lust

ordered a five foot two

but to his surprise yeah

this lady was a dude.

He said you cant imagine

not even want to see

what a five foot two can do

to a man like me.

Hot Dam The Woman Is A Man

Hot Dam The Woman Is A Maaaaaaaa ah ah an

Hot Dam The Woman Is A Man ye heah

The story ain't over yet

about mister F

he found himself behind closed doors

and didn't know what was next

This girl said come in through the back door

he was ready but way to quick

he reached out and found her thing

it was a licking stick.

Hot Dam The Woman Is A Man

Þetta er flottur texti og ég er alveg sátt við hann. Hann segir söguna með vissri fjarlægð og hæðni, gengur ekki of langt en er aldrei gildishlaðinn.


    .-.       .-.
   /'v'\     /'v'\
  (/   \)   (/   \)
======="="=='=='="="===-----

Megi Ó-Frjálslyndi flokkurinn loka bakdyrum sínum fyrir Nýja Aflinu.

Lyftistöng Dagsins

2007-02-11T17:44:00.000Z

Betra er seint en aldrei. Pönkarinn skrifaði fyrir svolitlu síðan um meint grín múrsins um kynferðisofbeldi :

“Hinsvegar ættu systkinin að vita að það kann ekki góðri lukku að stýra að draga fórnarlömb kynferðisofbeldis inn í grín. Alveg sama hvernig það er matreitt.”

Það má skoða þessa setningu í samhengi þeirra nauðgana og árása sem hafa átt sér stað síðustu vikuna.

Með þessu hefur pönkarinn tekið á lyftistöng dagsins.

Hópnauðganir

2007-02-11T14:38:00.001Z

Í Politiken.dk getur að líta frétt um hópnauðgun sem gerðist í morgun og kom á vefinn 11. feb 2007 kl. 12:50. Í þessari skrifuðu stundu kl. 14:14 er hún mest lesna fréttin á politiken.dk. Það sem fær fólk til að lesa fréttina er að fórnarlambið er gert að karlmanni og hún er kölluð hann eins og ég hef skrifað um áður. Það er ekki það, að henni er nauðgað af hópi ofbeldismanna. Ef fréttin hefði verið að konu hefði verið nauðgað, af hópi ofbeldismanna, hefði hún aldrei náð forsíðu blaðanna.

Það er fréttastofan Ritzau sem stendur fyrir þessum fréttaflutningi, en það er alþjóðleg fréttastofa sem selur fréttir um allann heim. Mér sýnist að hér sé verk að vinna fyrir TGEU samtökin en það eru Evrópsk regnhlífarsamtök transgender félaga.

Segja má um Ritzau að fréttastofan sýni að einu leyti fórnarlambinu enn meiri óvirðingu en árásarmennirnir því þeir réðust “bara” á líkamlegt kyn hennar og misþyrmdu henni þannig. Þær árásir eru búnar og nú er hún að jafna sig. Fréttastofan ræðst hinsvegar á sál hennar sem konu og gerir hana að engu. Það er enn ein árásin. Síðan er þessi fimmta niðurlæging sýnd á jp.dk, pol.dk, bt.dk, eb.dk og annarsstaðar. Sú niðurlæging tekur við af hinni og heldur áfram næstu vikur og jafnvel mánuði.

Ég ætla ekki að taka óbeinan boðskap Ritzau til mín, um að við eigum bara að vera þakklátar fyrir þá lítilsvirðingu sem nauðgun er, því hún tekur þrátt fyrir allt enda.

Hópnauðganir, árásir, grýtingar og morð.

Í Politiken.dk í gær gat að líta frétt einnig frá Ritzau um hópnauðgun á þremur ítölskum konum í Afríska eyríkinu Cap Verde (hvað heitir það á íslensku). Þessi frétt er í skrifaðri stund, fjórða mest lesna útlandafréttin.

Yfirskriftin var: Tveir Ítalskir túristar grýttir til dauða.

Í yfirskriftinni var kynið og kynferðislegar misþyrmingar óviðkomandi yfirskriftinni. Síðan getur að líta í greininni: “Samkvæmt Agnese sem er 17 ára og lifði ein árásina af, sprautuðu árásarmennirnir einhverjum óþægilegum úða á þær, síðan var þeim gert ómögulegt að hreyfa sig, síðan voru þær dregnar inn í skóginn þar sem gröf hafði verið grafin. Þar var þeim kynferðislega misþyrmt og svo voru þær grýttar.”


     .-.       .-.
    /'v'\     /'v'\
   (/   \)   (/   \)
======="="=='=='="="===-----

Megi Ó-Frjálslyndi flokkurinn kæra hópnauðgun Nýs Afls.

Blogsafn á Íslensku.

2007-02-11T04:37:00.001Z

Nýtt íslenskt Blogsafn.
Nýtt safn af færslum og greinum af blogginu. Hér sérðu allar nýjustu færslurnar í íslenska bloggheiminum. Einfalt og fljótlegt.

Ekkert mál að bæta þér við, þú þarft bara að nota bloggkerfi sem notar RSS feed, t.d. wordpress, blogspot, og flest önnur blogkerfi, og öll almennileg blogkerfi (ekki blog.is eða blog.central.is) .

Bastøy

2007-02-11T00:09:00.000Z

Í Noregi er eyja á Oslofirðinum nefnd Bastøy. Frá um 1900 og til 1970 var rekið þar upptökuheimili fyrir drengi sem ekki þóttu hæfir annarsstaðar, því þeir töldust óalandi og óferjandi. Þegar þessi eyja er nefnd við fullorðna menn sem ólust upp á þessum tíma, fer kuldahrollur um þá vegna þess hryllings sem þar viðgekkst. Í Noregi voru rekin um 200 upptökuheimili.

Breiðavík er langt frá að vera einsdæmi, og það er fáviska að fordæma það sem gerðist þar, án þess að fordæma sögu okkar sem þjóðfélags.

Einmitt fordæmingin er enn eitt dæmið um þá hugmynd um að við lifum á hinum bestu tímum allra tíma. Að við séum bestust og upplýsustustustustust og frábærust. Að allt annað sé ekki hipp og kúl. Þessi hugmynd er í ætt við hugmyndina um að jörðin sé flöt og hugmyndina um að jörðin sé miðpúnktur alheimsins, að homo sapiens sé fullkominn og æðsta sköpunarverk guðs.

Hvað mun fólk segja um okkur eftir 30 til 40 ár? Verðum við fordæmd fyrir náttúruspjöll, eða fyrir meðferð okkar á eyturlyfjaneytendum, eða fyrir fangelsi og refsingu? Ekki veit ég hvað verður, en það sem er hér og nú, það vitum við öll. Við vitum að þegar við tröðkum á þeim sem lægst settu og þeim sem minnst mega sín, þá erum við að fremja óðæðisverk.


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn safna að sér enn fleiri óalandi og óferjandi meðlimum.

Drag Drottning sigraði í dönsku Evróvision keppninni.

2007-02-10T22:04:00.000Z

Lögin í dönsku Evróvision keppninni voru eins og venjulega, en fatsstíllinn var úr rokkheiminum.

DQ alias Peter Andersen, gaf allt sem hann átti í stærðar fjaðurskrúði sem diva og Drama Queen eins og lagið heitir.

Hann fékk bestar móttökur frá áhorfendum, sem stóðu með honum til loka. Sjónvarpsáhorfendur voru einnig hrifnir og gáfu honum nægilega mörg atkvæði til að vinna. Keppninni lauk kl 21:02 að íslenskum tíma í dag 10. febrúar 2007.

Þarmeð verður DQ fulltrúi Danmerkur við alþjóðlegu sönglagakeppnina í Helsinki í Finnlandi, en síðasta ár voru það finnsku Lordi sem unnu mikinn sigur.


  .-.       .-.
 /'v'\     /'v'\
(/   \)   (/   \)
======="="=='=='="="===-----

Megi Ó-Frjálslyndi flokkurinn ganga í háhæluðum stillettum í hvalfjarðargöngunum.

Money, money, money ..

2007-02-10T02:17:00.000Z

Hef verið að versla með verðbréf síðan í október í gegn um bankann minn. Samtímis byrjaði ég að spara og lagði mestanhluta af laununum mínum í íslenskan hlutabréfasjóð.

Keypti í október 2006 í Bakkavör á genginu 60,80 IKR og seldi í enda janúar 2007 á 66,30 IKR. Seldi allt í íslenska hlutabréfasjóðinum með svolitlum hagnaði. Ég held að gengi íslensku krónunnar fari að falla bráðum svo ég breytti sparnaðinum í erlendan hlutabréfasjóð.

Stuttu seinna keypti ég hlutabréf í norska fyrirtækinu Tandberg. á genginu 112,75 og nú er það komið í 117. Samkvæmt spám á það að ná genginu 135. Nú þegar íslenska krónan styrkist er ég að tapa. Var ég að gera vitleysu?


     .-.       .-.
    /'v'\     /'v'\
   (/   \)   (/   \)
======="="=='=='="="===-----

Megi Ó-Frjálslyndi flokkurinn leggja aleiguna í verðlaus verðbréf.

Hin kristnu viðmið Miðflokksins færeyska.

2007-02-10T01:18:00.000Z

Í dag valdi Karsten Hansen að ganga í færeyska Miðflokkinn. Í viðtali við færeyska útvarpið í dag sagði hann að það væru kristnu gildin sem hann leggur áherslu á og það finnur hann í Miðflokknum. Formaður Miðflokksins, Jenis av Rana, ásamt þingmanni flokksins Bill Justinussen, buðu hann velkomin í flokkinn. Í viðtali við dagblaðið http://sosialurin.fo/ í dag 9. febrúar 2007: “Eg hef sleppt pólítíska takinu og g ég veit alls ekki hvernig þetta endar.”

Hann ætlar að aðstoða við að stofna Miðflokksfélag í Klaksvík en þar eru um 30 mismunandi trúfélög í um 5 þúsund manna byggðarlagi. Babtistar eru margir þar og það er Karsten einnig sjálfur. Karsten Hansen er þriðji þingmaður Miðflokksins. Ég hef áður sagt að með útgöngu sinni úr Þjóðveldisflokknum, hafi hann framið pólítískt sjálfsmorð. Formaður Þjóðveldisflokksins, Høgni Høydal, sagði við þessi tíðindi að af öllum flokkum þætti honum verst að Karsten skyldi hafa gengið í Miðflokkinn. Ennfremur sagði hann að í Þjóðveldisflokknum væri pláss fyrir alla og allar trúarskoðanir.

Stjórnarsamstarf Þjóðveldisflokksins og Miðflokksins ásamt Íhaldsflokknum varði fram í janúar 2004, þegar Annfinn Kallsberg þáverandi lögmaður Færeyja sagði öllum ráðherrum Þjóðveldisflokksins upp. Hingað til hefur gilt vopnahlé á milli þessara flokka, en með orðum sínum hefur Høgni Høydal sagt pólítiskt stríð á hendur Miðflokknum og þá sérstaklega fyrrverandi flokksbróður sínum og samstarfsmanni. Karsten Hansen er bráðum búinn að vera í færeyskri pólítík.


  .-.       .-.
 /'v'\     /'v'\
(/   \)   (/   \)
======="="=='=='="="===-----

Megi Ó-Frjálslyndi flokkurinn sigra kosningabaráttu í helvíti.

Tvöföld siðferðiskreppa þjóðarsálarinnar

2007-02-10T00:39:00.000Z

Síðustu dagana hafa sjónvarpsáhorfendur séð viðtöl við marga menn sem höfðu dvalist á drengjaheimilinu á Breiðuvík. Við höfum fengið innlit í það harðræði sem þeir voru beittir, og hversu afskiptir þeir voru. Það sem hinsvegar hefur vakið mestan óhug er það gífurlega ofbeldi sem varð iðkað þarna og þá ekki síst kynferðislegt ofbeldi. Þar á meðal nauðganir. Eins og einn viðmælenda kastljóss komst að orði: “Þetta voru uppeldisaðferðir síns tíma.” Sá sálfræðingur sem gerði skýrslu um málið áleit að það væri drengjunum fyrir bestu að flokka skýrsluna um barnaheimilið, sem trúnaðarmál. Hann sagðist vilja hlífa drengjunum við að verða stimplaðir sem Breiðavíkurdrengur og að það gæti fylgt þeim allt lífið. Einmitt þetta finnst mér vera kjarninn í þessu máli.

Þjóðfélag okkar stimplaði börn. Hvað með að horfast í augu við það.

Í staðinn ætlar Ríkisstjórn og fleiri aðilar að “Bregðast við málinu”. Þessi heigulsháttur okkar við að viðurkenna fyrir sjálfum okkur sem þjóð, að það sem við gerðum var rangt. En nei auðvitað gerum við það ekki. Okkur dytti ekki í hug að viðurkenna slíkt.

Í dag gerum við einnig allt RÉTT (TM).

Þau okkar sem lásu ævintýrið um Gosa (Pinoccio) eða sáu kvikmyndirnar byggðar á ævintýrinu, vita að slæmir drengir þeir áttu ekkert betra skilið en að breytast í asna (doney) vinnudýrið sem alltaf var farið illa með.

Ef við ætlum sem þjóðfélag að standa við skoðanir okkar og gerðir, ættum við að segja: Við gerðum nákvæmlega það sem við ætluðum, við tókum verstu strákana og settum þá á versta staðinn.

Við þurfum að byrja á að viðurkenna að stundum er ekki hægt að gera það sem er RÉTT (TM) heldur þarf að grera það sem er minnst rangt. Það er einhver meinloka í þjóðarsálarinni, sem fær okkur til að benda á barnaheimilið á Breiðuvík og svartholið þar. Vandamálið er hinsvegar annarsstaðar. Það var í barnaverndarnefndum og á hærri stöðum.

Áróðursmyndin um Barnaheimilið, barnaverndarnefndir í Reykjavík og annarsstaðar, töluðu máli valdsins, ekki fjölskyldnanna og barnanna sum þau gerðu að fórnarlömbum sínum.

Þetta á að verða okkur dýrkeyptur lærdómur í að hreykja okkur ekki svo hátt að við heyrum ekki neyðarhróp þeirra sem við troðum fótum.


     .-.       .-.
    /'v'\     /'v'\
   (/   \)   (/   \)
======="="=='=='="="===-----

Megi Ó-Frjálslyndi flokkurinn enda sem pólítiskt svarthol sem sogar allt til sín sem kemur nálægt því og sleppir engu frá sér, ekki einu sinni ljósinu.

Bjartari tímar framundan.

2007-02-09T00:04:00.000Z

Dómsmálaráðherra hefur greinilega þörf fyrir að hafa vit fyrir fullorðnu fólki, því hann synjaði vinkonu minni um nafnabreytingu. Just jú veit mister Björn, just jú veit. Nú kvörtum yfir Birni Bjarnasyni Dómsmálaráðherra send til umboðsmanns Alþingis og því er fargi af mér létt. Enn er eftir pappírsvinna. Þegar svar kemur frá Umboðsmanni, verður hellingur að gera í að greina stöðuna.

Varðandi þessa réttarbaráttu okkar langar mig að vekja athygli á að hægt er að gera hana á fleiri en einn hátt. Valdið er nefnilega þrískipt þó að framkvæmdavaldið (ríkisstjórnin ) hafi tekið sér óhóflega mikil völd miðað við löggjafarvaldið og dómsvaldið. Við einbeitum okkur að dómsvaldinu. Með öðrum orðum við stefnum í málaferli gegn Dómsmálaráðherra. Stuðningur við það væri vel þeginn. Aðrir einbeita sér að löggjafarvaldinu og styðjum við þegar við þau.


     .-.       .-.
    /'v'\     /'v'\
   (/   \)   (/   \)
======="="=='=='="="===-----

Megi Ó-Frjálslyndi flokkurinn sitja í ríkisstjórn Surtseyjar.

Er fréttablaðið með transfóbíu?

2007-02-08T12:09:00.001Z

Er að velta fyrir mér hvort ritstjórnarsiðferði Fréttablaðsins taki slíka afstöðu frá transgender konunni, að hún taki siðferðilega afstöðu með ofbeldismanninum sem reyndi að myrða hana. Upp vakna margar spurningar varðandi þá siðferðisvitund sem liggur að baki. Kannski er þetta bara ómeðvituð transfóbía.


       .-.       .-.
      /'v'\     /'v'\
     (/   \)   (/   \)
======="="=='=='="="===-----

Megi Ó-Frjálslyndi flokkurinn verða lyginni líkastur.

Þegar bent er á tunglið horfir fíflið á fingurinn

2007-02-07T22:11:00.000Z

Á forsíðu fréttablaðsins í dag (7. febrúar 2007 37. tölublað, 7. árgangur) er frétt um misheppnaða morðtilraun á transgender konu. Átti það að hafa gerst aðfaranótt sunnudags. Morðtilraun er alvarlegt mál sama hver aðdragandinn er. Eins og með svo mörg önnur ofbeldisverk, þekktust gerandinn og fórnarlambið. Af greininni að dæma, hefði hún dáið ef hún hefði ekki getað varið sig.

Yfirskrift fréttarinnar var hinsvegar sjónarhóll gerandans. Það er undarleg blaðamennska að skrifa þannig að lesandinn er settur í fótspor gerandans. Ég get ekki annað en undrast, hvaða siðferðisvitund liggur þar á bakvið.

Ég þykist viss um að fólk sem er öruggt með sig og sína kynvitund, þykir sér ekki ógnað af transgender fólki. Ég þykist viss um að þarna hafi verið á ferðinn ofbeldishneigður og óöruggur karlmaður með lítið sjálfsmat. Hann á mína meðaumkvun að vera ekki meira karlmenni en þetta.


      .-.       .-.
     /'v'\     /'v'\
    (/   \)   (/   \)
======="="=='=='="="===-----

Megi Ó-Frjálslyndi flokkurinn safna að sér óalandi og óferjandi meðlimum.

Ne bis in idem – aldrei tvisvar fyrir það sama.

2007-02-06T00:45:00.000Z

Þegar fréttir bárust af að Ríkisskattstjóri hefði neitað Ríkissaksóknara um upplýsingar sem hann krafðist, varð ég hissa, verulega hissa. Mér hafði aldrei komið til hugar að einhver innan kerfisins, myndi segja nei við ríkissaksóknara. Baugsmálinu lauk hinsvegar opinberlega með úrskurði Hæstaréttar þann 26. janúar 2007.
Ég varð einnig mjög hissa þegar Ríkissaksóknari samdi ákærur sínar að nýju, og ætlaði aftur að rétta yfir Baugsmönnum. Það er ótrúlegt að Ríkissaksóknari láti sér detta í hug að reyna þetta, hvað þá að reyna að ákæra þrisvar fyrir sömu sakir og láta Hæstarétt skera úr um málið tvisvar. Það er einnig ótrúlegt að Hæstiréttur láti hafa sig að fífli í þessu mál, því samkvæmt stjórnarskránni, er einungis leyfilegt að rétta einusinni í máli.

Sú stofnun sem standa á vörð um réttaröryggi í landinu hefur brugðist skyldu sinni. Dómsmálaráðherra ber ábyrgð á þessu og ber að axla þá ábygð og taka afleiðingunum.

Tímarugl.

2007-02-05T16:28:00.000Z

Hvernig dettur fólki eiginlega í hug að endurrita ævir transgender fólks, þannig að þátíð verði nútíð og nútíð verði framtíð? Einungis á þennan hátt er hægt að við séum nú það sem við gætum hafa verið einu sinni, og séum verðandi það sem við erum. Ég ER kona sem VAR karl. Púnktur.

Ljósleiðaravædd Landsbyggð.

2007-02-03T00:09:00.000Z

Í þessum pistli langar mig að kíkja svolítið á samkeppni í fjarskiptaheiminum og til þess langar mig að nefna það þegar sæstrengurinn Cantat-3 var eini strengurinn til landsins. Á þessum tíma var Síminn það fyrirtæki sem önnur fyrirtæki þurftu að skipta við til að fá netsamband til útlanda. Eitt af þessum fyrirtækjum var Fjarski sem nú er dótturfyrirtæki Landsvirkjunar. Þegar tengja átti net Fjarska við útlönd, þurfti að fá samband frá Reykjavík til Vestmannaeyja, þar sem tengjast á í sæstrenginn. Fjarski fékk tilboð í slíka tengingu frá Símanum upp á svo og svo margar milljónir á mánuði. Fjarski tók ekki tilboðinu en ákvað að leggja eigin streng og þegar strengurinn hafði verið lagður, hafði Síminn lækkað verð sitt um 50 % af því upprunalega.

Annað dæmi er af vestfjörðum. Snerpa hefur þjónað þessu svæði með þráðlausum tengingum, en nýlega kom Síminn þar og býður nú ADSL tengingar en ekki sama hraða og t.d. í Reykjavík. Þar fær fólk helminginn á fullu verði. Hólmvíkingar eru því að borga tvöfalt verð miðað við Reykvíkinga, fyrir sömu þjónustu frá Símanum.

Samkeppni er mikilvæg. Eini aðilinn sem býður ljósleiðaratengingar milli staða, er Síminn og er Snerpa að leigja þeirra línur á rándýru verði, þannig að ekki er hægt að auka bandbreidd til viðskiptavina.

Þeir rækta markaðinn á þessu svæði, en geta ekki boðið ADSL þjónustu vegna þess að eigandi símakerfisins

er Síminn og þar er verðið hátt. Hinsvegar er verðið annað þegar Síminn fór sjálfur að bjóða þessa þjónustu.

Þróunin á Vestfjörðum er hinsvegar á þann veg, að fólki fækkar og Síminn virðist vera einráður á þessum markaði. Gæði og verðlagning á netsamböndum eru eftir því. Sveitarfélög virðast hafa mjög veika samningsaðstöðu til að búa í haginn fyrir almenna samkeppni á þessum markaði.

Eitt af lykilatriðum sveitarfélaganna er sjálf aðstaðan: Það er ekkert gefið að hver sem er geti grafið og lagt ljósleiðara hvar sem er. Bæði er það truflandi fyrir starfsemi á svæðinu, kostnaðarsamt að ganga frá, og einnig þarf að fara varlega til að rjúfa ekki aðra kapla sem eru fyrir. Því er mikið betra að leggja rör sem draga má í svo marga ljósleiðara sem vera skal og hægt er að fjarlæga aftur án þess að nokkuð sjáist á frágangi. Samkeppnisaðili gæti því auðveldlega komist inn á markaðinn og það bætir gæði og þjónustu.

Ef tryggja á samkeppni á þessu svæði, samkeppni sem er íbúunum í hag, þurfa sveitarfélögin sjálf að ráða yfir rörum fyrir ljósleiðara á svæðinu. Þarmeð fá samkeppnisaðilar greiðan aðgang að því að leggja ljósleiðara um svæðið. Sveitarfélögin verða að setja öllum aðilum þau skilyrði að þeir leggi ljósleiðarakapalinn á eigin kostnað, greiði af honum tilskilin gjöld og leigu, og taki hann upp á eigin kostnað.

Spyrjum að leikslokum

2007-01-26T00:50:00.000Z

Baugsmálinu er endanlega lokið í dag. Hæstiréttur úrskurðaði að Baugsfeðgar og aðrir ákærðir í hinu svonefnda Baugsmáli voru öll sýknuð af ákærum á hendur þeim.

Mér skilst að Ríkissaksóknari hafi fyrir nokkru síðan sótt um aukafjárveitingu upp á 30 milljónir. Tap Baugs vegna þessa máls er líklega milljarðar. Heildarkostnaður þjóðfélagsins er verulegur og hver borgar brúsan nema Jón og Gunna? Líklegt er að enginn verði dreginn til ábyrgðar fyrir því tapi sem þetta málaferli hefur orsakað.

Það tap sem þjóðfélagið hefur orðið fyrir vegna bókhaldsóreiðu Byrgisins, verður hinsvegar haldið til haga, og líklegt er að fleiri en einn missi vinnuna. Þeir fíklar sem urðu edrú verða líklega gleymdir og fólkið sem var misnotað verður líklega einnig gleymt.

Ekki kyn mitt sem slíkt

2007-01-21T13:13:00.000Z

Halla Gunnarsdóttir var í viðtali við Rás 2 um kl 13:10 og sagði meðal annars:

Það er ekki kyn mitt sem sem slíkt sem skiptir máli í þessu sambandi, heldur sú reynsla sem ég hef sem kona.

Halla bauð sig fram sem formaður Knattspyrnu Sambands Íslands, KSÍ. Hún hefur spilað fótbolta síðan hún var 6 ára, og er femínisti. Kynjamismunun í fótbolta á Íslandi varð fræg árið 2006, þegar í ljós kom að eingöngu karlar fá greitt fyrir að spila. Með þessu hefur hún tekið á lyftistöng dagsins.

Mærulaus og athyglislaus.

2007-01-20T15:14:00.000Z

Nóa Síríus konfektið sem ég fékk í jólagjöf var að klárast. Það er svosem ekkert voðalegt að hafa ekki mæru, en huggulegt að fá bita, hálfsofandi í rúminu. Að auki hefur mér tekist að gera mig svo óvinsæla, að nú er um einn lesandi á dag að blogginu mínu. Hvað get ég gert við því?

Lesandi þessa bloggs, er beðinn að gefa sig fram tafarlaust vegna yfirvofandi hættu á leiðindum. Einn besti kúr við slíku væri líklega að skoða afmælið hans Ladda, en hann á afmæli í dag. Ef ég hefði tíma myndi ég kíkja þagað líka, en þá er hætt við að athyglissýkin taki yfirhönd og ég fari veltandi til Ladda og heilsi honum og óski honum til hamingju með afmælið.

Svo óforskömmuð einkenni

um athyglissýki

get ég ekki látið eftir mér.

Ó vorkennið mér!

Ég hef allt sem ég vill fá og eiga,

en samt vill ég meira.

Eitthvað sem lífið hefur uppá að bjóða.

Ó vorkennið mér!

Nú er ég sú óvinsælasta í bloggheimi.

Vill bara skrifa um

efni sem fólk á netinu nennir ekki að lesa.

Hvað get ég gert við því?

Til forsætisráðherra um einstaklinga í kynáttunarvanda (transgender).

2007-01-18T22:54:00.000Z

Á Alþingi var í dag fimmtudag 2007-01-18, kl. 12:09, útbýtt þingskjali með nafninu:

Einstaklingar í kynátturnarvanda, 497. mál, fsp. GÖg, þskj. 752.

Umskiptingar Íslenskrar Tungu.

2007-01-16T00:11:00.000Z

Í þekktri í slenskri þjóðsögu er umskiptingur nefndur. Umskiptingurinn var ómennskt afkvæmi trölla er höfðu numið mannsbarn á brott og sett eigið afkvæmi í stað mannsbarnsins. Mennsku foreldrarnir sátu því uppi með ómennskan umskiptinginn sem enginn vildi eiga.

Stuttu eftir að íslensk tunga hafði eignast nýyrðið trans, vað það numið á brott og orðskrípið kynskiptingur sett í stað þess. Umskiptingur þessi, var afkvæmi Ensk-íslenskrar Orðabókar [1984 Örn og Örlygur], og frjórra höfunda hennar.

Enn einn umskiptingur íslenskrar tungu, er orðið hamskiptingur sem kom fyrir í nýlegri þýðingu á kvikmyndinni um Harry Potter og Fangann Frá Azkaban.

Hamskipti eru nefnd í Snorra Eddu, en Óðin gat tekið hamskiptum hvenær sem var, en var þó ekki kallaður hamskiftingur. Hamskipti vara stuttan tíma en að þeim liðnum birtist Óðinn í sinni eiginlegu mynd.

Undir lok 19. aldar skrifaði Finnur Jónsson um galdur og seið og nefndi þar meðal annars hamskifti:

... þeir sem þetta gátu, hjetu alment hamhleypur, og vóru nefndir eigi einhamir, að hamast er sama sem að hleypa ham, pp. 21.

Þarna kemur fram nafnorðið hamhleypa sem sögnin, að vera, tekur með sér í nefnufalli. Á síðustu öld var oft sagt um bráðduglegt fólk, að hann eða hún væri hamhleypa til allra verka, og var því mikill mannkostur.

Nafnorðið hamskipti (en: n: metamorphosis, v: metamorphose) er eitt af upprunalegum orðum íslenskrar tungu, en eins og ofannefndar heimildir sýna er orðið hamskiptingur ónauðsynlegt. Vert er að taka eftir að öll orð sem enda á -skiptingur lýsa eiginleikum sem liggja utan þess sem eðlilegt getur talist.

Aðalsmerki góðs íslensks máls er gegnsæi þess. Íslenskan hefur einstaka eiginleika til að setja saman orð og búa til nýja merkingu sem er gegnsæ og skiljanleg. Þegar orðið hamskiptingur er skoðað, þarf að skoða orðin hamur, skipti og endinguna ingur. Endingin -ingur tengir gefna eiginleika við þann sem átt er við. Orðið íslendingur tengir þann Íslandi sem átt er við. Með viðskeytinu -ingur má nota orðið í nefnifalli með sögninni að vera, við þann sem átt er við. Þarna komum við að kjarna málsins, sem er einföldun málfræðinnar, en skilyrðin fyrir því eru einmitt umskiptingar íslenskrar tungu. Umskiptingar sem tengjast sögninni að vera og eru í nefnifalli. Endingin -ingur og sögnin að vera í setningunni “hann er hamskiptingur” segja nákvæmlega sama hlut.

Setningin er í besta falli einfeldningsleg því með þremur orðum læst hún lýsa allri verund Óðins. Þessi lítilsiglda málnotkun á hljóðfæri hugans er langt undir fátæktarmörkum í þeirri auðugu tungu sem íslenskan er.

Þessir umskiftingar íslenskrar tungu, voru upprunalega íslensk sagnorð sem breytt var í nafnorð með endingunni -ingur. En eins og flestir vita hefur enska þá eiginleika að búa má til nafnorð úr öllum sagnorðum enskrar tungu. Íslenska - og önnur norðurlandamál - hefur lengi legið undir þrýstingi og áhrifum enskrar tungu. Áðurnefnd orðabók er þýðing á ensku orðabókinni Scott, Foresman Advanced Dictionary. Þýðing á orðabókum er vandaverk, og það virðist sem höfundarnir hafi látið undan áhrifamætti enskunnar og farið að búa til úr sagnorðum, nafnorð sem sögnin “er” stýrir í nefnifall.

Merking orðsins skipti

Þó skipti séu ekkert nauðsynlega jöfn eða sanngjörn, ganga skipti á eignum eða vörum samtímis í báðar áttir. Einnig geta skipti gengið til baka og þá sérstaklega ef mönnum þykja skiptin slæm, þegar skiptin eru skoðuð eftir á.

Skipting eftir kyni

Þegar jafnréttismál eru skoðuð, er oft litið á hversu margir einstaklingar eru af hverju kyni í gefnum hópum. Þetta er einfaldlega kallað kynskipting.

“Kynskipting íslenskra lækna samkvæmt upplýsingum frá skrifstofu læknafélaganna” [Læknablaðið,12. tbl 91. árg. 2005, Læknafélag Íslands, Reykjavík]

Í Læknablaðinu, er orðið kynskipting notað um skiptingu íslenskra lækna eftir kyni.

“Á þessari mynd sjáum við kynjaskiptingu kjörinna fulltrúa á tímabilinu 1990 - 2002. Við sjáum að hér hefur átt sér stað hægfara en stöðug þróun í átt að jafnrétti. Hlutfallsleg skipting kynjanna hefur farið úr því að vera um 20%-80% í 30%-70%. Talað er um að jafnrétti sé náð þegar hlutfallsskiptingunni 40%-60% hefur verið náð, það er því ljóst að enn vantar herslumuninn. Ef við skoðum hinsvegar kynskiptinguna út frá fjölda en ekki hlutföllum, verður myndin svolítið öðruvísi.” [www.jafnretti.is 16. jan 2007]

Jafnréttisstofa notar orðin kynskipti og kynjaskipti jöfnum höndum um kynjahlutföll kjörinna fulltrúa. Rétt er að nota orðið skipting um skiptingu eftir kyni, og er það í fullkomnu samræmi við gegnsæi íslenskrar tungu, að mynda orðin kynskipti og kynjaskipti um þetta. Í þessu samhengi er orðskrípið kynskiptingur eins og álfur út úr hól.

kønsskifte,kjönnsbyte,könsbyte

Þegar litið er til annarra norrænna tungumála má t.d. finna nafnorðið “kønsskifte” í dönsku en sögnin “at skifte kön” svarar til íslensku “að skifta um kyn”. Þrátt fyrir mun meiri áhrif enskunnar á dönsku, sænsku og norsku, en á íslensku, er ekki til neitt orð í þessum tungumálum sem svarar til áðurnefnds orðskrípis. Í stað þess að búa til orðskrípi sem eru lýti á málinu, eru ensku orðin yfir þetta orðin hluti af þessum tungum.

Beinar þýðingar úr dönsku hafa hingaðtil ekki verið vel séðar og þegar þýtt er orðrétt, verður með þær þýðingar eins og eitt lag Þeirra Halla og Ladda, Köben, sem var eintómur misskilningur. Danska orðið “kønsskifte” myndi á íslensku merkja kynbreyting, þar sem breytingin er varanleg, og það liggur í merkingu orðsins breyting.

Þetta er undarleg málvernd, að láta reglur enskrar tungu ráða myndun nafnorða, einmitt til að forðast að taka upp alþjóðlegt tökuorð.

Þýski læknirinn Magnus Hirschfeld byrjaði fyrstur manna um 1920 að nota latnesku orðin trans vestus sem greiningu á karlmönnum sem notuðu kvenföt. Bandaríski læknirinn John Money kynnti á fimmta áratug síðustu aldar, hugtakið trans sexual sem læknisfræðilega greiningu á fólki sem óskar eftir skurðaðgerð til leiðréttingar á kyni.

Síðan virðast hafa orðið til heilu kynþættirnir af fólki sem virðist vera“Transsexual Transvestite from Transsylvania” .

Einnig er vert að hafa í huga að á þýsku er notað orðið nafnorðið transsexuell um þessa greiningu.

Vanda skal orðaval

Oft gerir fólk sér ekki grein fyrir að kynskiptingur er bara orðskrípi sem nota má í gríni eða sem skammaryrði. Aðal tilgangur þessara skrifa, er að hjálpa fólki með orðaval þegar rætt er og skrifað um transgender fólk.

Nafnorð eins og áðurnefnt orðskrípi, er til þess eins fallið að setja einstaklinginn utan hins eðlilega andspænis hópi fólks. Oft felst einnig í því siðferðilegur dómur. Á þennan hátt verða minnihlutahópar til með öllum þeim vandkvæðum sem því fylgir. Sagan hefur sannað aftur og aftur að meirihlutinn rekur einstaklinga eins og sauði í réttir þess minnihlutahóps. Því er ekki of mikils krafist að réttirnar séu rétt nefndar.

Fyrirspurn um kynáttunarvanda á Alþingi.

2007-01-13T02:28:00.000Z

Guðrún Ögmundsdóttir er eini þingmaður á Alþingi sem hefur sýnt pólítískan vilja til að gera eitthvað við því pólítíska getuleysi, sem ríkt hefur hingaðtil á sviði kynáttunarvanda. Ég vona að henni takist að taka frumkvæði að aðgerðum á þessu sviði innan skamms. Það yrði mér mikill heiður ef ég fengi að aðstoða eitthvað við það.

Tónleikar með Andreu Gylfadóttur

2007-01-11T00:11:00.000Z

Ég hef verið á nokkrum tónleikum um ævina og eftirminnilegustu tónleikarnir eru ætíð þeir sem eru í litlum sal þar sem áheyrendur og listamenn eru þétt saman. Andrúmsloftið inni hlýtt og afslappað, en úti var frost og skafrenningur. Hún beitir rödd sinni alveg ótrúlega flott og nákvæmlega. Gítarleikarinn lék undir í improvíseruðum blönduðum blues jazz stíl. Raddbeitingin hafði mest áhrif á mig í fyrsta lagi hennar sem ég man ekki hvað heitir. Þau lög sem ég man eftir eru My Favorite Things sem upprunalega er sungið af Julie Andrews, Walk on the Wild Side með Lou Reed, og I Am Calling You úr kvikmyndinni Bagdad Cafe . Í Walk On The Wild Side, þegar hún var komin að “ ... and the colored girls sang” gat ég ekki stillt mig um að byrja að syngja bakrödd lágt svo fáir heyrðu, tudu, dudu du du dududu du dudu ...

Þetta var verulega eftirminnilegt kvöld og mér finnst að ég sé ótrúlega heppin að fá að njóta upplifununar eins og þessarar.

Foreldrar sem fengið hafa leiðréttingu á kyni.

2007-01-08T02:39:00.000Z

Þau okkar sem hafa upplifað að vera kynforeldri eða uppeldisforeldri, vita hversu gefandi og þroskandi það er. Þó að börnin okkar séu bara að láni í stuttan tíma, eru þau samt það besta sem við höfum nokkurn tíman eignast. Einmitt þessar tilfinningar eiga ekki að vera til í fólki með kynáttunarvanda.

Eitt af skilyrðunum fyrir aðstoð heilbrigðiskerfisins er sú ranghugmynd að fólk með kynáttunarvanda, hafi enga löngun til að eignast börn og sé eiginlega infantílt á því sviði. Annað skilyrði er að við höfum enga gleði af kynfærum okkar þrátt fyrir að allar manneskjur séu kynverur. Þetta er ein af ástæðunum fyrir gagnrýni minni á meðferðarúrræði og möguleika heilbrigðiskerfisins á kynáttunarvanda.

Útskriftarveisla

2007-01-08T01:39:00.000Z

Dóttir mín var að útskrifast sem stúdent. Við ákváðum þegar í byrjun desember að nota tækifærið og stíma fjölskyldu og vinum saman í Útskriftarveislu. Ég leigði huggulegan sal og allur frítími fimmtudags og föstudags fór í að leggja lokahönd á skipulag og gera matinn. Við höfðum ákveðið að gera allt sjálf og láta reyna á hvað við gætum. Veislan var haldin á þrettándanum og tókst framar vonum. Þau sem standa okkur nær, komu einnig með ýmisleg og auðvitað var þetta mikið meir en nóg af mat. Það er siður í okkar fjölskyldu og brást ekki í þetta skipti.

Það var mikil upplifun að vinna með þessu unga fólki og sjá áræði og dugnað og að þau vaxa með verkefnunum. Ég fyllist gleði í hvert sinn sem ég sé að næsta kynslóð gefur minni eigin kynslóð ekkert eftir, enda þurfti ekki mikið til. Ég á eftir að lifa hátt á gleðinni eftir þessa veislu, næstu vikurnar.

Jólaleti

2007-01-04T00:36:00.000Z

Jólin eru frábær tími til að elda meiri mat en hægt er að torga, og liggja síðan í leti. Annars var sjónvarpið sæmilegt. Sérstaklega berð þar að nefna Áramótaskaupið. Þegar um 10 mínútur voru liðnar af því og mér hafði ekki komið hlátur í hug, hafði ég or á að það væri afburða lélegt. Sem betur fer var í miðju skaupinu einhverskonar ávarp til þeirra sem fannst skaupið lélegt. Samkvæmt þessu ávarpi, var skaupið hafið yfir lélegan smekk, og þau sem höfðu engan skilning á húmor gátu með engu móti haft gaman af skaupinu. Þá skildi ég brandarann: Þetta var skírskotun í Nýju Fötin Keisarans, en þar voru þeir óhæfir í starfi sínu, er sáu ekki hin nýju glæsilegu föt Keisarans. Á svipaðan hátt voru þeir gjörsneyddir kímnigáfu er skildu ekki þetta frábæra skaup. Þar sem ég hef haldið mig vera með háa kímnivísitölu, áleit ég að skaupið hefði stórbatnað og að í raun væri ótrúlega fyndið að hrekkja þjóðina með grátlega leiðinlegum leiknum fréttaskotum úr stjórnmálum, þegar fólk standa spennt með flugeldana í höndunum og heitt kakó og jólasmákökur á borðum. Stórkostlega fyndið!

Þetta er eins og einn lélegasti þáttur nýrra tíma er heitir Tekinn, þar sem einhvert grandalaust smástirni er sett í óþægilega stöðu og gerir mannleg mistök meðan alþjóð fylgist með. Þarna varbrandaranum snúið við: Ein leikstjóraspíra hefur alþjóð að fífli að yfirlögðu ráði og skellihlær og auðvitað hlægjum við með sem höfum skilning á húmor. Hvað annað?

Þjóðaratkvæðagreiðsla um samkynhneigð

2006-12-29T00:11:00.000Z

Nokkrir færeyskir þingmenn vinna nú að nýrri tillögu varðandi samkynhneigð. Þeir vilja fá fólk til að taka afstöðu til þess hvort samkynhneigt fólk eigi að hafa rétt á skráðri sambúð. barneignum með tæknifrjóvgun og hjónabandi. Tillagan á að enda með þjóðaratkvæðagreiðslu sem þó aðeins verður talin gild ef niðurstaðan er rétt samkvæmt þeirra mati.

Trúverðugleiki færeyskra stjórnmálamanna: Alfred Olsen

2006-12-24T00:01:00.000Z

Sambandsflokkurinn hefur lengi haft Alfred Olsen í áhöfn sinni. Sambandsflokkurinn hefur svipaðan sögulegan bakgrunn og Framsóknarflokkurinn og margt er skyld með þeim. Alfred er hinsvegar þeirrar skoðunar að Færeyjum skuli fyrst og fremst stjórnað af svokölluðum lögmálum Biblíunnar fremur en landslögum. Stuttu eftir að færeyska þingið þann, 15. desember 2006, samþykkti tillögu til breytingar á grein 266b um bann við hatursglæpum gegn samkynhneigðum, tók hann á það ráð sem varaformaður Sambandsflokksins og þingmaður sitjandi ríkisstjórnar, að segja sig úr ríkisstjórninni. Það ber að nefna að við erum að tala um Sambandsflokkinn sem Edmund Jóensen var lengi formaður fyrir. Núverandi lögmaður Jóannes Eidesgaard, sagði að ákvörðun Alfreds væri algerlega út í hött (fo: “heilt ótrúliga langt úti”).

Að mínu mati hefur Alfred ekki framið pólítískt sjálfsmorð heldur hefur hann fyrirgert öllu pólítisku trausti innan Sambandsflokksins, Jafnaðarmannaflokksins og Íhaldsflokksins, sem nú eru í ríkisstjórn.

Trúverðugleiki færeyskra stjórnmálamanna: Karstin Hansen

2006-12-23T00:10:00.000Z

Einn af öflugri stjórnmálamönnum þjóðveldisflokksins, er Karstin Hansen, eða öllu heldur var, því hann hefur nýlega sagt skilið við flokkinn vegna stuðning flokksins við tillögu til breytingar á grein 266b um bann við hatursglæpum gegn samkynhneigðum. Hann var ötull í starfi sínu fyrir flokkinn. Takmark hans, að hans eigin sögn, að Færeyjar verði fullvalda þjóð. Hann var fjármálaráðherra í ríkisstjórn Íhaldsflokksins, Miðflokksins og Þjóðveldisflokksins fram til ársloka 2003, þegar hann ásamt öðrum ráðherrum Þjóðveldisflokksins var rekinn vegna ásakana um meint fjármálamisferli Annfinns Kallsbergs. Hann var einn af aðalmönnunum í áætlun þáverandi ríkisstjórnar um verulegan niðurskurð á fjárframlögum dana til Færeyja (fo: blokkstuðul). Þeim tókst að sannfæra fólk um að Færeyjar gætu verið án rúmlega 360 Milljóna DKK miðað við árið 2001. Danska og færeyska ríkisstjórnin skrifuðu undir samkomulag um þetta.

Með þessum áfanga, taldi Karstin Hansen að færeyingar væru mun nær fjárhagslegu sjálfstæði. Hann hefur fram til þessa ávallt talað um að mikilvægasta málefni sitt, væri sjálfstæði færeyinga.

Eftir að færeyska þingið hafði samþykkt ofannefnda tillögu um grein 266b, brá hann á það ráð að segja sig úr þjóðveldisflokknum. Að mínu mati er þetta pólítískt sjálfsmorð. Hann er nú á þingi sem óflokksbundinn þingmaður og er einn af þeim er ætla að leggja fyrir þingið tillögu til þjóðaratkvæðagreiðslu um samkynhneigð.

Marz og Venuz

2006-12-22T01:57:00.000Z

Mig hefur lengi langað að birta tákn himintunglanna eins og rómverjar teiknuðu þau. Gjörið svo vel. Þið getið hinsvegar ekki upp á hvernig ég ætla að nota þau.

Trúverðugleiki færeyskra stjórnmálamanna: Annfinn Kallsberg

2006-12-22T00:10:00.000Z

Lengi vel var Annfinn Kallsberg bókhaldari í þekktu færeysku fyrirtæki. Þegar hann varð formaður færeyska íhaldsflokksins, Fólkaflokkurinn, og stefndi á að verða næsti lögmaður (ísl: forsætisráðherra) færeyinga, kom fram gagnrýni á að slíkur maður skyldi getað talist nógu trúverðugur til að hljóta þann heiður. Svotil öll blöð hafa haft greinar sem tala um meint misferli hanns sem bókhaldara á sínum tíma.

Á þjóðhátíðardegi Færeyinga, Ólafsvöku, vísaði Annfinn Kallsberg allri gagnrýni á bug, í ræðu sinni sem Lögmaður Færeyja. Þessi misnotkun á Lögmannsembættinu kom honum í koll síðar. Í bókinni “Skjót journalistin” eftir blaðamennina Øssur Winthereig og Grækaris Djurhuus Magnussen, sem kom út 2003, meðan Annfinn var lögmaður, var hulunni svipt af hinu meinta misferli. Kom þar meðal annars fram, að á þeim tíma sem Annfinn Kallsberg var bókhaldari, höfðu verið fluttar miklar fjárhæðir frá fyrirtækinu til tveggja skipa sem Annfinn var útgerðarmaður fyrir. Málið var afgreitt innann fyrirtækisins þar sem Annfinn endurgreiddi fjárhæðina, en málið var aldrei kært til lögreglu. Var þetta almennt þekkt sem hið skapandi bókhald Annfinns.

Fljótlega eftir að þessi bók kom út, krafðist Þjóðveldisflokkurinn að Anfinn hreinsaði sig að ásökunum sem settar voru fram í bókinni. Þáverandi lögmaður svaraði með því að reka alla ráðherra Þjóðveldisflokksins.

Stuttu seinna, 20. Januar 2004, sagði Annfinn Kallsberg af sér sem lögmaður og útskrifaði samstundis kosningar og hindraði þarmeð samstarfsflokk sinn Þjóðveldisflokkinn í að komast til valda.

Trúverðugleiki færeyskra stjórnmálamanna: Jenis av Rana

2006-12-21T00:08:00.000Z

Jenis av Rana er heimilislæknir, formaður Miðflokksins er hefur á stefnuskrá sinni að Færeyjum verði stjórnað eftir því sem flokkurinn kallar lögum Biblíunnar. Einnig er hann háttsettur í vissri trúarhreyfingu í Færeyjum. Hann hefur skrifað reglulega í blöðin um samkynhneigð. Eitt það eftirminnilegasta sem ég man frá því ég var nýfarin frá Færeyjum er grein sem birtist í blöðunum eftir hann sem lýsa átti símtali samkynhneigðs manns við hann og hversu illa þessum manni leið. Greinin var innihélt margar beinar tilvitnanir þar sem orð þessa óþekkta manns voru í gæsalöppum eins og tíðkast með beinar tilvitnanir. Þarna voru margar heilar setningar.

Dagana eftir að þessi grein birtist voru nokkrir pistlar í blöðunum þar sem fólk undraðist hversu ótrúlega minnugur Jenis av Rana var. Hvort hann hefði skrifað samtalið niður eða notað upptökutæki án vitundar mannsins. Hann taldi að hann hefði munað allt þetta orðrétt og að hann færi hárrétt með hvert orð.

Nú gerðist það í haust að að 16. ára stúlka kom til hans í læknisvitjun. Þessi stúlka var í fjölskyldu sem er í söfnuði Jenis av Rana. Hún sagði frá kynferðislegu áreiti föður síns. Aðspurð sagði stúlkan að hún vildi ekki að hann talaði við foreldra hennar um þetta. Hann hélt þeirri skoðun sinni að stúlkunni að, best væri að tala við foreldrana en hún tók skýrt fram að það vildi hún ekki. Eftir samtalið hafði Jenis samband við Foreldrana og boðaði þau á sinn fund ásamt stúlkunni. Ætlun hans var að fá þau til að sættast eins og hann komst að orði seinna, en í raun vildi hann ekki að þetta bærist út fyrir söfnuðinn. Þó að færeysk barnaverndarlög kveði á um að slíkt skuli tilkynnt til barnaverndarnefndar, gerði hann það ekki. Málið var kært og enn er ekki komin niðurstaða um hvort hann hafi brotið gegn þagnarskyldu lækna og brotið gegn barnaverndarlögum.

Trúverðugleiki færeyskra stjórnmálamanna

2006-12-20T00:01:00.000Z

Ég skal viðurkenna að ég er ekki óvilhöll í þessari umræðu því ég hef viss fjölskyldutengsl við Edmund Jóensen fyrrverandi løgmann Føroya. Tengdafaðir minn heitinn var mágur bróður hanns. Þegar ég bjó í Færeyjum, frá 2002 til 2005 var alltaf talað um hann af mikilli virðingu innann fjölskyldunnar og eftir að ég spjallaði svolítið við hann í sjötugsafmæli bróður hans, má segja að virðing mín fyrir þessum manni hafi aukist enn meir, þó að spjallið hafi verið um garðrækt. En samt sem áður langar mig að bera saman 4 stjórnmálamenn í sambandi við að þrír þeirra hafa tekið sig saman um tillögu varðandi grein 266b (bann við kynþáttahatri eða hatursglæpum).

Edmund Jóensen, sagði eftir atkvæðagreiðsluna í annarri afgreiðslu að tími væri komin til að samþykkja 266b og að umburðarlyndi færeyinga hefði sigrað. Til að rökstyðja það sagði hann að hann hefði greitt atkvæði fyrir mannréttindasáttmálanum á sínum tíma og nú ætlaði hann að klára það sem hann var byrjaður á með því að tryggja að verndun minnihlutahópa nái einnig til samkynhneigðra. Hægt er að grafa upp skít um alla en ég ætla ekki að gera það hér.

Hinir þrír sem ég vil nefna eru Jenis av Rana, Karstin Hansen og Annfinn Kallsberg. Það er líka hægt að grafa upp skít um þá og ég ætla heldur ekki að gera það hér, heldur ætla ég að eins að lýsa pólítískum aðdraganda tillögunnar um 266b. Þessir menn ætla nú að leggja fram tillögu um að breytingin við grein 266b verði send til þjóðaratkvæðagreiðslu. Þetta er eitt af því heimskulegasta sem ég hef heyrt færeyska þingmenn segja. Eftir að tillagan er samþykkt í þriðju málsmeðferð í þinginu, halda þeir að hægt sé að taka það aftur og senda til þjóðaratkvæðagreiðslu.

Hver er réttarstaða þeirra Íslendinga sem breyta vilja kyni sínu?

2006-12-19T00:01:00.000Z

Í lok hvers misseris vinna nemendur við Háskólann á Bifröst, sjálfstætt hópverkefni og ákveður hver nemendahópur viðfangsefni sitt. Eitt af hópverkefnum þessum fjallaði um áðurnefnda réttarstöðu.

Sex nemendur í viðskiptalögfræði sem allar voru konur á fyrsta og öðru ári, fóru nokkuð djúpt í Stjórnsýslulöggjöfina, Stjórnarskránna ásamt Mannréttinda Sáttmála Evrópu.

Aflað var heimilda hjá hagstofu, landlækni, biskupsstofu, þjóðskrá. Einnig sat Elísa ásamt mér fyrir svörum þann 29. nóvember í húsnæði Samtakanna 78 og voru þar endursýndar myndirnar er kynntar höfðu verið undir nafninu Hvað Er Trans.

Hópurinn skilaði skýrslu með áliti sínu og fór vörnin fram fimmtudag 14. desember 2006 kl 14:30 að Bifröst. Óvenjulega margir áheyrendur voru, fyrir utan leiðbeinanda hópsins, prófdómara og nemendahóp sem á vissan hátt voru andmælendur. Táknrænt var að þeir voru allir karlkyns.

Áheyrendur voru um það bil jafnt af báðum kynjum. Kynskipting var því nokkuð jöfn.

Við umræðurnar kom í ljós að þegar fjallað er um þetta mál, reynir mikið á þekkingu á mannréttindum og Stjórnsýslulöggjöf. Sérstaklega var farið djúpt í hvar mörkin eru milli þess sem MSE ákvarðar og landslög ákvarða. Eftir vörnina vorum við allar mjög ánægðar með árangurinn.

Við Elísa höfum þegar yfirfarið skýrsluna og endurbætt lagalega röksemdafærslu umsóknar um nafnabreytingu. Við vinnum nú að því að leggja inn nýja umsókn fyrir jól.

Frammi fyrir Lögunum.

2006-12-18T22:42:00.000Z

2006-12-18 Der Prozess: Vor dem Gesetz

Frammi fyrir Lögunum.

Sagan um bóndann sem leitar réttvísinnar hefur verið mér ógleymanleg síðan ég heyrði hana fyrst. Höfundurinn er Franz Kafka sem var þýskumælandi pólskur gyðingur sem skrifaði söguna “Vor dem Gesetz” árið 1914, inn í stærri sögu er fékk titilinn Der Prozess sem er klassískt meistaraverk. Sagan kemur fyrir aftarlega í 9. kafla “Der Prozess” og er um hálf önnur blaðsíða.

Söguna má finna í heild sinni á upphaflega tungumálinu hér:

http://www.logoslibrary.eu/pls/wordtc/new_wordtheque.w6_start.doc?code=25106&lang=DE

Einnig má á frummálinu, finna þann hluta sögunnar sem kallast Vor dem Gesetz:

http://www.franz-kafka.net/ein-landarzt/vor-dem-gesetz.html

Sagan hefur verið túlkuð á fleiri vegu, þ.á.m. hugmyndafræðilega, bókmenntalega og sálfræðilega.

Kafka hefur í þessari sögu verið talinn exístensíalisti:

http://www.tameri.com/csw/exist/kafka.shtml

I would suggest the greatest sin, especially in existentialism, is a failure to be authentic in the sense Jean-Paul Sartre used the term. Something does not seem authentic about most of Kafka’s characters — they do not seem true to themselves. It is one thing to accept a situation, it is another to fail to assert an identity.

Hér er sálfræðileg greining.

http://www.pep-web.org/document.php?id=paq.065.0561a

My goal is to show how the concept of a particular type of superego pressure can be used to understand the subtle irony in The Trial. Although Joseph K.'s behavior frequently involves oedipal crimes, there are many preoedipal themes that help account for his experience of the Court.

Hér er ein af mörgum umræðum um söguna.

http://www.herzogbr.net/kafka/before-discussion1.htm

Færeyska þingið samþykkti breytingu á grein 266b .

2006-12-15T14:24:00.000Z

Í þessum skrifuðum orðum hefur færeyska þingið samþykkt tillögu til laga um að verndun minnihlutahópa nái einnig til samkynhneigðra í Færeyjum við þriðju málsmeðferð. Við atkvæðagreiðslu voru 17 atkvæði fylgjandi og 15 á móti.

Grein 266b er almennt kölluð “rasismeparagraffen” í dönskum og færeyskum lögum, sem þýðir greinin um bann við kynþáttahatri.

Jógvan á Lakjuni: Endalokin eru nærri nú.

2006-12-13T14:49:00.000Z

Menntamálaráðherra Færeyja fékk enn eitt menningarsvartsýniskastið, þegar ljóst var að færeyska þingið styður tillögu til laga um að verndun minnihlutahópa nái einnig til samkynhneigðra í Færeyjum.

Um klukkan 10 í morgun (13. desember 2006) lá ljóst fyrir að 17 þingmenn styðja tillöguna en 13 eru á móti, Heðinn Zakaríassen borgarstjóri sunda kommúnu var ekki viðstaddur, en hann er einnig talinn vera á móti tillögunni. Eitt atkvæði var autt.

Menntamálaráðherrann lét hafa eftir sér: “Þetta leiðir ekki til blessunar fyrir Færeyjar.” Einnig taldi hann að ef þessi réttarbót næði fram að ganga, myndi það næsta vera skráð sambúð. barneignir samkynhneigðra með tæknifrjóvgun, hjónaband og aðrar réttarbætur fyrir samkynhneigða í Færeyjum. Slíkt taldi hann vera hið versta mál. Hann heitir nú á færeyska þingmenn að greiða atkvæði gegn tillögunni.

Edmund Jóensen, fyrrverandi forsætisráðherra færeyinga, sagði eftir atkvæðagreiðsluna í að tími væri komin til að samþykkja 266b og að umburðarlyndi færeyinga hefði sigrað. Hann fagnaði að núverandi forsætisráðherra færeyinga og formaður færeyska þingsins styðja tillöguna.

Þetta er einungis önnur meðferð málsins en endanleg atkvæðagreiðsla er við þriðju meðferð.

Málið var fyrst lagt fram á færeyska þinginu þann 17. október 2006.

http://www.logting.fo/logtingsmal/Logtingsmal06/VanligTingmal/020.06Revsilog-Samkynd.htm

Í fyrstu málsferð ákvað þingið að senda málið tið réttarnefndar til álitsgjafar. Afstaða réttarnefndarinnar var sú að 3 meðlimir voru á móti, 3 voru fylgjandi og einn sat hjá. Síðan var málið aftur í höndum þingsins.

Við venjulega afgreiðslu mála, eru þau tekin þrisvar fyrir, og eftir það eru greidd atkvæði um málið. Svo virðist sem að þingið hafi neyðst til að greiða atkvæði við aðra málsmeðferð um að taka það til þriðju málsmeðferðar, þar sem réttarnefndin skilaði í raun ekki áliti.

Nafnabreyting

2006-05-29T17:33:00.000Z

Enn og aftur vill ég hvetja það fólk sem ætlar að fá leiðréttingu á kyni nafns síns, að sækja um breytingu á nafni. Eins og í Danmörku segja íslensk yfirvöld við þau sem hafa leitað til þeirra um nafnabreytingu:

“Nei við leyfum það ekki fyrr en þú ert búin(n) að fá leiðréttingu á kyni.”

Dönsk yfirvöld og einnig íslensk hafa síðan getað státað sig af að engum umsóknum um breytingar á nöfnum hafi verið hafnað, einfaldlega vegna þess að yfirvöld færast undan skyldu sinni til að taka á móti þessum umsóknum.

Þessu þarf að breyta. Yfirvöldum er ekki heimilt að færast undan skyldum sínum. Móttaka á umsóknum um nafnabreytingar er ein af mörgum skyldum Dómsmálaráðherra.

Að sækja um þetta er eru réttindi okkar. Krækjan undir fyrirsögninni vísar beint á síðu dómsmálaráðuneytis með umsóknareyðublaði. Það er einnig hér.

Umsókn um Nafnabreytingu

Hér að neðan er dæmi um útfyllingu á eyðublöðum. Í dæmunum eru notuð nöfnin Jón Gunnar Jónsson og Anna Jónsdóttir en þau hafa ekkert með raunverulegar persónur að gera.

Núverandi fullt nafn: Jón Gunnar Jónsson

Kennitala: 012345-6789

Lögheimili: Götustræti 10

Eiginnafn/-nöfn verði þannig: Anna

Millinafn verði þannig:

Fullt nafn verði þannig: Anna Jónsdóttir

Ástæður fyrir umsókn þessari eru:

Ég nota eingöngu nafnið Anna Jónsdóttir nú og framvegis. Fjölskylda mín, vinir, kunningjar, nágrannar, vinnufélagar og aðrir þekkja mig sem Anna Jónsdóttir en ég hafna alfarið notkun þess nafns sem ég er nú skráð undir í þjóðskrá. Félagslega séð er ég kona og því er það mér til ama að bera karlmannsnafn, sbr. 2. og 3. mgr 5. gr. laga um mannanöfn nr. 45/1996 með seinni breytingum. Karlmannsnafn er mér daglega til ama sbr. Dóm Mannréttindadómstóls Evrópu Strasbourg

24 January 1992 í máli nr. 57/1990/248/319 CASE OF B. v. FRANCE, sbr. 65. , 70. og 71. gr. Stjórnarskrár lýðveldisins Íslands. Dómsmálaráðherra er heimilt að leyfa ofangreinda breytingu skv. 13. og 16. gr. áðurnefndra laga um mannanöfn, en án heimildar er sýnt að brotið verður á mannréttindum umsækjanda hvað varðar friðhelgi einkalífsins.

Fyrir Hönd Jóns Gunnars Jónssonar,

Anna Jónsdóttir

____________________________________

Undirritun

Ofangreint uppkast má eflaust betrumbæta með því að hafa til hliðsjónar verk laganema við Háskóla Íslands um þetta efni.

Danir fara erlendis til að fá leiðréttingu á kyni

2006-05-27T01:16:00.000Z

Fólk með kynáttunarvanda ferðast til Thailands í aðgerð til leiðréttingar á kyni, því þau fá ekki leyfi til þess í Danmörku. Transfólk óskar eftir lagasetningu sem gerir þeim auðveldara fyrir að fá aðgerðina. Málið er nú orðið pólitískt.

Sjúklingasamtök um kynáttunarvanda, áætla að nú séu um 20 danir árlega sem fá aðgerð erlendis. Flestir fara til Thailands, þar sem skurðlæknarnir krefjast eingöngu meðmæla frá heimilislækni sjúklingsins.

Þörfin er meiri en nokkru sinni fyrr.

»Sumir gefast upp og taka eigið líf. Hinir fara til Thailands eða annarra landa, þar sem það er auðveldara að fá aðgerðina«, segir Sophie Frederikke Schröder, sem er formaður Sjúklingasamtakanna og fékk sjálf leiðréttingu á kyni í Bangkok seinasta ár.

Einn af reyndustu lýtalæknum veraldar, hinn tælenski Dr. Preecha Tiewtranon, er sammála því að þörfin fyrir aðgerðir er meiri en sá fjöldi sem yfirvöld gefa leyfi fyrir í mörgum vestrænum löndum.

»TS fólk kemur til mín, af því að þau hafa fengið neitun í eigin landi. Það er hræðilegt fyrir þau, af því að þau flestu hafa haft löngun til að leiðrétta kyn sitt síðan í barnæsku« segir Dr. Preecha, sem hefur gert aðgerðir á fjölmörgun Dönum [ Þýðandi þekkir amk. fimm persónulega: innskot þýðanda]

Erfið leið til leiðréttingar á kyni.

Danir með kynáttunarvanda hafa án árangusrs,krafist löggjafar sem gerir það auðveldara fyrir þau að komast í aðgerð.

Eins og staðan er í dag, þarf að sækja um hjá Heilbrigðisstjórninni, sem þá biður um álit Kynlífsfræðistofu Ríkisspítalans. Út frá þeim samtölum sem, kynlífsfræðistofan hefur átt við sjúklinginn, er gefið álit um hvort farið skuli að ósk sjúklingsins eða ekki.

Álitið er síðan sent til sérstaks ráðs réttarlækna í Dómsmálaráðuneytinu sem metur málið og sendir það aftur til Heilbrigðisstjórnarinnar, sem opinberlega tekur endanlega ákvörðun. Sé svarið nei, er enginn áfrýjunarmöguleiki.

Í röngum líkama.

Ellids Kristensen sem er yfirlæknir og yfirmaður Kynlífsfræðistofu, segir að árlega séu framkvæmdar um fimm til tíu aðgerðir árlega í Danmörku. Hún álítur ekki, að of fáir fái aðgerð á danskri grund.

»Töluvert margt transfólk finnst mjög snemma í lífinu að þau séu fædd í röngum líkama og lífið er mjög þjáningarfullt fyrir þau. Ég á ekki í neinum vandræðum með að mæla með aðgerð fyrir þau« segir Ellids Kristensen og heldur áfram:

Byggt á mati

»En svo eru aðrir, sem lifa í mörg ár sem það kyn sem þau fæddust með. Mörg þeirra giftast of eignast börn og hafa haft mikla ánægju af kynfærum sínum. Þau þjást einnig af ástandi sínu, en öðru hvoru er vafasamt hvort ástandið batnar við aðgerð. «

Hvernig getið þið gert ykkur að dómurum yfir hvort fólk lifir á þjáningarfullann hátt eða ekki?

»Við verðum að gera okkur mynd af stöðunni á sem bestan hátt í samvinnu við sjúklinginn«.

Hafið þið ekki áhyggjur af að þið neitið stundum fólki sem í raun óskar eftir aðgerð?

»Við byggjum þetta allt á mati. Alþjóðleg reynsla sýnir, að mörg þeirra sem þegar hafa lifaða virku lífi með meðfæddum kynfærum sínum, eru í mikilli hættu á að sjá eftir aðgerðinni. Persónulega finnst mér verra að framkvæma aðgerð í tilfellum þar sem við hefðum ekki átt að gera það«, segir Ellids Kristensen.

Danski Alþýðuflokkurinn (DF) fjallar pólítiskt um málið

Þingmaðurinn Birthe Skaarup (DF), formaður Heilbrigðisnefndar ætlar að setja fram fyrirspurn á þingi til Lars Løkke Rasmussen (Venstre) heilbrigðismálaráðherra.

Hún ætlar meðal annars að ræða, hvort rofið skuli einkaleyfi Ríkisspítalans þannig að einnig sjálfstæðir Kynlífsfræðingar geti komið með mat á hvort farið skuli að ósk sjúklingsins eða ekki.

Þýtt beint úr Politiken.dk : Anna Jonna Ármannsdóttir.

Umsókn um nafnbreytingu

2006-05-27T00:05:00.000Z

Ég skora hérmeð á transfólk á Íslandi sem ætlar sér að fá leiðréttingu á kyni nafns síns, að sækja um breytingu á nafni nú strax. Ég mun aðstoða allt það sem ég get.

Hlutirnir eru að gerast og það gerist núna.

Fundir um leiðréttingu á kyni.

2006-05-27T00:01:00.000Z

Mánudagskvöldið 22. mai var haldinn lítill sellufundur um málefni fólks sem þarf á leiðréttingu á kyni á halda. Han varaði frá um 21 til 01 um nóttina. Þriðjudag tveir fundir sem stóðu samtals í um 2 klukkutíma. Miðvikudaginn enn einn fundur í um klukkutíma. Föstudagur klukkutíma símasamtal. Það er óviðeigandi að segja frá hvaða manneskjur tóku þátt í þessum fundum. Hinsvegar eru það niðurstöðurnar sem eiga að koma fram hér.

Östrógenmeðferð.

2006-05-27T00:00:00.000Z

Ég hef verið spurð um hvað ég gerði þegar ég byrjaði í meðferð. Svar:

Það var ein vinkona mín sem útvegaði fyrir mig lyfin Östrógen (Estrogen) og Diane Mite. Fyrra lyfið eru náttúrulegir kvenhormónar en seinna lyfið er p pila sem er mjög gagnleg gegn bólum í andliti sem stafa af karlhormónum. Þessi p pilla eyðir semsagt karlhormónum. Mér er sagt að á Spáni megi kaupa þessi lyf í hvaða apóteki sem er án lyfseðils. Þessi lyf eru algerlega lögleg.

Ferðalag erlendis í aðgerð.

2006-05-26T23:45:00.000Z

Möguleiki er á að fá tímabundið vegabréf. Þegar ferðafólk ferðast með vegabréf sem skilríki, er mikilvægt að hafa öryggi þeirra að leiðarljósi. Þegar t.d. transkona ferðast erlendis með vegabréf sem skilgreinir hana sem karl, er ljóst að mun meiri líkur eru á að hún lendi í vandræðum og seinkunum á ferðalagi sínu, en aðrir farþegar. Hún getur jafnvel átt á hættu að vera sett í karlafangelsi án þess að hafa rétt til að koma fyrir dómara eða að fá lögfræðing. Ef það gerist, eru miklar líkur á að henni verði nauðgað. Ef slíkt gerist stuttu eftir að hún hefur farið í aðgerð á kynfærum, er alveg ljóst að líf hennar og heilsa er í hættu.

Við leggjum því til, að Útlendingastofnun gefi út tímabundin vegabréf fyrir þá einstaklinga sem sannanlega eru á leið erlendis í aðgerð til leiðréttingar á kyni. Slíkt er hægt að sanna með skjali frá lækni um að viðkomandi einstaklingur sé í meðferð eða hafi verið í meðferð vegna kynáttunarvanda. Staðfesting á tímapöntun á sjúkrahúsi erlendis væri einnig æskileg.

Dómur mannréttindadómstóls í máli B gegn Frakklandi.

2006-05-26T23:21:00.000Z

Transkonan B. Stefndi Frakklandi fyrir Manréttindadómstól Evrópu þar sem henni var meinaður aðgangur að leiðréttingu á kyni nafns síns. Henni var með öðrum orðum meinað að breyta nafni sínu og skráningu í þjóðskrá þannig að hún teldist kona. Í dómi sínum lagði Mannréttindadómstóllinn áherslu á, að mikil notkun væri á kynbundnum fornöfnum, og á kennitölum og á skilríkjum sem sýna kyn viðkomandi eins og það er skráð í þjóðskrá. Af þessum sökum hafði Frakkland brotið mannréttindi hennar. Þór Vilhjálmsson var einn dómara í þessu máli.

Á Íslandi eru sömu aðstæður og í Frakklandi, hvað varðar notkun á kynbundnum fornöfnum, noktun á kennitölu og á skráningu kyns samkvæmt þjóðskrá. Einnig er alveg ljóst af reynslu okkar sem hafa reynt, að íslensk yfirvöld hafa hingað til neitað fólki um leyfi til leiðréttingar á nafni áður en aðgerð til leiðréttingar á kyni hefur farið fram. Slík neitun setur verulegar hindranir fyrir líf fólks sem er að reyna að skapa sér tilveru, nafn og menntun. Það er því ljóst að nafnabreytingu þarf að leyfa svo ekki séu settar hindranir fyrir líf fólks. Það er ódýrt, einfalt og fljótlegt.

Að vera eða ekki vera? Það er spurningin!

2006-05-20T16:33:00.000Z

Ég var að spá í hvort ég ætti að fara að vera in og blogga: Jég um mig frá mjér til mín. Skrifa jafnvel um hvað ég er að gera, hugsa hvern einasta dag og skreyta það með broskellingum og brosköllum eftir því sem tilfinningar mínar segja til um.

Þetta er hvorki meira né minna en existensíalistisk spursmál ala fyrirsögnina hér að ofan sem Hamlet heitinn lét hafa eftir sér meðan hann rýndi einbeittur í tómar augnatóftirnar í hauskúpu föður síns.

Svo fer maður að velta fyrir sér enn alvarlegri spurningum um til dæmis tilgángi lífsins, og hvað maður vill nota lífið í. Þá minntist ég þess sem Gandálfur hinn grái sagði við Frodo þegar þeir voru villtir í Móríunámum:

Það eina sem við þurfum að ákveða er: Hvernig viljum við nota þann tíma sem okkur er gefinn.

Ég tók þá ákvörðun fyrir mörgum árum síðan að markmið mitt er að minnihlutahópar njóti sömu réttinda og aðrir hlutar þjóðfélagsins. Þetta er jafnréttishugsjónin.

Einhverjum hefði eflaust dottið í hug orðið Bóhem – eins og í kvikmyndinni Moulin Rouge , frelsi, jafnrétti, bræðralag, kærleikur - en það er of stórt fyrir mig. Þá er það frekar John Lennon sem ég hallast að því lífsspeki hans er einkar einföld eins og það kemur fram í einum af texta hans Beautiful Boy: “Life is what happens to you while you're busy making other plans”. Áætlanir okkar verða að innihalda líf okkar og annarra í kringum okkur. Annars standast þær einfaldlega ekki.

Hér eru svo ein broskelling :) og einn broskall :) til að skreyta þetta. Njótið vel, það verður langt í næsta jég um mig frá mjér til mín.

Tékknesk lögregla misþyrmdi sérfræðing i mannréttindum

2006-05-14T17:47:00.000Z

Nokkrir tjekkneskir lögreglumenn hafa verið reknir og refsað fyrir misþyrmingarnar sem áttu sér stað við mótmæli gegn nýnasizma þann 1. mai.
Katerina Jacques hefur enn verki og marbletti eftir misþyrmingar lögreglunnar við friðsama mótmælagöngu þann 1. maí.
Nú fær hún þó eitthvað réttlæti: Tveir lögregluforingjar hafa þegar verið reknir, og allt að tíu lögreglumönnum hefur verið vikið frá störfum um óákveðinn tíma eða verið refsað á annann hátt. Vladislav Husak yfirmaður lögreglunnar, biðst upphátt afsökunar “vegna þessara óréttmætu misþyrminga”.

Kona með völd og áhrif.

Þetta minnir marga tjekka á kommúnistatímabilið, þegar það var venja lögreglunnar að slá mótmælendur til blóðs. Fólk talar sérstaklega um hversu hratt málið hefur verið afgreitt á meðan mörg önnur mál um lögregluofbeldi eru enn ekki útskýrð.
Svo til allir virðast halda, að málsmeðferðinni hafi verið hraðað vegna stöðu þessarar 35 ára gömlu konu. Hún er forstjóri mannréttindaskrifstofu ríkisstjórnarinnar og þarmeð háttsett embættiskona.

Misþyrmt við mótmælagönguna.

En það var sem einstaklingur, að hún tók þátt í mótmælagöngunni þann 1. mai gegn opinberlega leyfðri mótmælagöngu nýnazista og lenti upp á kant við Tomas Cermak lögregluþjón.
Hann varð pirraður, vegna þess að hún hlýddi ekki skipun hans um að koma ekki nær nýnasiztunum, hann skellti henni á gangstéttina og sló svo fast að, hún veinaði af sársauka og varð að far á spítala. Börnin hennar, sem sáu misþyrmingarnar, öskruðu af hræðslu.
Lögregluþjónninn útskýrði seinna, að þessi harka var nauðsynleg vegna þess að Katerina, hefði rifið lögregluskjöldinn af jakkanum hans og fleygt honum. Seinna kom í ljós að þessi saga lögregluþjónsins var uppspuni.

Yfirmennirnir reknir.

Engin af þeim lögreglumönnum sem voru reknir eða vikið úr starfi höfðu snert Katerinu. Tomas Cermak hafði algerlega unnið sólo, en enginn starfsfélagi hans hafði gert hið minnsta til að stöðva hann, þrátt fyrir að margir þeirra vissu um tilhneigingu hans til misþyrminga. Þeir stóðu bara og horfðu á og gerðu ekkert.
Misþyrmingarnar héldu áfram á lögreglustöðinni, sem Cermak fór með Katerinu á. Hann hætti ekki fyrr en eftir aðvaranair frá kvenstarfsfélaga hans, sem augljóslega hafði borið kennsl á æðsta yfirmann ríkisstjórnarinnar í mannréttindamálum.
Lögreglustjórarnir voru reknir vegna þess að þeir létu sem ekkert væri og töldu misþyrmingar réttmætar.

Mistök í kerfinu.

Katerina Jacques er nú komin aftur til vinnu og gerir nú átak, svo lögreglan verði endurskipulögð eins og þjóðin hefur óskað eftir alveg síðan kommúnisminn féll. Ennþá vinnur fólk hjá lögreglunni frá þeim tíma og Tomas Cermak er einn af þeim. Hann var einn af sérþjálfuðum óeirðalögreglumönnum, sem misþyrmdu mótmælendum við síðustu mótmælin gegn valdstjórninni fram til 1989. Lögregluofbeldi kemur enn fyrir þó að það sé undantekningin.
“Árásin á mig var ekki bara einhver tilviljunarkennd villa eins manns. Þetta var kerfisbundin villa í skipulagningu lögreglunnar” segir Katerina Jacques.

Sannanir á myndböndum.

Vladislav Husak yfirmaður lögreglunnar neitar þessu. Frantisek Bublan innanríkisráðherra, sagði einnig í byrjun að enginn annar en Tomas Cermak hefði misnotað stöðu sína, og að lögreglan hefði unnið gott starf þann 1. maí.
Nú talar nnanríkisráðherrann einnig um kerfisbundna villu. Kannski hann hafið skipt um skoðun eftir að hann sá myndir og myndbönd af árásinni á konuna, sem allir tékkneskir fjölmiðlar sýna aftur og aftur.
Á þeim sést að Tomas Cermak er með lögreglumerkið á sér, og að starfsfélagar hans gera ekkert til að koma Katerinu til hjálpar.
Stjórnmálaflokkurinn Græningjarnir, þar sem Katerina Jacques er númer 2 á lista, krefjast þess að innanríkisráðherrann segi af sér. Græningjarnir eru í framboði í fyrsta skipti og samkvæmt skoðanakönnunum geta þeir reiknað með um 10 prósentum af atkvæðum. Kosningarnar verða 2. og 3. juni.

Þýtt beint úr politiken.dk

Útúrsnúningar Nýju Fréttastöðvarinnar.

2006-03-12T02:15:00.000Z

I viðtali mínu við fréttamann N.F. Þann 10 mars. 2006, sagði ég frá persónulegri reynslu minni af fordómum gagnvart minni egin persónu í þá 6 mánuði sem ég hef dvalist hér og sárafáir hafa vitað að ég hef fengið leiðréttingu á kyni.

Ritstjórn N.F. snéri út úr orðum mínum og túlkaði þau eins og þau hefðu sama vægi og orð bandarísks sagnfræðings að nafni Susan Stryker um mismunun og fordóma i BNA gagnvart fólki sem er opinskátt um sína kynfortíð.

Það ætti að vera öllum algerlega ljóst, einnig ritstjórn N.F., að þetta eru ummæli um tvær mög ólíkar hliðar á sama máli. Engu að síður reyndi ritstjórn N.F. að láta líta svo út að við værum ósammála um mismunun og fordóma í garð fólks með kynfortíð.

Því skal slegið hérmeð fast, að við erum mjög sammála um þessa hluti og það er enginn ástæða til að sá efa um gildi rannsókna hennar á þessum málum.

Einnig vil ég koma því á framfæri, að ég tel að mjög sé brotið á rétti fólks í okkar hópi bæði hvað varðar vernd á persónuupplýsingum, mannréttindi, og aðgagn að opinberri þjónustu.

Ég tel því að N.F. hafi brugðist sem fjölmiðill, þegar snúið er út úr orðum mínum með því að setja þau inn í allt annað samheingi en þau voru sögð í. Það er í lagi að gera þetta í gríni, en þetta var ekkert grín.

Susan Stryker

2006-03-09T02:35:00.000Z

Fyrir um 10 árum síðan sótti ég 2 ráðstefnur í Englandi um pólítísk málefni TS fólks. Þar voru meðal annarra englendingarnir Stephen Whittle og Christine Burns. Einnig var þar bandarísk kona og nafni hennar gleymdi ég þegar í stað. Það sem hún sagði og myndirnar sem hún sýndi brenndu sig hinsvegar inn í huga minn. Þetta voru myndirnar frá Stonewall uppþotunum. Það ótrúlega var, að þarna kom fram raunveruleg saga sem hún ein sagði. Ég fann til verulegrar auðmýktar gagnvart þeirri staðreynd að þessi kona sýndi raunveruleikann frá sjónarhorni sem öðrum hafði alls ekki hugkvæmst.

Í greininni að ofan segir hún að þó að mikið hafi gerst á síðasta áratug, er mikil vinna framundan. “Það hefur aldrei verið ráðin TG manneskja til að kenna “QUEER” fræði sérstaklega á Háskólastigi,” sagði hún. Það væri svona svipað og að hafa deild í kvennafræðum án nokkurra kvenna. Háskólarnir þurfa að horfast í augu við vandamálið og ráða TG prófessora.

Á föstudag kl 12:00 heldur Susan Stryker fyrirlestur við Háskóla Íslands. Hún hefur framar öðrum unnið að málefnum sem eru utan daglegrar umræðu. Þeir sem vilja fá ógleymanlegan fyrirlestur um Stonewall uppþotin, mæti á föstudag.

Deja vu: Endlösung

2006-03-07T03:38:00.000Z

Einhverskonar Deja vu var það að lesa blaðagreinar um pyndingar og morð á tveimur manneskjum í Evrópu. Þessar tvær manneskjur áttu það sameignilegt að tilheyra minnihlutahópum þeim sem nasistar reyndu að eyða. Þessir minnihlutahópar voru meðal annarra Gyðingar og fólk með TS heilkenni sem á íslensku kallast orði er rímar við orðin kynvillingar og vitleysingar. Það sem ég vill fjalla sérstaklega um hér er ekki dómur yfir böðlunum heldur viðbrögð þjóðfélaga í heild við þessum atburðum.

Sagan hefur kennt okkur að þjóðfélög mega ekki bregðast minnihlutahópum eins og gerðist í ofsóknunum á tímum nasismans á fjórða og fimmta áratug þessarar aldar.

Fyrra málið sem ég ætla að taka fyrir í þessum pistli, fjallar um pyndingar á ungum manni er var gyðingur. Hann fannst illa brenndur, handjárnaður og nakinn þann 13. febrúar 2006 og lést skömmu síðar á leið á sjúkrahús. Honum hafði verið rænt þann 21. janúar 2006 og höfðu böðlar hans brennt hann um allann líkamann. Fjölmiðlar um allann heim hafa keppst við at benda á að ekki sé staðfest að þessi atburður sé tengdur gyðingahatri.

Um þetta skrifar m.a. Fréttablaðið 27. febrúar 2006 á forsíðu: “Tugir þúsunda fylktu liði um götur Parísar í gær til ðess að mótmæla gyðingahatri ...” Óhugnanlegt morð í París skrifaði fréttavefur fjölmiðlafræðinema og BBC skrifar um Anti Semitic Crime á franskan vef sinn. Stjórnmálamenn tóku þátt í mótmælunum gegn gyðingahatri, ráðherrar frösku ríkisstjórnarinnar héldu ræður og Philippe Douste -Blazy sagði að hver og einn á rétt á að lifa með reisn óháð trúarbrögðum.

Seinna málið sem fjallar um árás og morð á heimilislausri konu með TS heilkenni. Böðlarnir voru hópur af 10 til 16 ára strákum frá barnaverndarstofnun kaþólsku kirkjunnar en er fjármögnuð af ríkinu. Árásin hófst 19. febrúar þegar hópurinn kom inn í byggingu þar sem hún hafðist við. Þeir bundu hana og kefluðu börðu hana spörkuðu köstuðu í hana grjóti, börðu hana með bareflum, brenndu hana með sígarettum og stungu spýtum upp í endaþarm hennar. Síðan hentu þeir henni í gryfju með djúpu vatni til að dylja glæpinn. Í umfjöllun portúgalskra fjölmiðla 23. og 24. febrúar um þetta mál var henni lýst sem heimilislausri vændiskonu og eiturlyfjaneytanda, HIV smituð og klæðskiptingur og böðlum hennar sem börnum undir lögaldri og að einn þeirra hefði verið misnotaður af barnaníðingi.

Einhverjir stjórnmálamenn komu með persónulegar yfirlýsingar um málið. Margir fjölmiðlar birtu efni frá greinarhöfundum sem þekktir eru fyrir andstöðu gegn jafnréttisbaráttu LGBT-samtaka i Portúgal. Í greinunum var lögð áhersla á að ekki hefði verið um hatursmorð að ræða og að árásin hefði ekkert að gera með TS heilkenni hennar.

Þessi tvö mál eru að flestu leyti lík, einnig að því leyti að átök eru í þjóðfélaginu um afstöðu til glæpsins og hvort fórnarlömbin eigi einhverja sök á þessu sjálf. Einmitt þessi mál virka eins og gegnumlýsing á hugarfari þessara þjóðfélaga. Frakkar eru tilbúnir til að verja jafn sterkan minnihlutahóp og gyðingar eru, en portúgalar vilja ekki verja minnihlutahóp eins og TS fólk.

Spurningin er hvort við erum að gleyma einhverju sem við ættum að hafa lært af endlösung.

TRANSAMERICA

2006-02-24T01:04:00.000Z

Leikkonan Felicity Huffman fer með hlutverk Bree í kvikmyndinni Transamerica. Felicity er þekkt úr þáttaröðinni Desperate Housewifes þar sem hún leikur hlutverk fórnfúsrar móður og eiginkonu sem leggur hart að sér í samkeppnini við nágrannakonurnar og í lífsgæðakapphlaupinu. Hlutverk hennar í Desperate Housewifes, einkennist af vilja persónu til að takast á við sjálfa sig og líf sitt. Hún leikur sterkar persónur með vilja. Það sem mér finnst einkenna leik hennar eru stuttar dramatískar senur og síðan aksjón og inní þetta er spunnið húmor ívafinn sjálfshæðni. Þetta er hárfín blanda sem getur orðið stíf, eða aumkunarverð ef ekki er vel er að gætt.

Í kvikmyndinni TRANSAMERICA leikur Felicity konuna Bree og virðist sem að hún sé svolítið óörugg með sína persónu sem virðist stundum mjög stíf og stundum hreinlega aumkunarverð. Á hinn bóginn skilar Felicity alveg snilldar leik bæði í Desperate Housewifes og í TRANSAMERICA hvað varðar drama. Í báðum þessum hlutverkum skilar hún mjög skýrri frásögn af aðstæðum persónunnar sem hún leikur.

Aðstæður Bree eru dæmigerðar fyrir hlutverk hennar. Bree er á leið í aðgerð til leiðréttingar á kyni, og viku áður en hún á að mæta á í aðgerðina sem hún bókaði ár fyrirfram, hringir til hennar ungur maður í fangelsi og segist vera sonur Stanley og hvort Stanley sé heima. Hún bregst við með því að segja að Stanley búi ekki lengur hér og leggur á. Hún hættir að hugsa um símtalið en í undirmeðvitund hennar byrjar eitthvað að bærast.

Áhorfandinn kynnist henni og lífi hennar eins og hún upplifir það og einmitt þessi miðlun er aðalsmerki Felicity sem leikkonu. Á meðan við kynnumst Bree og umhverfi reytir leikstjórinn hvern brandarann á fætur öðrum af Bree og umhverfi hennar. Þar eru setningar eins og “I try to blend in. Keep a low profile.” og “It discusts me, I don't even like looking at it. What about friends? They don't like it either.”, “This is the voice ...” og margar aðrar. Maður verður að sjá þetta í samhengi við myndina til að skilja þetta.

Bree er hrædd um að áætlun hennar um aðgerð verði að engu ef hún fer að vasast í málum unga mannsins sem hringdi í hana, því eins og hún segir “Nothing is gonna stop me from checking into that hospital next week. I'm not gonna get dragged back into Stanleys old life.” Einmitt þessi hræðsla Bree er sú þungamiðja sem drama myndarinnar snýst um. Þessi hræðsla er að brjóta hana niður og hún keyrir hana einnig miskunnarlaust áfram til að gera það sem hún gerir.

Um 10 mínútum eftir að myndin hefst er áhorfandanum gert ljóst það sem einhver þungarokksveitin söng einhverntíma í lagi er hljómaði nokkuð á þessa leið: “She may be a father, but she sure ain't no dad!” Bree fær að vita að hún fái ekki að fara í aðgerð nema að hún athugi um örlög þessa unga manns því hann er líklega sonur hennar.

Ég ætla ekki að taka ánægjuna frá þeim sem ætla að sjá þessa mynd heldur einungis vill ég láta nægja að segja að þau hittast og það drama sem spinnst er undirstaða myndarinnar og hrærir jafnvel við tilfinningum þeirra er afskrifa kyn hennar með orðum sem ríma við orð eins og kynvillingur og vitleysingur.

Fyrir fólk sem álítur að fjölskyldan er einungis mamma, pabbi og börn er mynd eins og þessi eins og köld vatnsgusa í andlitið. Ekki er víst að allir bregðist vel við slíkri sjokkmeðferð og vill verða svo að fólk reyni að ríghalda í staðalímyndir um kyn og kynhlutverk í staðinn fyrir að vakna og opna augun fyrir raunveruleikanum.

Ég ætla að ljúka þessum pistli með setningu úr myndinni sem lýsir þessari afstöðu nokkuð vel: “Dude I thought you wera a real guy.” “WE WALK AMONG YOU!”

VIÐ GÖGUM Á MEÐAL YKKAR!

Við erum hluti af ykkur og því verður ekki breytt með skiltum, stimplum, eða orðum sem stía okkur af frá samfélaginu.

Lífsskoðunarfélög

2006-02-14T22:22:00.000Z

Er það ekki bara sanngjarnt réttlætismál að lífsskoðunarfélög fái jafnan rétt á við trúfélög?

Eminem endurfæddur í trú á Guð

2006-02-09T01:26:00.000Z

Hver sem hefur fylgst með MTV veit að Marshall Mathers, einnig þekktur undur nöfnunum Eminem og Slim Shady hefur farið eins og eldur í sinu um heim allann. Hann er nú endurfæddur í trú á Guð og hefur gefið út nýjan geisladisk með textum byggðum á biblíuversum. Innst inni er hann viðkvæmur og feimninn strákur.

Blm: Endurfæddist þú í trú á Guð til að hætta að blóta og gefa út grófyrta texta?

Eminem: Ég var sko ekki að fokking endurfæðast til að gera fokking bara það.

Blm: En sem trúaður maður, ætlar þú þá ekki að hætta að syngja um, eehh, sona siðlaus athæfi eins og manndráp?

Eminem: Allir eru fokking ríðandi mér á ofbeldi. Heyrðu, Saving Private Ryan hefur sennilega verið vondasta og sjúkast kvikmynd sem ég hef nokkurntíma fokkin séð en hefur einhver gagnrýnt hana fyrir ofbeldi?

Eminem hefur leyft okkur að birta einn texta af nýja geisladiskinum og eins og sést, inniheldur hann margar tilvitnanir í biblíuna.

Lesið Góðu Bókina vandlega.

Take a good look at the good book

Take a good look, at the Good Book, when you hit my shit with the tag "he's misogynistic!"

It's inherent see? From inerrant me! Apparently, if He sees a bitch or faggot, God goes ballistic.

The unsaved point at Slim, say: "Look at him! Who let the born-again asshole in the room?"

Well, prepare your tomb: Your little ones will be dashed to the ground! Hear that sound?

Pregnant bitches ripped open in the womb! [Hosea 13:16]

You see, when the Lord is mad, shit, then you know Yahweh has had it!

If you been acting shitty, God says: "Have no pity! Slay the punks, slay the bitches!"

Lord, what about their brats? "Slay those rats; leave em bleeding in the ditches!" [Ezekiel 9: 4-6]

Destroy their hood [I Samuel 15:2-3] - kill them good. Yo, go to every city purging

Set your sites on the whites, of their eyes, but keep a prize - all them pretty virgins! [Numbers 31:14-18]

Slim's advice is be nice, all you bitches! Cause I got Good News I can Use. God said to kill all you witches! [Exodus 22:18]

And all the pansy press is, in their dresses, say "Slim, why you saying fagots should die?"

And I just raise my Bible high: "The Lord said you got to go so, homo, that's fucking why!" (laughs) [Leviticus 20:13]

And all you rugheads with the wrong god, get my drift, here's a gift: six feet of your own sod! [Exodus 22:20]

You ain't fucking born again? Count to ten. You ain't saved? Opps! I just dropped you in your fucking grave [Deuteronomy 17:2-7]

Hey, if I'm in a fight with some prick guy, bitch don't touch my dick. Why? Cause God said you should die! [Deuteronomy 25:11-12]

Now, I am turning to Saint Paul, he said it all, in his letters to Timothy. See?

All you hos in the place, shut your face and take commands from me! [1Tim. 2:11-12]

1 Timothy 2 11-12

2006-02-09T01:06:00.000Z

11 Let the woman learn in silence with all subjection. bible(KJV) [1Ti2:11]

12 But I suffer not a woman to teach, nor to usurp authority over the man, but to be in silence. bible(KJV) [1Ti2:12]

Leviticus 20:13

2006-02-09T00:58:00.000Z

Leviticus 20
13 If a man also lie with mankind, as he lieth with a woman, both of them have committed an abomination: they shall surely be put to death; their blood shall be upon them. bible(KJV) [Lev20:13]

1 Samuel 15 2-3

2006-02-09T00:38:00.000Z

2 Thus saith the LORD of hosts, I remember that which Amalek did to Israel, how he laid wait for him in the way, when he came up from Egypt. bible(KJV) [1Sa15:2]

3 Now go and smite Amalek, and utterly destroy all that they have, and spare them not; but slay both man and woman, infant and suckling, ox and sheep, camel and ass. bible(KJV) [1Sa15:3]

Hosea 13:16

2006-02-03T01:55:00.001Z

16 Samaria shall become desolate; for she hath rebelled against her God: they
shall fall by the sword: their infants shall be dashed in pieces, and their
women with child shall be ripped up.
bible(KJV) [Ho13:16]

Ezekiel 9:4

2006-02-03T01:55:00.000Z

4 And the LORD said unto him, Go through the midst of the city, through the midst of Jerusalem, and set a mark upon the foreheads of the men that sigh and that cry for all the abominations that be done in the midst thereof. bible(KJV) [Ezk9:4]>

Ezekiel 9:5

2006-02-03T01:54:00.001Z

5 And to the others he said in mine hearing, Go ye after him through the city, and smite: let not your eye spare, neither have ye pity: bible(KJV) [Ezk9:5]>

Ezekiel 9:6

2006-02-03T01:54:00.000Z

6 Slay utterly old and young, both maids, and little children, and women: but come not near any man upon whom is the mark; and begin at my sanctuary. Then they began at the ancient men which were before the house. bible(KJV) [Ezk9:6]>

Numbers 31:14-18

2006-02-03T01:53:00.001Z

14 And Moses was wroth with the officers of the host, with the captains over thousands, and captains over hundreds, which came from the battle. bible(KJV) [Num31:14]
15 And Moses said unto them, Have ye saved all the women alive? bible(KJV) [Num31:15]
16 Behold, these caused the children of Israel, through the counsel of Balaam, to commit trespass against the LORD in the matter of Peor, and there was a plague among the congregation of the LORD. bible(KJV) [Num31:16]
17 Now therefore kill every male among the little ones, and kill every woman that hath known man by lying with him. bible(KJV) [Num31:17]
18 But all the women children, that have not known a man by lying with him, keep alive for yourselves. bible(KJV) [Num31:18]

Exodus 22:18

2006-02-03T01:53:00.000Z

18 Thou shalt not suffer a witch to live. bible(KJV) [Ex22:18]>

Leviticus 20:10

2006-02-03T01:52:00.000Z

10 And the man that committeth adultery with another man's wife, even he that committeth adultery with his neighbour's wife, the adulterer and the adulteress shall surely be put to death. bible(KJV) [Lev20:10]

Exodus 22:20

2006-02-03T01:50:00.001Z

20 He that sacrificeth unto any god, save unto the LORD only, he shall be utterly destroyed. bible(KJV) [Ex22:20]>